پىروگراممېرلار مۇنبىرى قۇرۇلدى!

pirogrammer · ۋاقتى: 2014-10-17 16:50:55

ئەسسالامۇ ئەلەيكۇم، ھۆرمەتلىك پىروگرامما تىلى ھەۋەسكارلىرى! ئارىمىزدا  مەخسۇس يۇمشاق دېتال ئېچىش ۋە .NET مۇھىتىدا ASP.NET لىق تور بېكەت ئېچىش بىلىملىرىنى ئۆگىنىش مۇنبەرلىرىنىڭ ئاز بولۇشى(ئاساسەن يوق، ھەم كەسپىي ئەمەس، شۇنداقلا يېڭىلىنىشى ئاستا) قاتارلىق بىر قاتار سەۋەبلەرنى  چىقىش نوقتىسى قىلىپ  [پىروگراممېرلار مۇنبىرى] قۇرۇپ چىقىشنى ئۇزاقتىن بېرى پىلانلاپ كەلگەن ئىدۇق. لېكىن پىلاننى سوقۇپ قويغان بىلەن ئازراقتىن بولسىمۇ ھەرىكەتلىنىپ تۇرمىسا، پىلانىمىز - پىلان پېتى قېلىۋېرىدىغان ئىشكەن. شۇڭا ئۇشبۇ مۇنبەرنى يۈرۈشتۈرۈۋېرىشنى قارار قىلدۇق. گەرچە بىزمۇ ئۆگەنگۈچى بولساقمۇ، پىروگرامما تېلى ئۆگىنىش ماتېرىياللىرى ۋە ئۆگىنىش تەجرىبىمىزنى كەڭ پىروگراممېرلار بىلەن ئورتاقلىشىش ئۈچۈن مۇشۇنداق پۇختا بولمىغان، تەييارلىقسىزلا مۇنبەرنى رەسمىي ئېچىپ، باشلاپ كەتتۇق. بىز ئويلايمىز، كەڭ پىروگرامما ھەۋەسكارلىرى ۋە كەسپىي پىروگراممېرلىرىمىز ئۇشبۇ مۇنبەردىن پىروگرامما تىلى ئۆگىنىشنى ۋە كەسپىي پىروگراممېرلىرىمىزنىڭ ئۆز تەجرىبىلىرىنى ئايىماي تەمىن ئېتىدۇ، دېگەن ئۈمىدەتە بىز.

مۇنبىرىمىزنىڭ نىشانى:
  1- يۇمشاق دېتال ئېچىش تېخنىكىسى دەرسلىكى ماتېرىيالى بەھرلەش ۋە تەجرىبە ئالماشتۇرۇش
  2- .NET مۇھىتىدا ASP.NET لىق تور بېكەت ئېچىش تېخنىكىسى بىلىملىرىنى ئۆگىنىش ۋە تەجرىبە ئالماشتۇرۇش
  3- پىروگرامما تىلى ھەۋەسكارلىرىغا پىروگرامما دۇنياسىغا كىرىشتىكى تەجرىبە ماقالىلىرى ۋە تەرجىمە ماقالىلىرى بىلەن بەھرلىتىش
  4- يېڭى IT(ئۇچۇر تېخنىكىسى) خەۋەرلىرى بىلەن خەۋەردار قىلىش.

  نىشانىمىز: ھەممە بىرلىكتە ئۆگىنىش ۋە تەجرىبە ئالماشتۇرۇش.

پىروگراممېرلار مۇنبىرى

Intil · ۋاقتى: 2014-10-17 21:29:02

پروگراممېرلار قول تۇتۇشۇپ يېڭى نەتىجىلەرنى ۋۇجۇتقا چىقارغايسىلەر!
1- ئۇيغۇرچە توربەتلەردىكى تەھرىرلىگۈچكە ئىملا تەكشۈرگۈچ لازىم!

kerindax · ۋاقتى: 2014-10-17 23:21:55

بۇ مېنىڭ ئارزۇيۇم ئىدى

pirogrammer · ۋاقتى: 2014-10-18 00:13:45

Intil يوللىغان ۋاقتى 2014-10-17 21:29
پروگراممېرلار قول تۇتۇشۇپ يېڭى نەتىجىلەرنى ۋۇجۇتقا چى ...

گەرچە ئىملانى بەك توغرا قىلالمىغان بولساقمۇ، ھەر ھالدا ئىملانى ياخشىلاشقا تىرىشىۋاتىمىز. تەھرىرلىگۈچلەرگە كەنجى كوررېكتور ئېغىز بىلەن تەمىنلىگەن بولسا ياخشى بولاتتى.

pirogrammer · ۋاقتى: 2014-10-18 00:14:34

kerindax يوللىغان ۋاقتى 2014-10-17 23:21
بۇ مېنىڭ ئارزۇيۇم ئىدى

بىرلىكتە ئارزۇلىرىمىزنى ئەمەلگە ئاشۇرغايمىز

Intil · ۋاقتى: 2014-10-18 00:46:28

pirogrammer يوللىغان ۋاقتى 2014-10-18 00:13
گەرچە ئىملانى بەك توغرا قىلالمىغان بولساقمۇ، ھەر ھال ...

ھازىرقى تور ئەھۋالىدا، ساندانىدىن پايدىلىنىشنى ئىلتىماس قىلىش مۇۋاپىقمىكىن.
يەنە بىر چارە، ئىملا ئامبىرىنى ھەربىر ئاتامان ئۆزىمىز تەييارلاش، ئاخىرىدا ئىقتىدار تۈزگۈچى جۇغلاش.

pirogrammer · ۋاقتى: 2014-10-18 11:00:10

Intil يوللىغان ۋاقتى 2014-10-18 00:46
ھازىرقى تور ئەھۋالىدا، ساندانىدىن پايدىلىنىشنى ئىلت ...

ئىملا ئامبىرىنى ئۆزىمىز تەييارلىساقمۇ خېلە بوپ قالغۇدەك. لېكىن بۇنىڭغا بىرەر كەسپىي پىروگراممېر يىغىلغان ئىملا ئامبىرىنى تەكشۈرۈپ، ئامبارغا كىرگۈزمىسە بولمايدۇ.

kerindax · ۋاقتى: 2014-10-18 13:02:55

«پروگراممېر» توغرىمۇ؟ ياكى «پىروگراممېر»؟
«يېڭى ئىملا قائىدىسى» دەپ بىر مۇنچە قالايمىقانلىقلار يۈز بېرىۋاتىدۇ.... ئۇيغۇرسوفت تور لۇغىتىدە «پروگراممېر» دىگەننى توغرا دەپتۇ. ئەگەر شۇنداق بولسا «pirogrammer» دەپ ئالغىنىڭلار بىر مەزگىلدىن كېيىنلا تالاشتا قېلىشى مۇمكىن. مەنمۇ تۇنجى قەدىمىڭلانىڭ بۇنداق سىلكەشكە ئۇچرىشىنى خالىمايمەن. تەكلىپىم باشقا تور نامىنى ئويلاشقان بولساڭلار....
ئەگەر باشلىنىش ياخشى بولسا، قوللاشمۇ يېتەرلىك بولسا قىسقا مۇددەت ئىچىدە ھەممە ئادەم بىلىدىغان تېخنىكا مۇنبىرى بولۇپ قالىدۇ.

kusan · ۋاقتى: 2014-10-18 16:12:30

http://www.pirogrammer.com/forum.php خەت بەك كىچىك

pirogrammer · ۋاقتى: 2014-10-18 23:11:52

kerindax يوللىغان ۋاقتى 2014-10-18 13:02
«پروگراممېر» توغرىمۇ؟ ياكى «پىروگراممېر»؟
«يېڭى ئىمل ...

ئى نى قاتماي يېزىلىدىغان نامنى خېلە بۇرۇنلا كۆك كۆزلۈك پەرەڭلەر ئېلىپ بولۇپتىكەن. مۇشۇ ئىملا قائىدىسىنىڭ جىقلىقىدىن بۇ ئىسىمنى قوللانسام بولارمۇ بولماسمۇ دېگەندەك جىق ئويلىنىشلار بوپ كەتتى كاللامدا. ئاخىرى مۇشۇ ئىسىمنى قوللىنىۋېرەي دېگەن قارارغا كەلدىم. كىم بىلىدۇ بۇ ئىملاچىلار يەنە قانداق قائىدىنى چىقىراركىنتاڭ.

1525 · ۋاقتى: 2014-10-19 11:44:51

مەنمۇ پروگراممىغا قىزىقىمەن

Intil · ۋاقتى: 2014-10-20 20:48:36

pirogrammer يوللىغان ۋاقتى 2014-10-18 11:00
ئىملا ئامبىرىنى ئۆزىمىز تەييارلىساقمۇ خېلە بوپ قالغۇ ...

بىر قىسىم ھۆكۈمەت تورىدىكى يازمىلارنىڭ ئىملاسىنىڭ توغرىلىق نىسبىتى بىر قەدەر يۇقۇرى، بىرەر پروگرامما ئارقىلىق ئۇچۇر سۈزۈشنى ئىشقا ئاشۇرۇپ ئىملا ئامبىرى شەكىللەندۈرۈش، ئاندىن ئىملا تەكشۈرگۈچ ئىشلەتكەن توربەتلەرنىڭ ئۆزلىرىنىڭ قوشغان سۆزلۈكلىرىنى يىغىپ پات- پات يېڭى ئامبار ھاسىللاپ تارقىتىشنى ئويلىشىپ باقساڭلار.

ablkim · ۋاقتى: 2014-10-23 09:53:46

مۇنبەر قۇرۇلغانلىقىغا مۇبارەك بولسۇن، ئىشىڭلارنىڭ يۈرۈشۈپ كېتىشىنى ئۈمۈد قىلىمەن.

ھېسابات		ساقلاش	پارول قايتۇرىۋېلىش
پارول			تىزىملىتىش

مىكروبلوگ[ يېڭى | 24 سائەت | 7 كۈن | 30 كۈن ]

پىروگراممېرلار مۇنبىرى قۇرۇلدى!

باھالاش

باھا سۆز

باھا سۆز