سىناپ بېقىڭ: ئاۋازنىڭ سۇغا بولغان تەسىرىنى سىنلاش

ahmat0997 · ۋاقتى: 2014-5-17 01:23:16

تىما ئىگىسى:kokyar
مەزمۇنى:
ئەگەر ئۆزىڭىز ئىشلىتىۋاتقان كامىرانىڭ پىرىنسىپىنى چۈشەنمەكچى بولسىڭىز بۇنى كۆرۈپ بېقىڭ، ئەگەر شاائىتىڭىز بولسا سىناپ بېقىڭ.

بىر دانە ياڭراتقۇنىڭ ئالدىغا بىر دانە سۇ نەيچىسىنى ۋېرتىكال ھالەتتە ئېسىپ قويساق، ئاندىن ئالدىغا بىر دانە كامېرا قويۇپ سۈرەتكە ئالساق، سۇ ئېقىۋاتقان ھالەتتە ياڭراتقۇنىڭ 24Hz لىق سنۇس دولقۇنغا تەڭشەپ قويساق، كۆز ئالدىمىزدا ئاجايىپ بىر مۆجىزە نامايەندە بولىدۇ! سىندىكى سۇنىڭ ئېقىشى قارىماققا توختاپ قالغاندەكلا كۆرۈنىدۇ! دىققەت، بۇنىڭغا ھېچقانداق ئالاھىدە كومپيۇتېر تېخنىكىسى ئىشلىتىلمىگەن…

قارىماققا ئانچە ھەيران قالمىدىڭىزمۇ؟ ئۇنداقتا ياڭراتقۇنى 23Hz لىق سنۇس دولقۇنغا تەڭشەپ باقايلى، بۇ چاغدا سۇ ئاستىغا ئەمەس، بەلكى ئۈستىگە قاراپ ئېقىشقا باشلايدۇ!

http://v.youku.com/v_show/id_XMzg0NjA5NzQ4.html
بۇنىڭ پرىنسىپى ئەمەلىيەتتە، ياڭراتقۇ 24Hz قا توغرىلانغان ھالەتتە، سۇنىڭ تىترەش چاستوتىسىمۇ 24Hz قا ئۆزگىرىدۇ، بۇ چاستوتا كامېرانىڭكى بىلەن ماس قەدەملىشىپ، ئەڭ ئاخىرىدا سۇ توختاپ قالغاندەك كۆرۈنۈش ھاسىل بولىدۇ. ياڭراتقۇ ۋە سۇ ئوخشاشلا 23Hz بولغاندا، كامېرانىڭ چاستوتىسى ئۆزگەرمەي يەنىلا 24Hz تا تۇرىدۇ، بۇ چاغدا چىققان ئۈنۈمدە سۇ خۇددى تەتۈرىسىگە ئېقىۋاتقاندەك كۆرۈنىدۇ. ئوخشاش پرىنسىپتا، سىز يەنە ياڭراتقۇنى 25Hz قا تەڭشەپ قانداق ئۈنۈم چىقىدىغانلىقىنى كۆرۈپ باقسىڭىزمۇ بولىدۇ.

بۇ ئۈنۈمنى ھەقىقەتەن قالتىس دېيىشكە بولىدۇ، خۇددى Matrix تا NEO كېلىۋاتقان ئوقلارنى توسۇۋالغان كۆرۈنۈشتىكىدەكلا. قىززىققۇچىلار ئۆزەڭلار بۇ قۇرۇلمىنى قول سېلىپ ئىشلەپ سىناپ باقساڭلارمۇ بولىدۇ، قارىماققا خېلى ئاددىيدەك تۇرىدۇ.

http://v.youku.com/v_show/id_XNTI2Mzg2Mzgw.html
تەۋرىنىۋاتقان سۇ ئېقىمىنى كامېرا ئارقىلىق تېز سۈرئەتتە سۈرەتكە ئالغاندا، ناۋادا تەۋرىنىش چاستوتىسى ۋە كامېرانىڭ سۈرەتكە ئېلىش چاستوتىسى ماسلىشىپ قالسا، ئۇنداقتا خۇددى بىز كىنولاردا دائىم كۆرىدىغان ماشىنا ئالدىغا كېتىۋاتقان بولسىمۇ، ئەمما چاق قارىماققا تەتۈر چۆرگىلەۋاتقاندەك مەنزىرە ھاسىل بولىدۇ، مۇنداقچە ئېيتقاندا، ئادەمنىڭ كۆزى ھەقىقى تۇرمۇشتا بۇنداق مەنزىرىنى كۆرۈشكە ئامالسىز…

ئەمما ئۈسكۈنىڭىزنى چۈشەنسىڭىز مۇنداق ئۆزگىچىلىكلەرنى كۆپلەپ يارىتالايسىز.
مەنبە: تورخۇمارلار كۇلۇبى دىن ئۆزلەشتۈرۈلۈپ كۆچۈرۈلدى.

sirdax120 · ۋاقتى: 2014-5-17 23:35:50

ئەگەر چۈشەندۈرۈشنى كۆرمىگەن بولسام كىرىشتۈرۈپ ياسىغان فلىم دەپ قالاتتىكەنمەن.

bostan305 · ۋاقتى: 2014-5-19 19:15:15

ئەگەر چۈشەندۈرمىگەن بولسىڭىز مەنمۇ راسلا كومپىيوتىردا كىرۈشتۈرۈپتۇ دەپ قاركەنمە، توۋا ......

ھېسابات		ساقلاش	پارول قايتۇرىۋېلىش
پارول			تىزىملىتىش

مىكروبلوگ[ يېڭى | 24 سائەت | 7 كۈن | 30 كۈن ]

سىناپ بېقىڭ: ئاۋازنىڭ سۇغا بولغان تەسىرىنى سىنلاش