جۇڭگوچە مەشخۇلات سېستىمىسى ئېلان قىلىنماقچى

islam151 · ۋاقتى: 2013-12-31 21:05:27

ئەنگىلىيە رادىئو شىركىتى BBC نىڭ خەۋىرىگە ئاساسلانغاندا، جۇڭگوLinux مەشخۇلات سېستىمىسى كارخانىسى Canonical بىلەن ھەمكارلىشىپ، جۇڭگو ئابونتلىرى ئۈچۈن لايىھىلەنگەن ئوچۇق كودلۇق مەشخۇلات سېستىمىسى Ubuntu بوبرا كىيىك(麒麟چى لىن)نى ئىشلىگەن. خەۋەردە، جۇڭگونىڭ بۇ ھەرىكىتى جۇڭگو IT ساھەسىنى غەربنىڭ ‹ئەمچىكىدىن ئايرىش› ھەرىكىتى دەپ قارالغان.

بۇ قېتىمقى ھەمكارلىق ئارقىلىق بارلىققا كەلگەن بوبرا كىيىك(麒麟چى لىن) ناملىق مەشخۇلات سېستىمىسى Ubuntu ئاساسىدا ئىشلەنگەن بولۇپ، 4-ئايدا ئېلان قىلىنىدىكەن. بۇ جۇڭگونىڭ بەش يىللىق پىلانىنىڭ بىر قىسمى بولۇپ، تېخىمۇ كۆپ جۇڭگولۇقلارنى ئوچۇق كودلۇق يۇمشاق دېتاللار بىلەن تەمىنلەشنى مەقسەت قىلغان. ئوچۇق كودلۇق سېستىمىلارنىڭ ئابونتلارغا بەرگەن ئىچكى ھوقۇقى كۆپ بولغاچقا، ئابونتلار ئۆزىگە خاس مەشخۇلات سېستىمىسىنى لايىھىلىۋېلىشىغا ياردىمى زور.

Ubuntu بوبرا كىيىك(麒麟چى لىن) نىڭ تۇنجى نەشىرىنى ئۈستەل كومپىيوتېر ۋە خاتىرە كومپىيوتېرغا قاچىلاشقا بولىدۇ. بۇ نۇسخىدا خەنزۇچە خەت، بەلگىلەر ئىشلىتىلگەندىن سىرت، جۇڭگوچە كالىندار قوشۇلۇپ جۇڭگولۇقلارنىڭ ئىشلتىشىگە ماسلاشتۇرۇلغان. كەلگۈسىدىكى نەشىرلىرىدە جۇڭگودا كۆپ قوللىنىلىدىغان تور مۇلازىمىتى قوراللىرى، مەسىلەن بەيدۇ خەرىتىسى ۋە تاۋباۋ قاتارلىقلار، شۇنداقلا ئىشخانا ئاپتوماتلاشتۇرۇش ۋە رەسىم بىرتەرەپ قىلىش يۇمشاق دېتاللىرى قوشۇلىدىكەن.

Canonical، جۇڭگو سانائەت ۋە ئۇچۇرلاشتۇرۇش مىنىستىرلىقى يۇمشاق دېتال ۋە توپلاشتۇرۇلغان توك يولى تەرەققىيات مەركىزى ۋە دۆلەت مۇداپىئە پەن-تېخنىكىسى ئۇنىۋېرسىتىتى بىرلىشىپ بېيجىڭدا CCN ئوچۇق كودلۇق ئىجادىي تەجىربىخانىسى قۇرغان بولۇپ، جۇڭگوچە ئۈستەل يۈزى ۋە مۇلازىمىتىر مەشخۇلات سېستىمىسى بوبرا كىيىكUbuntu نى ھەمكارلىشىپ بىرلىكتە ئاچىدىكەن.

كەسپ ئەھلىلىرىنىڭ قارىشىچە، جۇڭگونىڭ بۇ ھەرىكىتى ئۆزىنىڭ IT ساھەسىنى غەربنىڭ يۇمشاق دېتالچىلىقىدىن ئايرىپ چىقىپ مۇستەقىللەشتۈرۈش ھەرىكىتى بولۇپ، مەقسىتى چەتئەل مەشخۇلات سېستىمىلىرىنىڭ ئورنىنى ئالىدىغان تېخىمۇ كۆپ ئۆزىنىڭ يەرلىك مەشخۇلات سېستىمىلىرىنى ئېچىشكەن.
مەنبەسىhttp://www.nur.cn

begmurad · ۋاقتى: 2014-1-1 13:09:26

بۇ يازمىنى ئاخىرىدا begmurad تەھرىرلىگەن. ۋاقتى 2014-1-1 11:10

مەن ئۇنداق چۈشەنمدىمغۇ بۇ ھەرگىزمۇ «ئەمچىكىدن ئايرىلىش » ئەمەس بەلكى چىڭ چاپلىشىش.
جۇڭگونىڭ كانىكول بىلەن ھەمكارلىشىپ ئۇبۇنتۇ چىلىن (چىلىن بولسا جوڭگونىڭ قەدىمكى دەۋرىدىكى قۇت بەلگىسى ھايۋىنى بۇلۇپ ئەمەلىيەتتە مەۋجۇت ئەمەس. بەدىنى كىيىك ياكى جەرەنگە ئوخشاش دەپ قارىلىدۇ.) نى تۈزۈشى ھەرگىزمۇ ئۆز ئالدىغا سىستېما تۈزۈشى بولماستىن بەلكى كانانىكولنىڭ ئۇبۇنتۇنى تارقىتىشىغا پايدىلىق. ئۇبۇنتۇ بولسا لىنۇكىس يادرو ئاساسىغا قۇرۇلغان بۇلۇپ مىنىڭچە كانانىكول جۇڭگوغا بۇ سىستېىمىنى تۈزۈپ بەرگىنىگە مەلۇم ھەق ئالىدۇ ياكى سۇدا خاراكتىرىنى ئالغان بۇلىدۇ.
بۇ غەرب ۋە جۇڭگوغا ئوخشاشلا پايدىلىق. ئەمما بۇنىڭلىق بىلەن ئالدىراپ جۇڭگونى ماختاپ كىتىشكە بولمايدۇ، جۇڭگو ئايرىم بىر سىستېما يادروسىنى تۈزمىدى ھەتتا ئامىرىكا، فىرانسىيەدەك، گىرمانىيدەك ئۆز ئالدىغا ئۇچۇق كودلۇق سىستېمىمۇ تۈزمىدى پەقەت باشقىلار تۈزۈپ بەرگەن نەرسىنى ئىشلىتىشنى پۇل تۆلەپ ئۆگىنىۋاتىدۇ. بۇ بىر جۇڭگولۇق يازغان خەۋەر ئوخشايدۇ، ئەمما ئىلىم ئەھلىلېرىنىڭ سەت مەسخىرىگە قالىدۇ،- دە .

MusiC · ۋاقتى: 2014-1-1 21:21:59

زېرىكىشلىك مەھسۇلات ئېلانلىرى ۋە بۇدۇشقاق دېتاللارغا تويىدىكەنمىز بۇندابوپ قالسا. بۇنداق بولمىغىنى ياخشى

sapardax · ۋاقتى: 2014-1-1 21:37:35

ھېلىمۇ يىتەرلىك!!.يەنە نىمە بولسا بولار؟

Bahadir · ۋاقتى: 2014-1-2 10:15:22

دانا پارتىيىمىزنىڭ يەنە ئويلىغانلىرى بار .مەسىلەن ھەر بىر كومپىيوتىر ئالدىدا مەشغۇلات قىلغان ئادەمنى نازارەت ئاستىغا ئېلىش ،ئۇچۇرلىرنى بىلىپ تۇرۇش دىگەندەك ...

begtash · ۋاقتى: 2014-1-3 01:14:17

بۇمۇ بولىدىكەن، linuxقا بولغان قوللاش ئاشسا، بىزمۇ ئۇيغۇرچە ubuntuلارنى ئوموملاشتۇرىشىمىزغا پايدىسى بار.

abduweli09 · ۋاقتى: 2014-11-20 09:19:26

يەنىلا microsoftنىڭ دىتاللىرى ياخشى ھەم ئۇيغۇرچىنى قوللايدۇ ھەم ئۇيغۇر تىل قوشقىلى بولىدۇ .

ھېسابات		ساقلاش	پارول قايتۇرىۋېلىش
پارول			تىزىملىتىش

مىكروبلوگ[ يېڭى | 24 سائەت | 7 كۈن | 30 كۈن ]

جۇڭگوچە مەشخۇلات سېستىمىسى ئېلان قىلىنماقچى

باھا سۆز

باھا سۆز