ۋاقتىڭىزنى مۇۋاپىق ئورۇنلاشتۇرۇڭ

robot · ۋاقتى: 2012-8-27 20:19:39

تولۇق ئوتتۇرا مەكتەپتىكى ۋاقىتلارنى ئەسلەپ باقساق ، بىزنىڭ ھەر كۈنى مۇقىم بولغان ئەتىگەنلىك ئۆگىنىش ، دەرسكە چىقىش ، كەچلىك مۇزاكىرە ، تاپشۇرۇق ئىشلەش ۋاقتىمىز بار . بۇ ۋاقىتلار ئاساسەن ئوقۇتقۇچىمىز تەرىپىدىن ئورۇنلاشتۇرۇلۇپ بېرىلگەن . شۇڭا ئەركىن پائالىيەت قىلىشقا ۋاقتىمىز يەتمەيدۇ . بۇنىڭ ياخشى تەرىپى بىر كۈنلۈك ۋاقتىمىزنىڭ كۆپ قىسمىنى ئۆگىنىشكە سەرىپ قىلالايمىز .
ئالىي مەكتەپكە چىققاندىن كېيىن ، ھەممە ئىشلار ئۆزگىرىدۇ . ئوخشاش ئەتىگەنلىك ئۆگىنىش ، دەرسكە چىقىش ، كەچلىك مۇزاكىرە ، تاپشۇرۇق ئىشلەشلەر بىلەن ئالدىراش ئۆتىمىز . ئەمما كەچتە ئولتۇرۇپ بۈگۈن نېمە ئىشلارنى قىلدىم دەپ ئەسلەيدىغان بولساق ھېچنىمە قىلمىغانلىقىمىزنى بايقايمىز . چۈنكى تولۇق ئوتتۇرا مەكتەپتە ھەر قايسى پەن ئوقۇتقۇچىلىرىمىز ، سىنىپ مەسئۇلىمىز بىزنىڭ كەينىمىزدىن يۈرۈپ يۇقارقى ئىشلارنى قىلىشقا سۈيلەيدۇ . ئەمما ئالىي مەكتەپتىچۇ ؟ يۇقارقىلارنى قىلىشقا بۇيرۇيدۇ . ئەمما ھېچكىم سۈيلىمەيدۇ ، سۈيلەشكىمۇ ۋاقتى يوق .
ئالىي مەكتەپكە چىققان ستۇدېنتلاردىكى ئۇمۇميۇزلۈك قاراش ، ئەگەر بىز تولۇق ئوتتۇرا مەكتەپتىكى ھالىتىمىزنىڭ يېرىمىچىلىك تىرىشالىغان بولساق بۈگۈنكى بۇ ئەھۋالدا بولماستۇق . ئەمما بىز ئەمدى تولۇق ئوتتۇرا مەكتەپنىڭ ئوقۇغۇچىسى ئەمەس . ئۆگىنىش ئەمدى  بىزنىڭ تۇرمۇشىمىزنىڭ پۈتۈن قىسمى ئەمەس .  ئەمدى بىز  دەرىستىن سىرتقى نۇرغۇن  پائالىيەتلەرگە  قاتنىشىشىمىز كېرەك ، ئىشلەپ پۇل تېپىشىمىز كېرەك ، كورسلارغا قاتنىشىپ تىل ، كومپىيۇتېر ئۆگىنىشىمىز  كېرەك . ئەمما ھەممىگە يېتىشىپ بولغىلى بولامدۇ ؟ قانداق قىلغاندا ۋاقتتىن ئۈنۈملۈك پايدىلانغىلى بولىدۇ ؟  تۆۋەندىكى ئۇسۇللارنى سىناپ بېقىڭ .
1. ھازىرقى ئۆگىنىش ئادىتىڭىزنى چۈشىنىڭ
ھازىرقى ھالىتىمىزنى ، تۇرۋاتقان ئورنىمىزنى بىلمەي تۇرۇپ نەگە ، قانداق بېرىشنى بىلەلىشىمىز تەس . ھەر كۈنى كەچ بۈگۈن نېمە ئىشلارنى قىلدىڭىز ئەسلەپ  بېقىڭ . ئەگەر ئەسلىيەلمىسىڭىز يېنىڭىزدا كىچىك بىر خاتىرە ۋە قەلەم ئېلىپ يۈرۈشنى ئۇنتۇماڭ . نېمە ئىشلارنى قىلغان بولسىڭىز مۇۋاپىق ۋاقىت تېپىپ يېزىپ مېڭىڭ . ئىككى ھەپتىلەردىن كېيىن ئۆزىڭىزنىڭ ئۆگىنىش ئادىتىڭىزنى ھېس قىلالايسىز .
2. بىر سائەت دەرىسكە قاتناشقان بولسىڭىز ئىككى سائەت تەكرار قىلىڭ .
بۇ ئاڭلىماققا ئاسان ، ئەمما  بەك مۇھىم ، ھەم ئاسانلا سەل قارىلىدىغان نۇقتا. ئالىي مەكتەپتىكى دەرىسلەر تولۇق ئوتتۇرا مەكتەپنىڭكىگە ئوخشىمايدۇ . بىر سائەتتە  نۇرغۇن نەرسىلەر سۆزلىنىدۇ . شۇ ۋاقىتنىڭ ئۆزىدە چۈشەنگەندەك قىلغان بىلەن تەكرار قىلمىسىڭىز ئېسىڭىزدىن ئاسانلا كۆتۈرۈلۈپ كېتىدۇ . ئۇنىڭ ئۈستىگە ئالىي مەكتەپتىكى ئوقۇتقۇچىلار تولۇق ئوتتۇرىنىڭكىدەك يېنىڭىزدىلا ئەگىپ يۈرمەيدۇ . شۇڭا كۆپرەك ئۆزىڭىزگە تايانمىسىڭىز ، تەكرار قىلمىسىڭىز  بولمايدۇ . مۇشۇ ئادەتنى بالدۇرراق يېتىلدۈرۋالسىڭىز ئىمتىھاندىن بۇرۇنلا ئۈنۈمىنى كۆرەلەيسىز .
3. ئۇزۇن مەزگىل بېسىپ ئولتۇرۇپ ئۆگىنىش قىلماسلىق كېرەك .
نۇرغۇنلىرىمىز دەرس يوق ۋاقىتلاردا بالدۇر كىرىپ ، كەچ قايتىپ دېگۈدەك تەكرار قىلىمىز . بۇ ئەلۋەتتە توغرا . ئەمما ئارلىقتا چوقۇم دەپ ئېلىشنى بىرلەشتۈرۈش كېرەك . بىرەر سائەتتە  بىرەر قېتىم ئون مىنۇت ئارام ئالسا ئۈنۈمى تېخىمۇ ياخشى بولىدۇ .
4. بىر كۈن ئىچىدىكى ئەڭ ياخشى ھالىتىڭىزنى تېپىڭ .
بەزەنلىرىمىز كەچتە ، باشقىلار ئۇخلاپ بولغاندا ئۆگىنىش قىلىشقا ئادەتلەنگەن . چۈنكى مۇھىت جىمجىت . يەنە بەزەنلىرىمىز تاڭ سەھەردە ئۆگىنىشكە ئادەتلەنگەن . چۈنكى بۇ ۋاقىت كاللا ئوچۇق ، سەگەك ۋاقىت . مەيلى قايسىلا ۋاقىت بولمىسۇن ، ئۆزىڭىزگە ماس كېلىدىغان ۋاقىتنى تاللاپ ، مۇشۇ ۋاقىتتا  ئەڭ مۇھىم ، تەس ئىشلارنى قىلىڭ .
5.ساقلاش ئىچىدە ۋاقىت ئىسراپ قىلماسلىقنى ئۆگىنىۋېلىش كېرەك .
ئاپتوبۇس ساقلاش ، دوستلارنى ساقلاش ، كېيىنكى سائەتلىك دەرىسكە كىرگۈچە ساقلاش بىزنىڭ تۇرمۇشىمىزدا كۆپ ئۇچرايدۇ . قارىماققا يەككە ۋاقىت بىرلىكى قىسقا ، شۇڭا ئاسانلا سەل قارىلىدۇ . ئەمما مۇشۇ ۋاقىتلارنى يىغىپ كەلسەك نۇرغۇن ۋاقىت بولىدۇ . ئاپتوبۇس ساقلىغان ياكى دوست-بۇرادەرلەرنى ئىختىيارسىز ساقلىغان 5-6 مىنۇتلاردىمۇ نۇرغۇن ئىشلارنى قىلىغىلى بولىدۇ . يېنىڭىزدا ئىنگلىز تىلى سۆزلۈك كارتىسى ، فورمۇلا ، مۇھىم جۈملە ...دېگەندەكلەرنى ئېلىۋالسىڭىز مۇشۇ ۋاقىتتا پايدىسىنى كۆرىسىز .
6. ۋاقىت جەدۋىلى تۈزۈڭ .
مۇشۇ بىر يىلدا ، مۇشۇ مەۋسۈمدە ، بۇ ئايدا سىز قايسى ئىشلارنى قىلماقچى ، قانداق مۇھىم ئىشلار بار ؟ جىددىي ھەم مۇھىم ئىشلار قايسىلار ؟ جىددىي ئەمما مۇھىم بولمىغان ئىشلار ، مۇھىم ، ئەمما جىددىي بولمىغان ئىشلار قايسىلار ؟  جىددىي ھەم مۇھىممۇ بولمىغان ئىشلار قايسىلار مۇشۇلارنى رەت تەرتىپى ، ۋاقىت تەرتىپى ، مۇھىملىق دەرىجىسى بويىچە تۈرگە ئايرىپ جەدۋەل تۈزۈڭ . ۋاقتىڭىزنىڭ ئۈنۈمىنى خېلى يۇقىرى كۆتۈرەلەيسىز .
ئەسلى مەنبەسى:http://www.bektur.com/bbs/forum.php?mod=viewthread&tid=105

ھېسابات		ساقلاش	پارول قايتۇرىۋېلىش
پارول			تىزىملىتىش

مىكروبلوگ[ يېڭى | 24 سائەت | 7 كۈن | 30 كۈن ]

ۋاقتىڭىزنى مۇۋاپىق ئورۇنلاشتۇرۇڭ