ياپۇنىيە شامچە سىزىقى

PASSS · ۋاقتى: 2014-10-13 18:51:37

بۇ يازمىنى ئاخىرىدا PASSS تەھرىرلىگەن. ۋاقتى  2014-10-14 10:38

ياپۇنىيە شامچە سىزىقى  (k سىزىق)
بىزگە مەلۇمكى ھەر قانداق بىر كەسىپتە شۇ كەسىپنىڭ نورمال ئېلىپ بىرلىشى ئۈچۈن شۇ كەسىپكە خاس ياكى ئونۋىرىسال ئىشلىتىشچانلىققا ئىگە بەزى بىر قوراللىرى بولىدۇ ، پۇل-مۇئامىلە بازىرىنىڭمۇ شۇنىڭغا يارىشا  ئۆزىگە خاس تەھلىل قوراللىرى بار، ئۇلار ئامېرىكا سىزىقى ، ياپۇنىيە شامچە سىزىقى ۋە غەرىپنىڭ تېخنىك كۆرسەتكۈچىلىرى ئۆز ئىچىگە ئالىدۇ. گەرچە ئامېرىكا سىزىقى بىلەن ياپۇنىيە شامچە سىزىقىنىڭ ھەر ئىككىلىسىنىڭ ئىشلىتىشچانلىقى ئوخشاش يەنى بازارنى ئوقۇش ياكى كۆرۈش ئۈچۈن ئىشلىتىلسىمۇ، ياپۇنىيە شامچە  سىزىقىنىڭ ئىشلىتىشچانلىقى يۇقىرى ، ئومۇملاشقان، ئىپادىلىگەن مەزمۇنى ئاددى،چۈشۈنىشلىك شۇنداقلا ئۇنىڭدىن بازارغا ئائىت نۇرغۇن ئۇچۇرلارنى تاپقىلى بولىدۇ. شۇڭا ياپۇنىيە شامچە سىزىقىنى ۋە ئۇنىڭدىن شەكىللەنگەن بەزى بىر شەكىللەرنى  ياخشى ئىگەللىۋالسىڭىز پايچىك، زايۇم، ئالتۇن كۈمۈش، قەرەللىك مال ، فونىد ۋە باشقا نەرسىلەرنى ئوقۇش، چۈشىنىش، تەھلىل قىلىش  قاتارلىق ئىقتىدارلارغا ئىگە بولىسىز ، ئەمدى مۇشۇلارنى قانچىلىك دەرىجىدە ئىشلىتىش ، توغرا يۆنىلىشتىكى تەھلىل قىلىش سىز بىزگە قويۇلغان سۇئال.
  ياپۇنىيە شامچە سىزىقى( خەلقىئاراداK سىزىق دەپ قوللىنىدۇ)
بۇ سىزىقنى ئەڭ دەسلەپتە ياپۇنيىلىكلەر گۈرۈچنىڭ باھا ئۆزگىرىشىنى خاتىرلەش ئۈچۈن ئىشلەتكەن ، كىيىن پۇل مۇئامىلە مەھسۇلاتلىرىنىڭ باھا ئۆزگىرىشىنى خاتىرلەش ياكى كۆرۈش ئۈچۈن ياپۇنىيەدە ئومۇميۈزلىك قوللىنىلغان ، گەرچە بۇ خىل سىزىق بارلىققا كەلگىلى ئىككى يۈز  يىلدىن ئارتۇق بولغان  بولسىمۇ غەرىپتىكىلەر ئانچە ئىشلىتىپ  كەتمىگەن تاكى 1980 يىللاردىن كىيىن ئاندىن ئاستا ئاستا قۇبۇل قىلىپ ئومۇميۈزلۈك قوللىنىلغان ، ياپۇنىيە شامچە سىزىقىنى ئوگىنىش بەك ئاددى ھەم ئاسان  ، بەلكىم يېرىم سائەت ياكى نەچچە سائەتتىلا سىز ئۇ سىزىقچە ئىپادىلىگەن مەزمۇنلارنىڭ ھەممىسىنى ئىگەللەپ بولىشىڭىز مۇمكىن ، ياپۇنىيە شامچە سىزىقىنىڭ ئۆزگىرىشى پەقەت يەتتە خىللا شەكىلدە بولىدۇ ، ئەمدى ھەر ئىككى ياكى ئۇنىڭدىن ئارتۇق شامچە سىزىقنىڭ بىرىكىشىدىن ھاسىل بولغان  شەكىللەر بەك كۆپ ،شۇڭا  ئەمدىكى ئۆگەنمەك تەس بولغىنى شۇ سىزىقلاردىن ھاسىل بولغان ھەر خىل شەكىللەر
سىز بىز دەسلەپتە ئۆگىنىدىغىنى بىر قەدەر مۇقىم بولغان شەكىللەرنى ئاساس قىلىمىز ، مەسىلەن ئادەم باش شەكىل،بايراق شەكىل،ئۈچبۇلۇڭ شەكىل،پەلەيپىىسىمان ئۆرلەش چۈشۈش شەكىللىرى،پاراللىل شەكىل ، پاراللىلپىپىد شەكىل ،∨ خەتلىك،خەتلىك ،دىگەندەك تۈرلەر بار M ،  خەتلىك W ،يالغۇز تاياقچە ، قوش تاياقچە ،  باشقا شەكىللەرنى سىز چوقۇم تەجربىڭىز مول بولغاندا ئاندىن كۆزىتەلەيسىز ياكى بىۋاستە ھۆكۈم قىلالايدىغان بولىسىز . شۇنىسى ئېنىقكى بازار بارغانسىرى كۆپ خىللىشۋاتىدۇ، بازار ئۆزگىرىشى مۇقىم بولغان ، كۆپ قېتىم تەجىربىدىن ئۆتكەن شەكىللەرمۇ باشقىچە بۇرۇلۇش ھاسىل قىلىۋاتىدۇ.

               ياپۇنىيە شامچە سىزىقىدىن شەكىللەنگەن رەسىم

                     ئامېرىكا سىزىقىدىن شەكىللەنگەن رەسىم
  ئەمدى سىز ئەمىلى ئەھۋالىڭىزغا ئاساسەن بۇنداق سىزىقلاردىن بىرسىنى تاللىسىڭىز بولىدۇ ، مىنىڭ تەۋسىيەرىم ياپۇن سىزىقىنى ئاساس قىلىپ باشقا سىزىقلارنى قوشۇمچە قىلىپ ئىشلىتىڭ ، چۈنكى بەزى شەكىللەرنى ياپۇن سىزىقىغا باققاندا ئامرىكا سىزىقى ياكى ئەگرى سىزىقتا كۆزەتسىڭىز تېخىمۇ ئېنىق ھەم ئۇچۇق بىلگىلى بولىدۇ . مەسىلەن قوش تاياقچە ياكى يالغۇز تاياقچە شەكىللىرىنى ئامرىكا سىزىقىدا كۈزەتكەندە تېخىمۇ ئۇچۇق،ئېنىق بولۇپ ، ھۆكۈم ئېلىپ بېرىشتا ياپۇنىيە سىزىقىغا باققاندا بىر قەدەر توغرا ھەم ئاسان.
  سىز بۇ خىل سىزىقلاردىن شەكىللەنگەن رەسىملەرنى ئوقۇش ياكى چۈشىنىش ، ئۇنىڭ ئىپادىلىگەن مەنىسىنى بىلىش ئۈچۈن بىر بولسا كىتاپقا ياكى كەسىپ ۋاكالەتچىلىرىگە تەۋسىيە قىلسڭىز بولىدۇ .
ھەرقانداق بىر ئىنساننىڭ  ھەر خىل سىزىقلاردىن شەكىلەنگەن رەسىملەرنى ئوقۇش، چۈشىنىش ،تەھلىل قىلىش ئىقتىدارى بولىدۇ . پۇل-مۇئامىلە بازىرىدا شەكىللەنگەن بۇ رەسىملەر ئىقتىسادى ، سىياسى ئامىللارنىڭ تەسىرىنى ئۆز ئىچىگە ئالغان بولىدۇ . دەل مۇشۇنداق بولغانلىقى ئۈچۈن سىز ھەم مەن پۇل مۇئامىلە بازارلىرىدىن تولىمۇ يىراقتا تۇرۇپ ، شۇنداقلا خەۋەر زەنجىرىنىڭ ئەڭ ئاجىز ، تۆۋەن ھالقىسىدا تۇرۇپمۇ بۇ بازارغا كىرىپ سودا قىلىۋاتىمىز .
بىزدە نۇرغۇن خەنزۇچە يېزىقنى تونىمايدىغان كىشىلەر بۇ سودىنى قىلىۋاتىدۇ ، شۇڭلاشقا ئۇلار سودا ۋاكالەتچىلىرىنى چىڭ تۇتىشى ، ئۇلاردىن ھەر خىل بىلىملەرنى ئۆزىگە ئۆگىتىشنى تەلەپ قىلىشى كېرەك، رەسىم تەھلىل قىلىش ئۇسۇلى بولسا سىز ئىقتىساد ، سىياسى بىلىملەرنى ئۈگەنمەي تۇرۇپ ياكى ئۇلارغا داھىم دىققەت قىلماي تۇرۇپ بازارغا توغرا باھا بىرىشتىكى ئەڭ ياخشى ئۇسۇل .
سىز شەكىللەرنى ئۆگىنىپ بولغاندىن كېيىن ئۇنى چوقۇم ھەر خىل تېخنىك كۆرسەتكۈچلەر بىلەن بىرگە ئىشلىتىسىڭىز زۆرۈر ، ئەڭ مۇھىمى سىزدىكى تەجىربىگە تايىنىپ ھۆكۈم چىقىرىشىڭىز لازىم .
ئوخشاش شەكىلنىڭ ئۆزگىرىشى بەلكىم تارىخى قانۇنىيەتكە بويسىنىشى ۋە ياكى يېڭىچە ئۆزگىرىشى مۇمكىن .
ئەگەردە رەسىم ئارقىلىق تەھلىل قىلىش تەس ياكى داھىم توغرا ئۇچۇرغا ئىرىشەلمىسىڭىز ، ئۇنداقتا سىز ئۆلچەملىك تەھلىل قىلىش ئۇسۇلىنى قوللىنىڭ ، بۇ ئۇسۇل
بازار ئۆزگىرىش تەھلىلىنى سىز سىياسى بىلىم،ئىقتىسادى بىلىم،سىزنىڭ پىسخىك ھالىتىڭىز ھەم تېخنىك كۆرسەتكۈچلەرنىڭ ياردىمىدا ئېلىپ بارىدىغان ئۇسۇلدۇر .
ئەمدى نۇرغۇن كىشىلەر تېخنىك كۆرسەتكۈچىلىرىنىڭ رەلىنى بەك چوڭ بىلىدۇ ،داھىم كۆرسەتكۈچنىلا ئاساس قىلىۋالىدۇ ، بىلەمسىزمىكىن ھەر قانداق بىر  سودا دىتالىدا ئاپتۇماتىك مۇلازىمەت كەسپى بار ، سىز پەقەت بەزى بىر يەرلىرىنىلا تەڭشىسىڭىز كومپىيوتىر سىزگە ئاپتوماتىك بازار تەھلىل قىلىپ مال ئېلىپ سېتىپ قىلىپ بېرىدۇ ، بۇنىڭدا كومپىيوتىرنىڭ ئاساس قىلغىنى دەل تېخنىكىلىق كۆرسەتكۈچ ،ئەمما بۇ خىل ئۇسۇل ئارقىلىق پايدا ئالغانلار نىسبىتى ئادەم قىلغاننىڭكىدىن كۆپ تۆۋەن بولغان ،ئەمما بىز ھەر قانداق بىر ھۆكۈمدە ئۇنىڭدىن ئايرىلالمايمىز ،ئۇ ئارقىلىق ھۆكۈمىمىزنىڭ توغرىلىقىنى يۇقىرى كۆتۈرەيمىز ،تېخنىكىلىق كۆرسەتكۈچ بولسا چەتئەلدىكى ئۇتۇق قازانغان كىشىلەرنىڭ ماتىماتىكىلىق،سىتاتىسكىلىق ئۇسۇللاردىن پايدىلىنىپ ئۆز ئۇسۇلىنى قېلىپلاشتۇرغاننىڭ نەتىجىسى، مەسىلەن سىزما بىر خىل ئۇسۇل ئارقىلىق كۆپ پايدا ئالالىسىڭىز سىز ئاشۇ ئۇسۇلغا ماتىماتىكا،سىتاتىسكا قاتارلىق نەرسىلەرنى كۈرگۈزۇپ بىر كۆرسەتكۈچ ياسىسىڭىز بولىدۇ.  مەن  رەسىم تەھلىل ئۇسۇلى بەك مۇھىم دەپ قارايمەن، باياتىن دىگەندەك ھەر خىل شەكىللەر بولسا دۇنيا ئىقتىساد ئۆزگىرىشىنىڭ ، سىياسەت ئۆزگىرىشىنىڭ ھەم سودىغا قاتناشقۇچىلارنىڭ پىسخىك ھالەت ئۆزگىرىشىنىڭ نەتىجىسىدۇر . شۇڭا شەكىل ئىچىدە ھەممە ئۇچۇر بار . دىمەك مۇرەككەپ ئۆزگىرىشلەرنىڭ ئاساسى يەنىلام ئاددى بولغان ياپۇنىيە شامچە سىزىقى .
تەجىربە بۇ جان تۇمۇرغا ئوخشاش ھەر بىر قول سودىدا سىزنىڭ ئۇتۇق قازىنىشىڭىز تەجىربىڭىزگە باغلىق ،  ئەگەر  سىزدە مول بولغان تەجىربە بىلەن چوڭقۇر رەسىم تەھلىل قىلىش ئىقتىدارى بولسا بەلكىم سىز دىيارىمىزدىكى كىيىنكى مىليادىر بوپ قېلىشىڭىز مۇمكىن .
ئۈندىدار نۇمۇرۇم :728339627

Segek · ۋاقتى: 2014-10-15 14:32:17

رەسىمنى قوشۇۋەتكەن بولسىڭىز ياخشى بولاركەن.

ھېسابات		ساقلاش	پارول قايتۇرىۋېلىش
پارول			تىزىملىتىش

مىكروبلوگ[ يېڭى | 24 سائەت | 7 كۈن | 30 كۈن ]

ياپۇنىيە شامچە سىزىقى