recovery-刷机 نىڭ ئۇيغۇرچە ئاتالغۇسى ھەققىدە

yolum · ۋاقتى: 2013-5-3 18:20:55

recovery نى خەنزۇچە 刷机 دەيدىكەن، ئۇيغۇرچە ئاتالغۇسى بارمۇ ، بار بولسا ئۇچراتمىدىممۇ قانداق؟ بۈگۈن «recovery دېگەن نىمە !!! » دېگەن تېمىنى كۆرۈپ مۇنداق ئىنكاس يازدىم

يانفۇنغا ئائىت recovery نى سورىغان بولسىڭىز «كاپلاش (刷机 نى شۇنداق چۈشەندىم ») يەنى يېڭىلاش، ئەسلى ھالىتىگە ئەكىلىش دېگەندەك مەناسى بار.
كومپيۇتېر يۇمشاق دىتاللىرىدىكى recovery نى سورىغان بولسىڭىز «ئەسلىگە كەلتۈرۈش » دېگەن مەنانى بىلدۈرۈدۇ.
يىغىنچاقلىساق، ئەسلى ھالىتىگە ئەكىلىش دېگەندەك مەناسى بار.

كاپلاش - ئۇستىرا ئۈچۈن ئىشلىتىلىدىغان سۆز بولۇپ ، ھەركەت ھالىتى مۇنداق:ئۇستىرادا ساقال ئالغاندا ئۇستىرا قاشاڭلاشقاندا رەختكە سۈرسە (رەختتە بىلىسە) ئۇستىرا قاشاڭلاشمايدۇ يەنى ئۇستىرا يۈزىدىكى كىرلەر چىقىرىلىدۇ. مەن مۇشۇنىڭ بىلەن ئوخشاش دەپ قاراپ «كاپلاش» دېسەك مۇۋاپىقمىكىن دەپ قارىدىم.
تورداشلار قانداق قارايسىلەر؟ مۇنازىرە قىلىپ باقىلى.

turpan · ۋاقتى: 2013-5-3 23:17:57

刷机دىگەننى كاپلاش دىگەندىن « يېڭىلاش » دەپ ئالساق  توغرا بولامدىكىن دەپ قارايمەن .

  ئادەتتە مۇۋاپىق رۇم تاپالىساق باشقا روملارغا يۆتكەپ ئىشىلىتىمىز . دىمەكچى زاۋۇت رومى ياكى باشقا مۇۋاپىق روملارنى ئىشلىتىمىز .

  كاپلاش دىسەك ئۆزىنىڭ رومىنى بىر يېڭىلاپ قويغاندەكلا بىلىنىدىكەن .

muhpul · ۋاقتى: 2013-5-4 03:23:47

ئەسساللاممۇ ئەلەيكۇم .
ئاندىروئىد سىستىمىلىق يانفۇن ئىشلىتىش، سىستىما يېڭىلاش ۋە ئەپ تەرجىمە قىلىش جەريانىدا ھىس قىلغان تەجىربىلىرىمگە ئاساسەن ئۆزۈمنىڭ كۆزقاراشلىرىمنى ئوتتۇرغا قويۇپ باقاي ، خاتا يىرى بولسا توغرا چۈشىنىشىڭلارنى ئۈمۈد قىلىمەن .

1. Recovery نى خەنچە 刷机 دىمەيمىز
Recovery نى ئىنگىلىزچىدىن تەرجىمە قىلغاندا ‹ئەسلىگە كەلتۈرۈش› دىگەن مەنا چىقىدۇ . لىكىن Recovery بىلەن 刷机 ئوخشىمايدىغان ئىككى ئاتالغۇ .
يەنى Recovery-ئىسىم ، 刷机-پېئىل .
ئاندىروئىد سىستىمىلىق يانفۇنلاردا، يانفۇن قوزغالغاندا بەلگىلەنگەن كۇنۇپكىلارنى بىرلەشتۈرۈپ بېسىپ ( ئەلۋەتتە ئوخشىمىغان تىپتىكى يانفۇنلارنىڭ باسىدىغان كۇنۇپكىللىرى ئوخشىمايدۇ ) بىر خىل زاۋۇت سىستىمىسى (كۆرۈنمە يۈز )غا كىرگىلى بولىدۇ ، بۇ سىستىما (كۆرۈنمە يۈز ) نى Recovery دەيمىز .

(1) ئىگە تەرەپ(زاۋۇت) Recovery كۆرۈنمە يۈزى

بۇ خىل Recovery دا پەقەت update.zip ھۆججىتى ئارقىلىق سىستىما يېڭىلاش (قاچىلاش ئەمەس) ، زاۋۇت ئەسلىگە قايتۇرۇش ، ئىشلەتكۈچى غەملىكىنى ئۆچۈرۈش قاتالىق 3 خىل مەشغۇلات قىلغىلى بولىدۇ ، سىستىما قاچىلىغىلى ياكى سىستىما زاپاس ساقلاشتەك باشقا خىل مەشغۇلاتلارنى قىلغىلى بولمايدۇ ، ئىقتىدارى ئاددى ، پايدىلىنىشچانلىقى تۆۋەن .

(2) ئۈچىنجى تەرەپ Recovery كۆرۈنمە يۈزى

بۇ خىل Recovery شۇ خىل تىپتىكى يانفۇنغا مەخسۇس ئىشلىنىدۇ ، ئىقتىدارى كۆپ ، SD كارتىدىكى zip ھالەتتىكى سىستىما بولىقىنى قاچىلىغىلى ، سىستىمىنى زاپاس ساقلىۋالغىلى ۋە يانفۇننىڭ CPU قاتارلىق قاتتىق دىتاللىرىنىڭ پارامىتىرىنى تەڭشەشكە بولىدۇ .
ئۈچىنجى تەرەپ Recovery نى قاچىلاش ئۈچۈن Root ھوقۇقىنى ئېلىش كىرەك .

2. سىستىما بولىقى قاچىلاش ( 刷包 ) ۋە سىستىما يېزىش ( 刷机 )

   (1) سىستىما بولىقى قاچىلاش ( 刷包 )
ئۈچىنجى تەرەپ Recovery ئارقىلىق SD كارتىدىكى zip ھالەتتىكى سىستىما بولىقىنى قاچىلاش ( قاپلاش) نى كۆرسىتىدۇ ، بۇ خىل ئۇسۇل سىستىما يېزىش ( 刷机 ) بىلەن ئالاھىدە پەرىقلىنىدۇ . سىستىما بولىقى قاچىلاش مەشغۇلاتىدا ئاۋۋال زاۋۇت ئەسلىگە قايتۇرۇش ۋە ئىشلەتكۈچى غەملىكىنى ئۆچۈرۈش مەشغۇلاتىنى قىلىپ ئاندىن SD كارتىدىكى zip ھالەتتىكى بولاقنى قاچىلايمىز ( قاپلايمىز ) ، بولاق چوقۇم شۇ خىل سىستىما نەشىرىگە ماس كىلىشى كىرەك .
مۇنداقچە ئېيىتقاندا ئۇسلۇپ (主题) بىلەن ئوخشۇشۇپ كىتىدۇ . سىستىما نەشىرى ئۆزگەرمەيدۇ ، كۆرۈنمە يۈزى قايتىدىن ياسىلىدۇ ۋە ئەپلەر قوشۇلىدۇ .

(2) سىستىما يېزىش ( 刷机 )
  بۇ fastboot ئۇسۇلى دىيىلىدۇ ، ئورگان (زاۋۇت) تەرەپ تەمىنلىگەن قۇرال ۋە img ھۆججەت ئارقىلىق يانفۇننىڭ Ram غا نىگىزدىن سىستىما يازىدۇ (Ghost ھالەتتكى سىستىما قاچىلىغانغا ئوخشىشپ كىتىدۇ ) ، شۇ خىل يانفۇننىڭ سىستىمىسى بولسىلا قايسى خىل نەشىرىنى قاچىلىسىڭىز شۇ نەشىرىگە كۆتۈرۈلىدۇ (مەسىلەن 2.2.1 ، 2.2.3 ، 2.2.5 ، 2.3.7 ، 4.0 ، 4.0.1 ، 4.1 دىگەندەك )  بۇ خىل ئۇسۇلدا كومپىيوتېر بىلەن يانفۇن USB سىم چېتىپ قوزغاتقۇچ (驱动)نى قاچىلاپ مەشغۇلات قىلىمىز ،  سىستىمىدىن مەسىلە چىققان ، سىستىما قوزغالمايدىغان يانفۇنلارنى كومپىيوتېر تونۇسىلا بۇ خىل ئۇسۇل ئارقىلىق سىستىما يازغىلى بولىدۇ ، ئەگەر بۇنى تونىمىسا يانفۇن كىسەككە ئايلانغان بولىدۇ .

تىمىغا كەلسەك ، 刷机 نى ‹سىستىما يېزىش› ياكى ‹سىستىما يېڭىلاش› دەپ ئەسلىدىكى مەنىسى بويچە ئالساق بولىدۇ .
Recovery نىڭ خەنچە ئاتىلىشىنى ئۇچرىتىپ باقمىدىم ، خەنلەر ئىزچىل Recovery دەپ ئىشلىتىۋاتىدۇ . ئىقتىدارىدىن قارىساق ئۇ بىر سىستىما ھەم بىر ئەپ ، خۇددى Windows تىكى Windows PE غا ئوخشاش . شۇڭا مىنىڭچە بۇنىڭغا ئاتالغۇ بىرىش ھاجەتسز .

muhpul · ۋاقتى: 2013-5-4 03:33:20

مۇنبەرنىڭ مۇنداق ئىقتىدارمۇ باركەندە ؟! بۇئىقتىدارىنى ئىشلىتىپ باقماپتىمەن ، تۇنجى قېتىم ئۇچرىتىشىم .
دىققەت قىلمايلا ئىنكاس يېزىپتىمەن ، مەن B تەرەپ .

abduhalik · ۋاقتى: 2013-5-4 13:53:32

turpan يوللىغان ۋاقتى 2013-5-3 21:17
刷机دىگەننى كاپلاش دىگەندىن « يېڭىلاش » دەپ ئالساق توغر ...

كاپلاش، ھەجەپ قىزىقارلىق تۇيۇلدى ماڭا ماۋۇ كونا گەپ. ئۇستام ئى ئۇستۇرلىرىنى بى كاپلىۋاتسىلە ما ئۇستۇرا باشنى قىژىۋەتتى، دەپ كېتەتتۇق. ئەمدى ما تىغ دەيدىغان نەرسە ئۇستۇرىنى يوقاتتى. ھازىرقى باللار ئۇستۇرىنى بىلمەسلىكى مومكىن.

yasin · ۋاقتى: 2013-5-5 01:52:48

بۇنى كومپىيۇتېرنىڭ bios ئۇخشاتساڭلەر بولىدۇ.

yolum · ۋاقتى: 2013-5-7 17:14:38

«كاپلاش» سۆزى غەيرى بىلىنىشى ئېنىق، باشقا مۇۋاپىق ئاتالغۇ ( خاس ئاتالغۇ) تېپىلمىسا مۇشۇنى ئىشلەتسەك بۇ ئاتالغۇغىمۇ كۆنۈپ قالىمىز.

ھېسابات		ساقلاش	پارول قايتۇرىۋېلىش
پارول			تىزىملىتىش

مىكروبلوگ[ يېڭى | 24 سائەت | 7 كۈن | 30 كۈن ]

[ئاتالغۇ] recovery-刷机 نىڭ ئۇيغۇرچە ئاتالغۇسى ھەققىدە

ماھىر:0 ( قوشۇلۇش )

ماھىر:0 ( قوشۇلۇش )

مۇناسىۋەتلىك تېمىلار

ئىنكاس مۇكاپاتى +3

ئىنكاس مۇكاپاتى +3

باھا سۆز