كىچىك بالىغا ئالاقە كارتىسى ئېسىڭ

cholpan · ۋاقتى: 2014-6-29 18:20:13

Baqka، ozugh
ئۈزۈلمەيۋاتقان بالا يۈتۈش خەۋەرلىرىدىن ھەممەيلەن ئېچىنىمىز.
بەلكىم، بىر قانچە تەدبىر ۋە ئادەت بالا يۈتۈش ئېھتىمالى بار شۇ پەيتتە، بەختلىك ئائىلىنى خەتەردىن ساقلاپ قېلىشى مۇمكىن.
ئالاقە كارتىسى ئېسىش. كارتىغا، بالىنىڭ سۈرىتى، ئىسىم- فامىلىسى، ئاتا- ئانىسىنىڭ ئىسىم- فامىلىسى، ئالاقە ئۇسۇلى، ئادرىسى قاتارلىقلارنى، بالا قارانچۇقسىز ئۇچرىغاندا، ئالاقە نومۇرىدىن قايسىسىغا ئۇرسا بالىنى قايتۇرۇۋېلىشقا ۋاقىت- ئورۇن جەھەتتىن قولاي بولىدىغانلىقىنى تەپسىلىي يېزىپ قويۇش كېرەك.
ئالاقە كارتىسىنى، ئايىقى چىققاندىن باشلاپ 14 ياشقىچە بولغان بالىلارغا، ۋە دېۋەڭلىك كېسىلى بار قېرىلارغا چوقۇم ئېسىپ قويۇشنى تەۋسىيە قىلىمىز. ئەپ قاچارلاردىن باشقا كىشىلەر چوقۇم ياردەم قىلىدۇ.

1. كىچىك بالىلارغا تىلى چىققان ھامان بىرىنچى بولۇپ ئاتا-ئانىسىنىڭ ئىسمى، تېلىفۇن نومۇرى، خىزمەت ئورنى ، كەسپى،  ئائىلە ئادىرىسى.... دېگەندەك مۇھىم ئۇچۇرلارنى يادلاتقۇزۇش ھەم پات-پات سوراپ تۇرۇش؛
2. سىرتلارغا ئېلىپ چىققاندا ئۆينىڭ ئەتراپىدىكى گەۋدىلىك قۇرۇلۇش، يول ئىغىزلىرى، دۇككان-سودا-سارايلارنىڭ نامىنى ئاستا-ئاستا ئۆگىتىپ قويۇش؛
3. سىرتلارنى چۆرگىلەپ ئۆيگە يانغان چاغدا، بالىلارغا يول باشلاتقۇزۇپ كۆندۈرۈش، خاتالاشسا ۋاقتىدا تۈزىتىش بېرىش؛
4. مەكتەپ يېشىدىكى بالىلارنىڭ سومكىسىغا بالىنىڭ ۋە ئاتا-ئانىسنىڭ تۈرلۈك ئۇچۇرلىرى (سىنىپ مەسئۇلىنىڭ ئۇچۇرلىرىنىمۇ ئۆز ئىچىگە ئالىدۇ) يېزىلغان كارتا تەييارلاپ سېلىپ قويۇش.
   كىچىك بالىلار كەپسىز بولغاچقا ئۇلارنىڭ ئۇچۇر كارتىسىدا پاخپاق ياساپ ئوينىشىنىڭ ئالدىنى ئېلىش ئۈچۈن، ئىمتىھان بەرگەندە سۇئال قەغىزىنىڭ ئاستىغا قويىدىغان ھەر خىل رەڭدە چىقىدىغان بىر خىل سۇلياۋ تەگلىك بار (باھاسى 1-3 يۈەن ئەتراپىدا)، شۇنى مۇۋاپىق چوڭلۇقتا كېسىپ، پىلاستىنكىلارغا (ئەينەككە، سۇلياۋ خالتىلارغا، تۈنكىگە ....) خەت يازىدىغان مەخسۇس قەلەم ( باھاسى 1-5 يۈەن ئەتراپىدا) بىلەن بىر تەرىپىگە ئۇيغۇرچە، يەنە بىر تەرىپىگە خەنزۇچە يىزىپ، سومكىنىڭ ئاسانلىقچە چۈشۈپ قالمايدىغان مەخپى يانچۇقلىرىغا سىلىپ قويساق ياكى تىكىپ (مىخلاپ، چاپلاپ) قويساق بولىدۇ.
   ۋە ياكى كىملىك چوڭلۇقىدىكى قەغەزگە ئۇچۇرلارنى يېزىپ ياكى كومپيۇتىردا ئۇرۇپ، رەسىمخانىلارغا، كومپيۇتىر مۇلازىمەت ئورۇنلىرىنىڭ قايسىسىغا بارساق، 1-ئەۋلاد كىملكتەك قىلىپ سۇلياۋغا ئوراپ بېرىدۇ. ( باھاسى: 2-3 يۈەن ئەتراپىدا) بۇنىڭدىن بىر قانچىنى ياسىتىپ، بالىلارنىڭ سومكىسىغا، يانچۇقىغا سېلىپ قويساقمۇ بولىدۇ.
5. مەكتەپ بالىلىرى ئامال بار يالغۇز ماڭماسلىقى ، بىر مەھەللىدىن، بىر قورۇدىن چىقىدىغان بالىلار بىر-بىرىنى توۋلىشىپ بىرگە بىرىپ-كېلىشى كېرەك.
6. ئەڭ ئەڭ مۇھىمى كىچىك بالىلارغا ناتونۇش ئادەملەردىن ئىھتىيات قىلىشنى ئۆگىتىپ قويۇش (بولۇپمۇ ھازىرقى دەۋىردە)
7. بالىلارغا ئائىلىسى تەۋە بولغان ساقچىخانىنىڭ ئىسمىنى ئۆگىتىپ قويۇش؛
ھازىرنىڭ ئۆزىدە كاللامغا كەلگەنلىرى مۇشۇنچىلىك، قالغىنىنى تورداشلار تولۇقلاپ قويسا...

jasur520 · ۋاقتى: 2014-7-2 16:34:13

ناھايىتى ياخشى تىما بولۇپتۇ بۇ . مەن ھازىردىن باشلاپ تەييارلىق قىلاي.

ھېسابات		ساقلاش	پارول قايتۇرىۋېلىش
پارول			تىزىملىتىش

مىكروبلوگ[ يېڭى | 24 سائەت | 7 كۈن | 30 كۈن ]

كىچىك بالىغا ئالاقە كارتىسى ئېسىڭ