سىن ھۈججەتلىرىنى AVI فورماتىغا ئايلاندۇرغۇچ(ئېسىل)

يوللىغۇچى: arwah| يوللانغان ۋاقتى: 2010-10-8 01:01| كۆرۈلۈشى: 43| ئىنكاس سانى: 4

سىن ھۈججەتلىرى ئارىسىدا AVI فورماتىدىكى ھۈججەتلەرنىڭ سۈزۈكلۈكى جەھەتتىن باشقا ھەرقانداق فورماتتىكى ھۈججەتلەردىن ئۈستۈن تۇرىدىغانلىقىنى ھەممىمىز بىلىمىز ئەلۋەتتە.بۈگۈن روھلاننىڭ قۇتلۇق كۈنىگە ئېلىپ كەلگەن ئاددى سوۋغام بولسا:
دىتال ئىسمى:سىن ھۈججەتلىرىنى AVI فورماتىغا ئايلاندۇرغۇچ(AVI格式转换器)
رولى:باشقا فورماتتىكى سىن ھۈججەتلىرىنى سىزگە لازىملىق چوڭ-كىچىكلىك ئۆلچىمىدىكى سىغىمى ئىنتايىن كىچىك،سۈزۈكلۈكى ناھايىتى يۇقىرى بولغان  AVI فورماتىغا ئايلاندۇرۇپ بېرەلەيدۇ،ئىقتىدارى ئىنتايىن كۈچلۈك.مېنىڭ ھىس قىلغىنىم بۇ تۈردىكى ئوخشاش فۇنكىسىيىدىكى دىتاللار ئارىسىدا بۇ بىر قەدەر ياخشىسى.باشقا دىتاللاردا ئايلاندۇرغاندا سۈزۈكلۈكىنى ئويلاشسىڭىز چىقارغان ھۈججەتنىڭ سىغىمى بەك چوڭ بولۇپ كېتىدۇ،سىغىمىنى ئويلاشسىڭىز سۈزۈكلۈكى تۆۋەنلەپ كېتىدۇ،بۇنىڭ بىلەن بىرگە كود يېشىش ئالماشتۇرۇش سۈرئىتى بەكلا ئاستا.بىراق بۇ ئۇنداق ئەمەس،سۈزۈكلۈكى يۇقىرى،سىغىمى كىچىك AVI فورماتىدىكى لازىملىق ھۈججەتنى ناھايىتى قىسقا ۋاقىت ئىچىدە ئايلاندۇرۇپ چىقىرىپ بېرەلەيدۇ.
چوڭلۇقى:10.6مېگابايت
خاراكتىرى:ھەقسىز(تىزىملىتىلغان)يېشىل دىتال،پىرىستىن يېشىپلا ئىشلەتسىڭىز بولىدۇ.
قوللايدىغان فىلىم فورماتى ۋە شەكلى:RM/RMVB/VOB/AVI/MPEG/DAT/VCD/SVCD/DVD/ASF/WMV/MOV...等等 قاتارلىق فورماتتىكى سىن ھۈججەتلىرىنى سىغىمى كىچىك،سۈزۈكلۈكى يۇقىرى  AVI فورماتىغا ئايلاندۇرالايدۇ.بۇنىڭدا ئايلاندۇرغان ھۈججەتلەرنى DVD,MP4  ،قول تېلىفون،كومپىيۇتىر قاتارلىق ئۈسكۈنىلەردە نورمال قويۇپ كۆرۈشكە بولىدۇ.خېلى كۆپ ئايلاندۇرغۇچلارنى سىناپ باقتىم،بىراق تېلىفون تونۇسا DVDئاپىراتى تونۇمايدىغان،DVDئاپىراتى تونۇسا تېلىفون تونۇمايدىغان ياكى ھەر ئىككىسى تونۇمايدىغان چىقىپ قالدى.بىراق بۇنىڭدا ئايلاندۇرۇلغان سىن ھۈججەتلىرىنى ھەرقانداق DVDئاپىراتى ۋە AVIفورماتىنى تونۇيدىغان قول تېلىفون نورمال تونۇيدۇ.
سۈرەتنىڭ چوڭ كىچىكلىكىنى 176x 144,220 x 176，240 x 180,320 x 240,352x288,480x320,512x384,640x480,720x576شەكىللىرىدە تەڭشەپ ئايلاندۇرۇشقا بولىدۇ.ئاۋازنىڭ چاستوتىسىنى خالىغانچە تەڭشەپ ئايلاندۇرالايسىز.
ئىشلىتىش ئۇسۇلى:ئالدى بىلەن تۆۋەندىكى ئادرىستىن دىتالنى چۈشۈرۈپ خالىغان جايغا پىرىستىن يىشىپ ھۈججەت قىسقۇچنىڭ ئىچىدىكى AVI转换器.exeدىگەننى تېپىپ ئىجرا قىلسىڭىز دىتالنىڭ ئىجرا كۆزنىكى نامايەن بولىدۇ.ئۈستىدىكى 视频输入(سىن ھۈججىتىنى كىرگۈزۈڭ)نىڭ ئاخىرىدىكى 查找文件 دىگەن خەتنى بېسىپ سىز ئايلاندۇرماقچى بولغان ئەسلى سىن ھۈججىتىنى كۆرسىتىپ بەرگەندىن كېيىن 输出文件 دىگەن خەتنى تاللاپ ھۈججەتنىڭ چىقىدىغان ئورنىنى بەلگىلەيسىز،بۇنى بەلگىلىمىگەن ۋاقىتتا چىققان يەنى ئايلاندۇرۇلغاندىن كېيىنكى ھاسىلى ھۈججەت ئەسلىدىكى مۇندەرىجىدىكى ئەسلى ھۈججەتنىڭ يېنىغا چىقىدۇ.سۈرەت ئاۋاز تەڭشەكلىرىنى ئۈستىدە كۆرسىتىلگەنلىرى بويىچە  لازىملىقنى تاللاپ 开始转换 دىگەننى باسسىڭىزلا بولىدۇ.ئىشلىتىش مانا موشۇنداق ئاددىي.ئىشلىتىپ بېقىپ تەسىراتىڭىزنى قالدۇرارسىز.چۈشەنمىگەن جايلىرىڭىز بولسا دادىل سوراڭ،ھاجىتىڭىزگە قولۇم كۆكسۈمدە.
چۈشۈرۈڭ:
http://down.qiannao.com/space/fi ... 821031655.rar/.page

تېمىنىڭ ئەسلى مەنبەسى:روھلان بىلىملىرى(http://bilim.rohlan.biz/)، تېما ئادرىسى: http://bilim.rohlan.biz/thread-3476-1-1.html

باشقۇرغۇچى Intil بۇ تېمىنى تەستىقلىغان ۋاقتى تۈنۈگۈن 01:05

يېڭى ئىنكاسلار

turan تۈنۈگۈن 11:37

سىن ھۈججەتلىرىنى AVI فورماتىغا ئايلاندۇرغۇچ دەپ ئالغاندىن سىن ھۈججەتلىرىنى AVI شەكلىگە ئايلاندۇرغۇچ دەپ ئالغان بولسىڭىز بەك ياخشى بولغان بولاتتى!!!!تىلىمىزدا فورمات دېگەنگە شەكىل دېگەن سۆز تۇرسا،نېمە قىلىمىز ئۇنداق دەپ ئېلىپ،بۇ خۇددى تىلىمىزدا ئوقۇغۇچى دېگەن سۆز تۇرسا سېتودىنت دەپ ئالغاندەكلا بىر ئىشقۇ بۇ!!!!!

arwah تۈنۈگۈن 22:32

.....تەنقىدىڭىزگە رەھمەت،خېلى بىلىمىڭىز باردەك تۇرىدۇ.ئىنتىل سەيناسىغا يوللىنىدىغان تېمىلارنىڭ كۈندىن -كۈنگە ئازلاپ بورۇنقى ھالىتىگە كېلەلمەيۋاتقانلىقىنىڭ سەۋەبىنى ئازراق چۈشەنگەندەك تۇرىمەن.... بۇ تېمىنى ئاخىرىدا arwah تەھرىرلىگەن. ۋاقتى 2010-10-8 22:36

darwix 4 سائەت ئالدىدا

.....تەنقىدىڭىزگە رەھمەت،خېلى بىلىمىڭىز باردەك تۇرىدۇ.ئ ...
arwah يوللانغان ۋاقتى 2010-10-8 22:32

سەۋىرچانراق بولايلى، سىزمۇ جاپا تارتىپ يوللاپسىز، رەھمەت، لىكىن يەنە نىمىگە ئۆزئارا تەنە قىلىشىمىز،كىچىككىنە يول قويۇشساق بولىدۇغۇ؟توۋا....

arwah 1 سائەت ئالدىدا

مېنىڭ دىگىنىممۇ سەل ئارتۇق كەتكەندۇ بەلكىم ،لېكىن ئىشقىلىپ توۋا دەيمەن....نىمىشقا دىسەڭلار باشقىلارنىڭ ئەينىكىنى كۆرسىتىپ بېرىش ناھايىتى ياخشى ئىش ئەلۋەتتە!ھەرقانداق ئادەم ئۆزىنىڭ يۈزىدىكى داغنى ئەينەك بولمىسا كۆرەلمەيدۇ.باشقىلارنىڭ «كۆپچىلىك تەڭ يەيلى،ئورتاق بەھىرلىنەيلى،بىلمىگەنلەر ئازراق بولسىمۇ بىلىۋالسۇن،بىلگەنلەر تولۇقلاپ قويسۇن»دەپ يوللىغان تېمىلىرىغا ئازراق بولسىمۇ ئىلھام مەدەت بېرىش ئۇياقتا تۇرسۇن ساقلانغان يىڭنىنىڭ كۆزىدەك ئازراق سەۋەنلىكىنى تۇتۇۋېلىپ قامچىلاش،تەنقىدكە كۆمۈۋىتىش....لەرنىڭ دەستىدىن يېڭىدىن مۇنبىرىمىزگە ئەزا بولغان،تېما يوللىماقچى بولغانلارنىڭمۇ رايى قايتىپ «بولدىلا!»دەپ ئۇھ تارتىۋىتىپ باشقىلار بەرگەننى يەپ ئۆزى ئىزدەنمەيدىغان،ئويلىغانلىرىنى دادىل ئوتتۇرىغا قويۇپ ئۇستازلار بىلەن پىكىرلىشەلمەيدىغان...بولۇپ قېلىۋاتىدۇ.بۇ ئارقىلىق سەن نېمە دىمەكچى دىسەڭلار دۇنيادا« ھەرگىزمۇ مۇتلەق ۋە مۇكەممەل شەيئى بولمايدۇ»،سىزنىڭ ئاشۇ بىر تەنقىدىڭىز بەلكىم ئۇلارنى ئىككىنچى سەيناغا ئاياغ باسماس قىلىۋىتىشى،كومپىيۇتىر ساھەسىگە قەدەم باسقان،بېسىۋاتقانلارنىڭ رايىنى ياندۇرۇپ قويۇشى،بۇ ئارقىلىق كەلگۈسىدىكى ئاز بولمىغان كومپىيۇتىر «مۇتەخەسىس»لىرىدىن ئايرىلىپ قېلىشىمىز مۈمكىن. بەلكىم بۇ سەينادا بولمىسا ئۇ سەينادا ئۆز رولىنى جارى قىلدۇرۇشىمۇ مۈمكىن،بىراق موشۇنداق كومپىيۇتىر ئەھلىلىرى يىغىلغان «ئىنتىل سەيناسى»دىن ئىبارەت نەۋقىران بىلىم سورۇنىمىزغا مېھمانلار،ئەزىزلەر كەلسە كەلسۇنكى قايتىپ كەتمىسۇن.....مەنغۇ خېلى كونا ئەزا(ئۈچ يىل ۋاقىتنى بەك ئوزۇن دىگىلى بولمىسىمۇ)،ئۆزەمنى ئەمەس سەينايىمىزنىڭ بارلىق ئىشتىراكچىلىرى ۋە سەينايىمىزنىڭ كەلگۈسى ئېقىن سۇدەك راۋاجى ئۈچۈن بىلجىرلاۋاتىمەن.ئېسىڭىزلەردە بولسۇنكى بوۋاقمۇ دەم-دەم تورۇشتىن مېڭىشقا قاراپ تەرەققى قىلىدۇ...سۆزۈم ئارتۇق كەتكەن بولسا كەڭ سەينا ئەھلى ۋە ئاتامانلارنىڭ گېپىمنى قايتۇرۇپ بېرىشىنى،ھەرھالدا ئويلىنىپ بېقىشىنى سورايمەن.ئاخىرىدا مېنىڭ ئىچىمدىكىلەرنى ئازراق بولسىمۇ دەۋىلىش،كۆز قارىشىمنى ،بىلىمىمنى(بىلىم دىگىلىغۇ بولماس،ئىشقىلىپ مەن ئازراق بولسىمۇ بىلگەننى بىلىم دەپ قارايمەنغۇ)تۆكۈشكە سورۇن ھازىرلاپ بەرگەن ئىنتىل(يۇلغۇنجان)ئەپەندىمگە رەھمەت ئېيتىمەن.

بۇ تېمىنى ئاخىرىدا arwah تەھرىرلىگەن. ۋاقتى 2010-10-9 04:24

تېخى كىرمىدىڭىز

يېڭى تېما...