ئاتا- ئانىمىز ئۈچۈن نېمە قىلىپ بەردۇق؟

tawlan12 · ۋاقتى: 2013-6-21 19:22:43

ipar-ay نامىدىكى توردىشىمىز خەنسۇچىدىن تەرجىمە قىلغان

ئۆمرىمىزدە ئاتا- ئانىمىز ئۈچۈن قىلىپ بېرىشكە تىگىشلىك بولغان 39 تۈرلۈك ئاددىي ئىشلار، سىز قىلىپ بېرەلىدىڭىزمۇ؟
1. ئاتا- ئانىڭىزنىڭ سالامەتلىكىنى قەرەللىك تەكشۈرتۈپ تۇرۇڭ.
2. ئاتا- ئانىڭىزنىڭ پارچە خىراجىتىنى ئۈزۈلدۈرۈپ قويماڭ.
3. ئاتا- ئانىڭىزنىڭ ياش ۋاقتىدا ئورۇندىيالمىغان ئارزۇسىنى ئورۇنداڭ.
4. ئاتا- ئانىڭىزغا ھەمراھ بولۇپ بۇرۇن تۇرغان جايلىرىغا ساياھەتكە ئېلىپ بېرىڭ.
5. ئاتا- ئانىڭىز بىلەن بىرلىكتە ئۇلارنىڭ دوستلىرىنى يوقلاڭ.
6. ئاتا- ئانىڭىزنى پات پات رەسىمگە چۈشۈرۈپ تۇرۇڭ.
7. ئاتا- ئانىڭىز بىلەن كۆپرەك پىكىر ئالماشتۇرۇڭ.
8. ئاتا- ئانىڭىزنى ساياھەتكە ئېلىپ چىقىڭ.
9. ئاتا- ئانىڭىز سىزگە ئۇچۇر يوللىسا، ئەستايىدىللىق بىلەن ئۇچۇر قايتۇرۇڭ.
10. پات- پات لايىقىڭىزنى ياكى ئايالىڭىزنى ئۆيگە ئاپىرىڭ.
11. ئاتا- ئانىڭىزنىڭ تۇغۇلغان كۈنىنى ئۆتكۈزۈپ بىرىڭ.
12. ئۆز قولىڭىز بىلەن ئاتا- ئانىڭىزغا تاماق ئىتىپ بىرىڭ.
13. ئاتا- ئانىڭىزنىڭ كۆڭلىدىكى تۈگۈننى يىشىڭ.
14. قانچە يىراقتا بولسىڭىزمۇ، ئالدىراش بولسىڭىزمۇ ئۇنۇتماي ھەر ھەپتىدە ئاتا- ئانىڭىزغا تېلىفۇن ئۇرۇڭ.
15. ئاتا- ئانىڭىزغا ئۇلارنى ياخشى كۆرىدىغانلىقىڭىزنى ئېيتىڭ.
16. ئاتا- ئانىڭىزنىڭ نىمىلەرنى ياقتۇرۇپ يەيدىغانلىقىنى بىلىڭ.
17. ئاتا- ئانىڭىز ئۆتكەن ئىشلىرىنى سۆزلىگەندە دېققەت بىلەن ئاڭلاڭ.
18. ئاتا- ئانىڭىز بىلەن بىرلىكتە مۇھىم پائالىيەتلەرگە قاتنىشىڭ.
19. بايرام، دەم ئېلىش كۈنلىرىنى ئىلاج بار ئاتا- ئانىڭىز بىلەن بىرگە ئۆتكۈزۈڭ.
20. تۇل قالغان ئاتا- ئانىڭىزغا ھەمراھ تېپىپ بېرىڭ.
21. ئاتا- ئانىڭىزنى چوڭ تاماقخانىلارغا تاماققا تەكلىپ قىلىڭ.
22. ئاتا- ئانىڭىز سىزگە ئىشىنىدىغان بولسۇن.
23. ئاتا- ئانىڭىزغا سىز ئوقىۋاتقان مەكتەپ ياكى شىركىتىڭىزنى ئېكىسكۇرسىيە قىلدۇرۇڭ.
24. ئاتا- ئانىڭىزغا قول شىلتىماڭ.
25. ئانىڭىزنى پەردازخانىغا ئاپىرىپ ھۆسۈن تۈزەتكۈزۈپ قويۇڭ،
26. ئاتا- ئانىڭىزنى ماس كېلىدىغان سۇغۇرتىغا قاتناشتۇرۇڭ.
27. ئاتا- ئانىڭىزغا سۇلغۇن، سوغۇق، تۈرۈلگەن يامان چىرايىڭىزنى كۆرسەتمەڭ.
28. ئاتا- ئانىڭىز بىلەن بىرلىكتە بەدەن چېنىقتۇرۇڭ.
29. ئانىڭىزنى ئازادە كىيىندۇرۇڭ.
30. دادىڭىزنى سالاپەتلىك كىيىندۈرۈڭ.
31. ئاتا- ئانىڭىز بىلەن بىرلىكتە ناخشا ئېيتىڭ.
32. ئاتا- ئانىڭىزغا ئۆزلىرى ياقتۇرىدىغان نەرسىلەردىن سوۋغا قىلىڭ. (گۈل، قۇش، پاقلان، موزاي، كىتاپ، چالغۇ ئەسۋاپ...)
33. ئاتا- ئانىڭىزغا تورغا چىقىشنى ئۆگىتىپ قويۇڭ.
34. ئاتا- ئانىڭىزنىڭ ئۆيىنى سەرەمجانلاشتۇرىشىغا ئىلھام بېرىڭ.
35. ئاتا- ئانىڭىز بىلەن بىرلىكتە ئائىلنىڭ چوڭ ئىشلىرىنى قىلىڭ.
36. ئاتا- ئانىڭىزنى بىرلىكتە كىنوخانىغا ئېلىپ بېرىپ بىر مەيدان كونا فىلىم كۆرۈڭ.
37. ئاتا- ئانىڭىزغا بالىلىرىڭىزنى دائىم كۆرسىتىپ تۇرۇڭ.
38. ئاتا- ئانىڭىزنىڭ ئىشتىن سىرتقى ھەۋەسلىرىنى شەرتسىز قوللاڭ.

39. ئاتا- ئانىڭىزنىڭ پائالىيەتلىرىگە مۇۋاپىق قاتنىشىپ تۇرۇڭ.

*** *** *** دەرەخ جىم تۇراي دىسىمۇ شامال جىم تۇرغۇزمايدۇ... بىر قىسىم ھەقىقەتلەرنى بەكلا كىچىكىپ ھېس قىلىدىكەنمىز، چۈنكى ۋاقىت ئادەمنى ساقلاپ تۇرمايدۇ. ئەگەر سىز ۋاپادار ئوغۇل، ۋاپادار قىز بولسىڭىز ئۇنداقتا ئاتا- ئانىڭىز ئۈچۈن ئازراق بولىسمۇ بىرەر ئىش قىلىپ بېرىڭ. ھايات ئىنتايىن چەكلىك، ئاتا- ئانىمىزنىڭ ھايات ۋاقتىنى قەدىرلەيلى، قۇربىمىزنىڭ يىتىشىچە كۈتۈپ ئۇلارنى رازى قىلىۋالايلى. *** *** --- ئىپار

ئىزاھات: خەنچىدىن تەرجىمە قىلىندى، بەزى جايلار ئازدۇر ئۆزلەشتۈرۈلدى. بەك پىرىنسىپقا كۆتىرىۋالماي تۇرمۇش ئادەتلىرىمىزگە ماس كېلىدىغان تەرەپلەردىن بەھىرلىنىپ قويايلۇق. بۇ يازمىنى ئاخىرىدا tawlan12 تەھرىرلىگەن. ۋاقتى 2013-6-21 19:24

ھېسابات		ساقلاش	پارول قايتۇرىۋېلىش
پارول			تىزىملىتىش

مىكروبلوگ[ يېڭى | 24 سائەت | 7 كۈن | 30 كۈن ]

ئاتا- ئانىمىز ئۈچۈن نېمە قىلىپ بەردۇق؟