ئىككى مىنۇتتا بىر فونتنى ئالمىغا %100 ماسلاشتۇرۇش

jesur · ۋاقتى: 2014-2-14 05:37:51

ئەسسەلامۇ ئەلەيكۇم .    ھەرقانداق ۋاقىتتا سالام قىلىشنى ئۇنۇتماڭ .

فونت بىلەن ھەپىلەشكىلى خىلى بولۇپ قالدى . دەسلەپ باشلىغاندا بىر كىچە ئۇخلىماي ئولتۇرۇپ بىر فونتنى ماسلاشتۇرغىنىم ئىسىمدە ،
بىر كۈنى ئەتتىگەندىن كەچكىچە ئولتۇرۇپ ئىككى يۈرۈش فونتنى ماسلاشتۇرۇپ چىقتىم . نامازلىرىم ۋە تامىقىممۇ ئىسىمگە كەلمىگەن ئىدى . كىيىن بارا بارا سۈرئىتىم تىزلىشىپ ئۈچ سائەتتە بەش يۈرۈش فونتنى ماسلاشتۇردۇم .
ئەمما بۇ تىمىدا مەن سىزگە پەقەت ئىككى مىنۇتتا بىر ئۆلچەملىك يۈنىكودلۇق فونتنى ئالما مەھسۇلاتىلىرىغا ماسلاشتۇرۇش ئۇسۇلىنىڭ بارلىققا كەلگەنلىكىنى بىلدۈرۈپ قويماقچى .
بۇنى بىزگە ئاي بىلگە تورىدىكى ئاي بىلگە يەنى جىنايەت ئۇستاز تەييارلاپ بەرگەن دەرسلىك ئارقىلىق ئەمەلگە ئاشۇرالايمىز .

دەرسلىك مەنزىلى :  UKIJ نىڭ فونتلىرىنى iPhone غا ماسلاشتۇرۇش ! ( دەرىسلىك )

مەن يۇقاردىكى دەرسلىكنى كۆرۈپ بىكەت باشلىقىنى تىللىغۇم كەلدى . نىمىشقا دىمەمسىز ؟ چۈنكى مەن كىچىلەپ ئاران ئىككى ياكى ئۈچ فونت ماسلاشتۇرسام ، بۇ قىرىندىشىمىز ئىككى مىنۇتتا بىردىن فونتنى زاۋۇتتا چىقارغاندەك چىقىرۋېتىدىكەن . يا باشتا دىگەن بولسا ، مەنمۇ جاپا تارتىپ يۈرمىسەم  ، يا بولمىسا مەن ئاران ئۈگىنىۋالغاندا بۇنداق ئاسان ئۇسۇلنى ئاشكارلىۋەتمىسە بولمامدۇ دەيمەن .
بەس ، بولغۇلۇق بوپ بولدى ، بۇ خىل ئاددى ئۈنۈملۈك فونت ماسلاشتۇرۇش دەرسلىكى ئەمدى تارقىلىشى كىرەك . ھەممىمىز ئۆزىمىزنىڭ فونتىنى ئۆزىمىز ياسايلى .!!!!!!!!!!!

خۇشاللىق تۈگەپ قالمىدى . يەنە بىر دەرسلىكمۇ بار بولۇپ ، بۇ دەرسلىك ئارقىلىق ماسلاشتۇرغان فونتىڭىزنىڭ چوڭ كىچىكلىكى ۋە ئورنىنى تەڭشىيەلەيسىز ، بۇمۇ بەك مۇھىم دەرسلىك ھىسابلىندۇ . ئومۇمى جەريانغا پەقەت يەتتە مىنۇت كىتىدىغان بولۇپ ، سىز پەقەت يەتتە مىنۇت ئىچىدە بىر فونتنى ماسلاشتۇرۇپ ، چوڭ كىچىكلىكى ۋە يۇقرى تۆۋەنلىكىنى ئۆزىڭىزگە يارىغان بىر ھالەتكە تەڭشەپ ساقلىيالايسىز .
بۇنىمۇ ئاي بىلگە ئەپەندىم يەنى جىنايەت ئەپەندىم بىز ئۈچۈن خالىس ئىشلەپ بەرگەن بىر دەرسلىك ئارقىلىق ئەمەلگە ئاشۇرالايمىز .
دەرسلىك مەنزىلى : [دەرسىلىك]ماسلاشتۇرۇلغان فونتلارنى
چوڭايتىش،ئورنىنى تەڭشەش !

ئەسلى سىن ھۆججىتىنىڭ ئادرىسىنى ئۇلىنىش قىلىپ بۇ يەرگە بىۋاستە قويۇلىدىغان قىلىپ قويساممۇ بولاتتى . بىراق ئۆزنىڭ تور بىكىتىنىڭ بوشلۇقىغا يوللاپ بىزگە ھەقسىز تەقدىم قىلغان دەرسلىكنى مەن باشقا يەرگە ئۇلىنىش قىلىۋالسام ، ئاي بىلگە تورىنىڭ سۈرئىتىنىڭ ئاستىلاپ قىلىشىنى كەلتۈرۈپ چىقىرىدۇ . بۇنى تور بىكەت بىلەن ھەپىلىشىپ باققانلار ئىنىق بىلىدۇ .
بەلكىم بۇيەردە بەزى قىرىنداشلىرىمىز ، ئاي بىلگە تورىنى تەشۋىق قىلىۋاتىدۇ دىيىشى مۆمكىن .  بۇمۇ خاتا ئەمەس ،
مىنىڭ كۆز قارىشىم بولسا ئۇ دوستىمىزنى قوللىشىمىز كىرەك .
چۈنكى بۇ قوللاش ئالمىغا ئائىت يىڭى -يىڭى دەرسلىك ۋە تىخنىكىلارنىڭ روياپقا چىقىشىنىڭ كاپالىتى بولۇپ قالغۇسى .

ھېسابات		ساقلاش	پارول قايتۇرىۋېلىش
پارول			تىزىملىتىش

مىكروبلوگ[ يېڭى | 24 سائەت | 7 كۈن | 30 كۈن ]

ئىككى مىنۇتتا بىر فونتنى ئالمىغا %100 ماسلاشتۇرۇش