ئايفوندا ساپ ئۇيغۇرچە قىستۇرما ئىشلىتىڭ .

jesur · ۋاقتى: 2014-3-18 02:02:14

ئەسسالامۇ ئەلەيكۇم!
Cydia غا تۇنجى تۈركۈمدىكى ئۇيغۇرچە قىستۇرما بولىقى چىقىرىلدى ...
ئەيھانناس، ئىشتاننى سېلىپ بوينۇڭغا ئاس. :lol :lol  گەپنى ئاز قىلىپ سىزنى چۆمچەيتىپ قويماي.
بۈگۈن دوستلىرىمىز بىلەن ئورتاقلاشماقچى بولغان تېمام ھەر قايسى ئالما ھەۋەسكارلىرىنىڭ ئۇخلىماي  كۆرگەن چۈشلىرىنى  رىئاللىققا ئايلاندۇرالىغان بولسا مەن شۇنىڭغا خۇش.
ئاڭلىمىدىم دېمەڭكى ، ئۆزىڭىز ئىشلىتىشنى كېچە كۈندۈز ئارزۇ قىلىپ كېلىۋاتقان، ئەمما تىل سەۋىيىڭىز سەۋەبلىك ئىشلىتىشكە قادىر بولالماي كەلگەن Cydia دىكى  بەزىبىر قوللىنىشچان قىستۇرمىلار «ئايبىلگە» تور بېكىتىنىڭ قۇرغۇچىسى بىلگە ئۇستاز باشچىلىقىدىكى ئۇيغۇرچە قىستۇرما تەرجىمە ئەترىتى تەرىپىدىن ئۆز تىلىمىزغا تەرجىمە قىلىنىپ تۇنجى تۈركۈمدىكى تەرجىمە قىستۇرما تىل بولاقلىرى  Cydia غا چىقىرىلدى. ئىنشائاللاھ،  بۇنىڭدىن كىيىن ھەم تېخىمۇ كۆپ قىستۇرمىلار ئۆز تىلىمىزغا تەرجىمە قىلىنىپ، قېرىنداشلىرىمىزنىڭ مەنىۋى ئارزۇسىنى قاندۇرغۇسى....
               Cydia مەنبە ئادرېسى : http://Cydia.ibilge.com    تور ئادرېسى :www.ibilge.com
مەنبەدە يەنە iphone, ipad, itoch لارنىڭ ھەر قايسى نۇسخىدىكى ئۇيغۇرچە خەت نۇسخىلىرى، تۆۋەن نەشىردىن تارتىپ يۇقىرى نەشىرگىچە بولغان،  بەيدۇغا بېقىنمايدىغان مۇستەقىل ھالدىكى ئۇيغۇرچە ئونۋېرسال كۇنۇپكا تاختىلىرى تەمىنلەنگەن. تەمىنلەنگەن كۇنۇپكا تاختىلىرىنى يانفۇننىڭ ئۆزىدىنلا كۇنۇپكا تاختىسى قوشۇش رايونىدىن بىۋاستە «ئۇيغۇرچە» دېگەننى تاللاپلا ئىشلىتەلەيسىز.  بىر مەنبە ئارقىلىق كومپىيۇتىر ئىشلەتمەي بىردەمدىلا ئۆزىڭىز كۆزلىگەن مەقسەتكە يېتەلەيسىز...
ئەسكەرتىش: ئايبىلگە مەنبەسىدە تەمىنلەنگىنى پەقەت  ھەر قايسى قىستۇرمىلانىڭ ئۆز تىلىمىزدىكى  تىل بولىقى بولۇپ، ئاۋۋال سىز ئاۋۋال  ئەسلىدىكى مەنبەدىن شۇ قىستۇرمىنىڭ ئۆزىنى قاچىلاپ  بولۇپ،  ئاندىن  ئۇيغۇرچە تىل بولىقىنى قاچىلىسىڭىز  ئۇيغۇرچە ھالەتتە  نورمال ئىشلىتەلەيسىز.
گەپنى جىق قىلمايلى، تۆۋەندە دوستلىرىمىزغا تەرجىمە ئەترىتىمىز تەرجىمە قىلىپ تارقاتقان بەزىبىر قىستۇرمىلارنىڭ كۆرۈنمە يۈزى تەمىنلەندى .ئەلۋەتتە تەرجىمە قىلىش جەريانىدا بەزىبىر خاتالىقلاردىن خالىي ئەمەسمىز.  ھەر قايسى دوستلىرىمىزنىڭ ئىشلىتىپ كۆرۈپ قىممەتلىك تەكلىپ- پىكىرلەرنى بېرىشىنى قارشى ئالىمىز.
بايانات: ئايبىلگە مەنبەسىدە تەمىنلەنگەن ئۇيغۇرچە مەزمۇنلار پەقەت ھەر قايسى قېرىنداشلىرىمىزنىڭ تىل  جەھەتتىكى بوشلۇقىنى تولدۇرۇپ ئۆز تىلىدىكى دېتاللارنى  نورمال ئىشلىتەلىشى ئۈچۈن پۈتۈنلەي ھەقسىز تەمىنلەندى. كىچىكىدە ئانا سۈتى ئەممەي كالا سۈتى ئېمىپ چوڭ بولغان كۇسپۇرۇچلارنىڭ ھەرقانداق سورۇندا سودا خاراكتېرلىك ئىشلىتىشى قەتئىي چەكلىنىدۇ. ئەگەر سودا ئىشىغا ئىشلىتىپ  يامان تەسىر پەيدا قىلغۇچىلار قانۇنىي يول ئارقىلىق جاۋابكارلىقى سۈرۈشتە قىلىنىدۇ.
ئەمگىكىمىزگە ھۆرمەت قىلىڭ!!!!!

parishan · ۋاقتى: 2014-3-18 15:31:50

ۋەئەلەيكۇم ئەسسالام ماشائاللاھ داۋاملىق ياخشى نەتىجىلەرنى قولغا كەلتۈرۈشكە ئاللا مۇۋەففەق قىلسۇن

bahtim3 · ۋاقتى: 2014-3-21 11:44:48

ياخشىكەن ئامما مەندە ئالما تىلفۇن يوقتى

taylak · ۋاقتى: 2014-3-27 01:12:25

سىناپ باقىمەن ئاندىن پىڭرىمنى ئوتتۇرغا قوياي

ھېسابات		ساقلاش	پارول قايتۇرىۋېلىش
پارول			تىزىملىتىش

[iPhone] ئايفوندا ساپ ئۇيغۇرچە قىستۇرما ئىشلىتىڭ .