جۇڭگو ئىسلام جەمئىيىتى تورىنىڭ ئۇيغۇرچە بېتى ئېچىلدى

cholpan · ۋاقتى: 2014-6-30 14:45:17

مەركىزىي كومىتېت بىرلىكسەپ بۆلۈمى ، دۆلەتلىك دىن ئىشلىرى ئىدارىسى قاتارلىق ئورۇنلارنىڭ قوللاپ قوۋۋەتلىشى بىلەن جۇڭگو ئىسلام جەمئىيىتى تورىنىڭ ئۇيغۇرچە بېتى تۈنۈگۈن 2014-6-28- كۈنى رەسمى ئېچىلدى. ئېچىلغاندىمۇ رەسمىي مۇراسىم بىلەن ئېچىلدى، جۇڭگو ئىسلام جەمئىيىتىنىڭ رەئىسى ھىلالىدىن چېن گۇڭيۈەن ئاخۇن مەزكۇرتور بېتىنىڭ جەمئىيەتكە يۈز ئاچقانلىقىنى ئېلان قىلدى، چاۋاكلار چېلىندى، رەسىملەر تارتىلدى، ئەمما رەسىمنى بۇ يەرگە چىقىرىپ بولالمىدىم، مەقسەت ئۇ ئەمەس، بۇ تور بېتىنى كۆپچىلىككە بىلدۈرۈپ قويۇش: www.chinaislam.net.cn/uyghur
بىر ئايدىن بېرى جىددىي تەييارلىق قىلىش نەتىجىسىدە بۇ تور بېتىنىڭ دەسلەپكى شەكلى پۈتۈپ، يېزىق، سۈرەت، ۋىدىيولار قويۇلدى، خەت، ماقالە ئوقۇشتىن زوقلىنىدىغانلار دىن ۋە ھايات قاتارلىق سەھىپىلەرگە قويۇلغان تاللانغان ماقالىلەرنى ئوقۇسا بولىدۇ، ماقالىلەر ئاساسەن «جۇڭگومۇسۇلمانلىرى» ژۇرنىلى ۋە بۇ ژۇرنالنىڭ مۇھىم ماقالىلىرىدىن تۈزۈلگەن «ھىدايەت گۇلزارى» ناملىق توپلامدىن ئېلىندى. ۋىدىيو كۆرىمەن دەيدىغانلار ئىسلام دىنىنىڭ ئوتتۇراھال يول تۇتۇش ئىدىيەسى مۇھاكىمە يىغىنىدا سۆزلەنگەن نۇتۇق ۋە ئۆتكەن نۆۋەتلىك قىرائەت مۇسابىقىلىرىدە نەتىجىگە ئېرىشكەن قارىملارنىڭ مۇڭلۇق قىرائەتلىرىنى كۆرسە، ئاڭلىسا بولىدۇ. سەمىمىيەت بىلەن شۇنى دېيىشكە بولىدۇكى، بۇ ئىشلارنى روياپقا چىقىرىش ھەقىقەتەن ئاسان ئەمەس، بۇ تور بېتىدىن ھەر كىم ئۆزىگە يارىشا بىرەرئۇچۇر، ئىلىم، ھېكمەت، تەسىرات ئېلىپ قالسا ئەجەب ئەمەس.

sapardax · ۋاقتى: 2014-7-1 10:07:35

ياخشى بوپتۇ ۋاقتىم چىقسا كۈرۈپ باقىمەن،

cholpan · ۋاقتى: 2014-7-22 20:00:48

مەنبەسى: شىنجاڭ خەلق رادىيو ئىستانسىسى ئىستانسىمىز خەۋىرى:
جۇڭگو ئىسلام دىنى جەمئىيىتى تور پونكىتىنىڭ ئويغۇرچە تور بېتى يېقىندا رەسمىي ئېچىۋېتىلدى. بۇ سۇپا ئارقىلىق، ئويغۇر تىل- يېزىقىنى قوللىنىدىغان مۇسۇلمانلار ئاممىسى دىنغا ئائىت سىياسەتلەر ۋە دىن ساۋاتلىرىنى تېخىمۇ ياخشى ئۆگىنەلەيدۇ. بۇ ئارقىلىق يەنە تەپسىر ئېيتىش خىزمىتىنىڭ قاپلاش دائىرىسىنى يەنىمۇ كېڭەيتىپ، مۇسۇلمانلار ئاممىسى ئۈچۈن مۇلازىمەت قىلىش يوللىرىنى كېڭەيتكىلى بولىدۇ.
مۇشۇ ئاينىڭ 10- كۈنى، بۇ تور پونكىتىدا، ئۈرۈمچى شەھىرى بەيتۇل مەئىمۇر مەسجىدىنىڭ ئىمامى مۇھتىرەم شېرىپنىڭ «ئىسلام دىنىدىكى بەش پەرزنىڭ بىرى− روزا تۇتۇش» دېگەن تېمىدىكى ۋەز- تەبلىغى ئېلان قىلىندى. بۇ-- جۇڭگو ئىسلام دىنى جەمئىيىتى تور پونكىتى ئېلان قىلغان ئاپتونوم رايونىمىزدىكى تۇنجى تۈركۈمدىكى تەپسىر ئېيتىش پائالىيىتى بولۇپ، تۇنجى تۈركۈمدە توردا تەپسىر ئېيتىشقا قاتناشقان 8 دىنىي زات 6 تېمىنى چۆرىدىگەن تەپسىر ئېيتتى.
تور ئادىرسى :http://www.chinaislam.net.cn/uyghur
خەۋەر مەنبەسى: شىنجاڭ خەلق رادىيو ئىستانسىسىhttp://uygur.chinabroadcast.cn/7466/2014/07/18/1349@491276.htm

ھېسابات		ساقلاش	پارول قايتۇرىۋېلىش
پارول			تىزىملىتىش

مىكروبلوگ[ يېڭى | 24 سائەت | 7 كۈن | 30 كۈن ]

جۇڭگو ئىسلام جەمئىيىتى تورىنىڭ ئۇيغۇرچە بېتى ئېچىلدى