ئۈزۈم ئۈستۈرۈش تۇغۇرسىدا

dighar · ۋاقتى: 2015-3-26 01:25:06

بۇ يازمىنى ئاخىرىدا dighar تەھرىرلىگەن. ۋاقتى  2015-5-16 16:35

ئۈزۈم ئۈستۈرۈش تۇغۇرسىدا :
تۇرپان كىشمىش ئۈزۈمىنى (ئۈزۈم تاللىرى)  تۇپىدىن چىقىرىشتىن ئاۋال باراڭغا ئىشلىتىلدىغان تۈۋرۈك(سىمونت دوڭزا) لەرنى تەكشۈرۈش ، باراڭ ئۈستىگە سىملارنى چىڭ تارتىپ مۇقىملاش، كەتمەن،  گۈرجەك دىگەندەك سايمانلارنى تەييارلاش كېرەك .
توپىدىن چىقىرىش ۋاقتى تۇرپاندا  3-ئاينىڭ 5-كۈنىدىن 4-ئاينىڭ 5-كۈنىگىچە بولىدۇ، باشقا رايونلاردا ئەمەلىي ئەھۋالغا قاراپ تەك(ئۈزۈم ) ئىچىشنى باشلىسا بولىدۇ ، تەك ئىچىشنىڭ ئەڭ ياخشى پەيتى ئۆرۈك چىچەكلەشنىڭ ئالدى-كەينىدىكى 15 كۈن ئەڭ مۇۋاپىق بولىدۇ.
   تەك ئاچقاندا شۇڭ (ئۈزۈم تاللىرى) لارنىڭ كەتمەن تىگىپ يارلىنىشىدىن ئامال بار ساقلىنىش، باراڭغا ئاتقاندا  ئاستا يىنىك ئىتىش، باراڭغا تەكشى رەتلەپ باغلاشتا، شۇڭنىڭ تۇپىسىنى قاقىمەن -دەپ  ،  توقماق بىلەن  ئۇرۇشتىن قاتتىق ساقلىنىش، باغلىغاندا چۈنەكتىن سىمغا بەك چىڭ تارتىپ باغلاشتىن ساقلىنىش (چىڭ تارتىۋەتسە شۇڭ يۇغنىغاندا، تىك تۇرۋىلىپ ياخشى كۈمۈلمەي قالىدۇ)  ،چۈنەك ئىچى ھەم يەرلەرنى تازلاپ ،تۈزلەپ، رەتلەپ،  قىر ۋە ئېرىقلارنى ئىگىزلىتىش،  شۇڭنى باراڭغا ئىلىپ بولغاندىن كىيىن، قاندۇرۇپ سۇغرىش ۋە  سۇغىرىشقا بىرلەشتۈرۈپ ئازوتلۇق ئوغوت بىلەن ئوغوتلاش ئاز مىقداردا فوسفۇرلۇق ، كالىيلىق ئوغوتلار بىلەن قوشۇمچە  ئوغوتلاش، بىر مو يەرگە  20-30 كىلوگىرام  ئەتراپىدا ، ئوغوتلىسا بولىدۇ.  چىرىتىلگەن قوي ، كالا قىغىنى چۈنەك  ئىچىگە چىچىپ بەرسىمۇ،  ئورەك كولاپ بەرسىمۇ بولىدۇ ( چىرىتىلگەن قوي ، كالا قىغىنى كۈزدە ئورەك كولاپ بەرسە ئەڭ ياخشى بولىدۇ).
   تۇرپاندا ھاۋا ئىسسىق بولغاچقا  10كۈندە بىر قىتىم سۇغرىلدۇ ، باشقا نەملىك دەرىجىسى يوقۇرى جايلار سۇغىرىش ۋاقتىنى ئەھۋالغا قاراپ  مۇۋاپىق  ئۇزارتسا بۇلىدۇ .
(ئالاھىدە ئەسكەرتىش: بىر رايون بىلەن يەنە بىر رايوننىڭ ۋاقىت پەرقى ئىنتايىن چوڭ بۇلىدۇ، مەسلەن : پىچان ناھىيە بازىرى بىلەن بولغان ئارلىقىمىز 40-50كىلومىتىر كىلىدۇ، بىراق ۋاقىت پەرقى 7-10كۈن پەرىقلىندۇ،ئۈزۈم ئىشلىرى ناھىيە بازىرىدا كىيىن باشلىنىدۇ  ) .

dighar · ۋاقتى: 2015-3-26 01:28:10

تۇرپاندا ھازىر% 90 تەكلەر ئىچىلىپ بولدى .

uyflash · ۋاقتى: 2015-3-27 22:30:22

مەنچە بولسا سەيناغا مۇشۇنداق دىھقانچىلىق بىلىملىرىنى كۆپرەك يوللىنىپ تۇرسىكەن دەيمەن.
تىما ئىگىسىگە كۆپ رەھمەت.

dighar · ۋاقتى: 2015-4-14 00:19:45

بىرىنچى سۈيىنى تەكنى ئىچىپلا ئۈچ-تۆت كۈن تۇرغۇزۇپ ، ئاق ئازوتنى ئېرىققا چىچىپ سۇ قويساق بۇلىدۇ (بىر مو يەرگە 15كىلوگىرام ئەتراپىدا ) . ئازوتنى تەك تۈپ بىشىغا قۇيۇشقا ھەرگىز بولمايدۇ . 1005.tmp.jpg

dighar · ۋاقتى: 2015-4-14 00:34:19

سۇ قۇيۇپ ئىككى كۈندىن كىيىن، تەكنى سىمغا چىگىشنى باشلىساق بۇلىدۇ .

dighar · ۋاقتى: 2015-4-16 02:26:52

تۇرپان رايونىمىزدا ھاۋا ئىسسىق بولغاچقا، 14-15كۈن ئەتراپىدا ، ئىككىنچى سۈيىنى قويىمىز .شاپتول چىچەكلەش مەزگىلى

dighar · ۋاقتى: 2015-4-19 01:05:00

تەك ياساش بۈگۈن باشلاندى .

dighar · ۋاقتى: 2015-4-22 00:31:22

بۇ يازمىنى ئاخىرىدا dighar تەھرىرلىگەن. ۋاقتى 2015-4-22 00:39

تەكنى ياساشتا (چاتاش) ئۈزۈم بولغان يىڭى نوتىنى ئۈزۈم ئۈستىدىن بىر يوپۇرماق قويۇپ ئۇچچىنى ئۈزۈش، مېۋە بولمىغان نوتىلارنى غول شۇڭ غا بەش سانتىمىتىر يىقىن بولغانلىرىنى 7-8 يوپورماق قالدۇرۇپ ئۇچىنى ئۈزۈش، قالغانلىرىنى پۇتىۋىتىش، ئوزۇقلۇقنىڭ ئىسراپ بولشنىڭ ئالدىنى ئىلىش لازىم. باراڭ بەك قىلىن بۇلۇپ، يورۇقلۇق چۈشۈشى ناچار جايلارنىڭ يىڭى نوتىدىكى ئۈزۈم ئاستىدىن 2-3 تال يوپورماقنى ئۈزۋىتىشكىمۇ بولىدۇ.

dighar · ۋاقتى: 2015-5-7 23:30:05

بۇ يازمىنى ئاخىرىدا dighar تەھرىرلىگەن. ۋاقتى 2015-5-7 23:32

تەكنى 5-ئاينىڭ 5-كۈنىگىچە چاتاپ بۇلۇش(5-ئاينىڭ 5-كۈنىدىن كىيىن قالسا، ئۈزۈم يەرگە چۈشۈشكە باشلايدۇ ) ، 4-ئاينىڭ 20-كۈنىدىن، 5-ئاينىڭ 7-كۈنىگىچە بىرىنچى قىتىملىق گېبىرلىن(赤霉素)نى ئۈزۈم ساپاقلىرىغا چىچىپ بۇلۇش لازىم . 8904_2456220(1).jpg

dighar · ۋاقتى: 2015-5-8 00:14:46

بۇ يازمىنى ئاخىرىدا dighar تەھرىرلىگەن. ۋاقتى 2015-5-11 23:53

گېبىرلىن بىر قوتا 80-100كىلوگىرام سۇغا ، 1گىراملىق خالتىدىكىسى 7-8 گىرام مەخسوس ئىشلىتىلدىغان ئىسپىرت بىلەن ئېرتىلىپ، 8-10 كىلوگىرام سۇغا ئارلاشتۇرۇلۇپ ئۈزۈم ساپىقىغا تەكشى پۈركىلدۇ.دورا چىچىلىپ بولغاندىن كىيىن، بىر قىتىم سۇغىرىلدۇ. 1A)`RGYO15}~WN`NNUEKQ[F.png

dighar · ۋاقتى: 2015-5-12 00:06:28

6-7يىللىق بولغان كۆچەت تەكلەرگە يىلدا بىر قىتىم گىبىرلىن (赤霉素)پۈركىلدۇ ، پۈركۈش ۋاقتى 5-ئاينىڭ 10-كۈنىدىن، 15-كۈنىگىچە . چىچەك پۈتۈنلەي ئىچىلىپ بولغاندا (ئۈستىدىكى رەسىمدىكىدەك) پۈركىلدۇ.

dighar · ۋاقتى: 2015-5-16 16:14:39

بۇ يازمىنى ئاخىرىدا dighar تەھرىرلىگەن. ۋاقتى  2015-5-16 16:23

ئۈزۈم يىشىل ماش تەك چوڭلۇقتا بۇلۇشتىن ئىلگىرى  ياكى يىشىل ماشچىلىك چوڭلۇقتا بولغاندا ، 2-قېتىملىق  گېبىرلىن پۈركىلدۇ.  پۈركۈشتە 5-ئاينىڭ 15-كۈنىدىن، 20- كۈنىگىچە پۈركۈلسە بۇلىدۇ .گېبىرلىن بىر قوتا 50-60كىلوگىرام سۇغا ، 1گىراملىق خالتىدىكىسى5-6گىرام مەخسوس ئىشلىتىلدىغان ئىسپىرت بىلەن ئېرتىلىپ، 5-6 كىلوگىرام سۇغا ئارلاشتۇرۇلۇپ  ئۈزۈم ساپىقىغا تەكشى پۈركىلدۇ.دورا چىچىلىپ بولغاندىن كىيىن، بىر قىتىم سۇغىرىلدۇ.

dighar · ۋاقتى: 2015-5-16 16:19:43

dighar · ۋاقتى: 2015-5-26 00:27:30

تەك ئېرىقىدىكى نوتىلارنى چاتاش ، ئېرىق ئىچىدىكى ياۋا ئوت-چۆپلەرنى تازلاش ئىلىپ بىرىش لازىم.
ئوغوتلاش:
بىر مو يەرگە 30-40كىلوگىرام ئەتراپىدا، فوسفورلۇق ئوغوتنى ئاساس، ئازوت، كالىيلىق ئوغوتنى قۇشۇمچە قىلىپ ، مىكرو ئىلمىنىتلىق (كالىتسىي، گۈڭگۈرت،ماگنىي،سىنىك،بور .....)ئوغوتلارنىمۇ بىرىش كېرەك.

dighar · ۋاقتى: 2015-7-8 15:20:30

تەك شاخلىرى باراقسان ئۈسۈپ ، يورۇقلۇق چۈشۈشى ياخشى بولمىغاندا ، دائىم چاتاپ تۇرۇش (بۇلۇپمۇ چۈنەك، ئېرىق ئىچىنى دائىم چاتاش كېرەك)، ياۋا ئوت-چۆپلەنى ئوتاپ تۇرۇش، بۇلۇپمۇ تۇرپاندا سۇغۇرۇشنى 10كۈندىن ئۈتكۈزۋىتىشكە بولمايدۇ.

ھېسابات		ساقلاش	پارول قايتۇرىۋېلىش
پارول			تىزىملىتىش

مىكروبلوگ[ يېڭى | 24 سائەت | 7 كۈن | 30 كۈن ]

ئۈزۈم ئۈستۈرۈش تۇغۇرسىدا

باھالاش