[ئۇيغۇرچە ئەپ] نارۇتو ئاتالغۇلار لۇغىتى Android نۇسخسى تارقىتىلدى

Kulke · ۋاقتى: 2014-6-7 01:18:27

ئەسسالامۇئەلەيكۇم تورداشلار
قۇتيار تەرجىمە فىلىم گۇرۇپپىمىز تەرجىمە قىلىپ مېڭىۋاتقان ياپونىيە كۆپ قىسىملىق تېلېۋىزىيە تىياتىرى «نارۇتو» نى تەرجىمە قىلىش جەريانىدا تەرجىمانلىرىمىزغا بۆلۈنگەن قىسىملاردا يېڭى ئاتالغۇلار چىقىپ تۇرۇۋاتىدۇ. ئەلۋەتتە بۇنى ھازىر uYGHuR05 ئەپەندىم ئۆزى باش بولۇپ تەھرىرلەپ ۋە ئاتالغۇلارنى رەتلەپ مېڭىۋاتىدۇ. بىزمۇ تەرجىمە ۋەزىپىسى ئالغان تەرجىمانلارغا رەتلەنگەن ئاتالغۇلارنى ئىشلىتىشنى ئېيتىپ كېلىۋاتىمىز. يەنى [ئاتالغۇلار] «نارۇتو» فىلىمىدىكى ئاتالغۇلار دېگەن تېمىغا يېڭى ئاتالغۇلارنى قوشۇپ قويۇپ تەرجىمانلارنىڭ پايدىلىنىشى ئۈچۈن تەييار قىلدۇق. ئەمما بىر قىسىم تەرجىمانلارنىڭ تورغا چىقىشى ئەپسىز شارائىتتا بۇ يەرمۇ ئەسقاتماي، ئاتالغۇلارنىڭ قالايمىقان ئېلىنىپ كېتىشى ياكى تەرجىمىنىڭ كەينىگە سۈرۈلۈپ كېتىشىنى كەلتۈرۈپ چىقاردى. شۇ ۋەجىدىن يېقىندا uYGHuR05 ئەپەندىم مۇشۇ ئاتالغۇلارنى توپلاپ PDF قىلىپ ھەر بىر تەرجىمانغا ۋەزىپىگە قوشۇپ بىللە بېرىشىمىزنى ئېيتتى.
بۇ لۇغەتتە پەقەت نارۇتو فىلىمىنىڭ 1-قىسىمىدىن 133-قىسىمىغچە بولغان كىشى ئىسىملىرى، يەر جاي ناملىرى، دۆلەت ناملىرى، فىلىمدىكى ماھارەت ناملىرى... قاتارلىقلارنىڭ ئۇيغۇرچە ۋە خەنزۇچە ئىككى خىل ھالىتىلا كىرگۈزۈلدى. ئاللاھ خالىسا ۋاقىتىم يار بەرسە بۇ لۇغەتنى مۇكەممەللەشتۈرۈپ مەخسۇس كىنو-فىلىم ئاتالغۇ لۇغىتى قىلىپ قويۇش ئارزۇيىمىز بار. ھازىر بۇ نۇسخىسدىن تەرجىمانلارنىڭ ئۈنۈملۈك پايدىلىنىپ تۇرۇشىنى سورايمىز.

بۇ لۇغەتنىڭ كومپيۇتېر نۇسخىسىنى بۇ يەرنى بېسىپ چۈشۈرۈڭ.

ئەپ نامى: نارۇتو ئاتالغۇلىرى
نەشرى: 1.0
ئىشلەش مۇھىتى:Android 4.0 دىن يۇقىرى سىستېمىلار
ئېلان قىلىنغان ۋاقتى: 2014-يىلى سەپەر ئېيىنىڭ 7-كۈنى (كەچ)
1.0 نەشرىنى چۈشۈرۈش

Naruto_Atalghu_Lughiti1.0.apk ‎(288 KB) چۈشۈرۈش سانى: 0

لۇغەت كەسمىلىرى:

ئەسلى مەنبە: قۇتيار مۇنبىرى

Intil · ۋاقتى: 2014-6-7 02:00:39

«ئوت تون» نى « ئاتەش تون» ياكى « ئاتەش ساۋۇت» دېسە ماس كەلمەمدىكەن؟

Kulke · ۋاقتى: 2014-6-7 13:30:03

Intil يوللىغان ۋاقتى 2014-6-7 02:00
«ئوت تون» نى « ئاتەش تون» ياكى « ئاتەش ساۋۇت» دېسە ماس ك ...

تۇپراق توپ، ئوت تون، سۇ تون... مۇشۇنداق دۆلەتلەر ۋە ماھارەتلەر بار. شۇڭا تەرجىمانلار شۇنداق ئاپتۇ. ساۋۇت دېسەك بۇ يەردە جايىغا چۈشمەيدىكەن. تون دېگىنى ئەسلى ئاھاڭى بويىچە ئېلىنىپتۇ. كۆرگۈچىلەر نېمە ماھارەت ئىكەنلىكىنى قاراپلا بىلەلەيدىكەن شۇڭا ئاشۇنداق ئالغانىكەن.

Intil · ۋاقتى: 2014-6-8 10:37:47

ئۇ ماڭا تازا جىپسىلاشمىغاندەكلا بىلىندى، شۇڭا بىر قاراشتىلا تەرجىمە ئاتالغۇسى ئىكەنلىكى بىلىنىپ قالىدىكەن. تەرجىمانلار ھېلىمۇ كۆپ ئالغا باستى شۇنداقتىمۇ مۇشۇنداق بىزدە كۆ ئۇچرىمايدىغان سۆز- ئائالغۇلار ئۈستىدە ئىزدىنىشنى چوڭقۇرلاشتۇرۇشىنى ئۈمىد قىلىمەن.

Kulke · ۋاقتى: 2014-6-9 10:53:43

Intil يوللىغان ۋاقتى 2014-6-8 10:37
ئۇ ماڭا تازا جىپسىلاشمىغاندەكلا بىلىندى، شۇڭا بىر قار ...

بۇ فىلىمدىكى ئوت دېگەن سۆز نوقۇل سۈپەت ئەمەس. بەلكىم ھەقىقى بىر ئىسىم. ئەسلى ياپونچىدىمۇ شۇنداق مەنىسى چىقىپ تۇرىدىكەن. بۇ فىلىمدىكى ئوت تون، سۇ تون دېگەن ماھارەتلەرنى پەقەت ئەڭ ئالىي ئاتامانلار ئوت تون ۋە سۇ توننىڭ نېمىلىكىنى بىلىدىكەن ۋە ئىشلىتەلەيدىكەن. باشقا ئادەتتىكى نىنجالار ئىسمىنى ئاڭلىغان بىلەن ئىشلىتىشنى بىلمەيدىكەن. يەنى ئوت تون پەقەت ئوت ئاتامانىغىلا خاس ماھارەتكەن. شۇڭا ئۇنى ئوت تون دەپ ئېلىش توغرا دەپ قارىدۇق. ناۋادا سىز دېگەندەك ئوت دۆلىتىدىكىلەرنىڭ ھەممىسى ئوت تون ماھارىتىنى بىلگەن بولسا ئۇ چاغدا ئومۇملاشتۇرۇپ ئاتەش دېسەك بولاركەن.

ھېسابات		ساقلاش	پارول قايتۇرىۋېلىش
پارول			تىزىملىتىش

مىكروبلوگ[ يېڭى | 24 سائەت | 7 كۈن | 30 كۈن ]

[Android] [ئۇيغۇرچە ئەپ] نارۇتو ئاتالغۇلار لۇغىتى Android نۇسخسى تارقىتىلدى

مۇناسىۋەتلىك تېمىلار