Google دىن رەسىم ئىزدەشتە مۇنداق ھۈنەرمۇ باركەن

yolum · ۋاقتى: 2012-6-19 03:16:01

ئاپتورى: birhon
Google (گۇگول، گۇگۇل، گوگلې، جوجل....) دىن رەسىم ئىزدەش تولىمۇ قولايلىق. ئەمما تېخىمۇ قولايلىق يەنە بىر ئۇسۇل بار. ئۇ بولسىمۇ:
سىزدە بىر پارچە رەسىم بار، ئەمما ئۇ رەسىم كىچىك ھەم تۇتۇق. سىز مۇشۇ رەسىمنىڭ چوڭ ھەم سۈزۈك نۇسخىسىنى تاپماقچى، رەسىمنىڭ ئىسمىنى بىلمەيسىز (ياكى رەسىم ئىسمىگە ماس كېلىدىغان ھالقىلىق سۆز بەك ئومۇمىي بولۇشى مۇمكىن.)
تېخىمۇ كونكىرىتلاشتۇراي:
بۇ قىز بالىنىڭ تۆۋەندىكى رەسىمى تولىمۇ چىرايلىق ئىكەن.

ئەمما بۇ رەسىم كىچىك ھەم تۇتۇق بولغاچقا، كۆزنىڭ پىشتى ئۆلمەيدۇ. بۇ رەسىمنىڭ يوغان نۇسخىسىنى تاپىمەن دەپ، توردىن «قارا كىيىملىك ساھىبجامال» دېگەن سۆزنى كىرگۈزۈپ ئىزدىسىڭىز، لەيدى غاغانىڭ رەسىملىرى چىقىپ بىزار قىلىشى مۇمكىن. ئىشقىلىپ، ھالىقىلىق سۆز بىلەن رەسىمنى ئىزدەپ تاپماق بەك تەس. ئۇنداقتا قانداق قىلىمىز.
ئاۋال shah_senem نىڭ ئاۋۇ رەسىمىنى كومپيوتېرغا چۈشۈرىمىز.
ئاندىن:https://www.google.com.hk/imghp?hl=en&tab=wi
ئاۋۇ توربەتنى ئاچىمىز. Google نىڭ باش بېتىنى ئېچىپ، Images نى بېسىپ، رەسىم ئىزدەش بېتىگە كىرىمىز. خەنسوچە بولسا تۇ پىيەن دېگەننى بېسىڭ.
رەسىم ئىزدەش بېتىدىكى ئىزدەش رامكىسىغا قارىسىڭىز، ئوڭ تەرىپىدە بىر كامېرانىڭ سۈرىتى بار. تۆۋەندىكى رەسىمدىكىدىكى قىزىل رامكىغا ئوخشاش:

شۇ كامېرانىڭ سۈرىتىنى چەكسىڭىز، گۇگولغا رەسىم تور ئادرېسىنى كىرگۈزۈش ۋە كومپيوتېردىن رەسىم يوللاش بېتى ئېچىلىدۇ. سىز بايىقى كىچىك رەسىمنى مۇشۇ ئورۇندا گۇگولغا چىقارسىڭىز، ياكى شۇ كىچىك رەسىمنىڭ ئادرېسىنى كىرگۈزۈپ بەرسىڭىزلا بولدى.
ئاندىن گۇگول سىزگە شۇ رەسىمنىڭ توردا بار بولغان بارلىق نۇسخىسىنى تېپىپ بېرىدۇ. ئارىسىدىن ئۆزىڭىزگە ئەڭ يارىغاننى تاللاپ چۈشۈرۈۋالسىڭىز بولىدۇ. مەسىلەن: shah_senem نىڭ ئەسلىدىكى 160 *190 كەڭلىكتىكى رەسىمىنى كىرگۈزۈپ ئىزدىگەن ئىدۇق، تۆۋەندىكى رەسىمىدىكىدەك مۇشۇ رەسىمنىڭ 126 پارچە نۇسخىسىنى تاپتى. بۇلارنىڭ ئىچىدە بىرىنىڭ كەڭلىكى 386 × 569 ئىكەن. خېلى چوڭ.... باشقا بەتلەردە ئۇنىڭدىنمۇ چوڭلىرى بولۇشى مۇمكىن.

ئاندىن بۇنداق چوڭ رەسىملەر ئارقىلىق، رەسىمنى تېخىمۇ ئېنىق كۆرگىلى بولىدۇ ۋە كۆزنىڭ پىتىمۇ ئۆلىدۇ. مەسىلەن يۇقىرىدىكى رەسىمدە چىرايىنى پەرق ئەتكىلى بولمايتتى. گۇگولدىن ئىزدىگەن رەسىمدە پەرق ئەتكىلى بولدى:

------------------
گەپنىڭ قىسقىسى گۇگولغا رەسىم كىرگۈزۈپ تۇرۇپ، شۇ رەسىمنى ياكى شۇ رەسىمدىكى ئادەم چۈشكەن باشقا رەسىمنى، مەنزىرىسى شۇ رەسىمگە ئوخشايدىغان باشقا رەسىمنى، كىيىم - كېچەكلىرى ياكى چىرايى ئوخشايدىغان باشقا ئادەملەرنىڭ رەسىمىنى ئىزدىگىلى بولىدۇ. (يۇقىرىلارنىڭ ھەممىسىنى تاللغىلى بولىدۇ. ) بۇ يازمىنى ئاخىرىدا yolum تەھرىرلىگەن. ۋاقتى 2012-6-19 03:17

nurdun · ۋاقتى: 2012-6-19 12:35:45

مەن دائىم دېگۈدەك گوگلېدىن رەسىم ئىزدەيتتىم. بۇ ئۇسۇل ماڭا تازا ماس كەلگۈدەك. تېما ئىگىسىگە رەھمەت. يەنە باشقا قولايلىق ئۇسۇللار ۋە ھۆنەرلەر بولسا ئايىمىغايسىز. ئەجرىڭىز يەردە قالمايدۇ.

NINJA · ۋاقتى: 2012-6-19 13:46:11

مىنىڭكىدە ئەجەپ ئاپپاراتنىڭ بەلگىسى كۆرۈنمەيدىغۇ؟ QQ截图20120619134600.png

nurdun · ۋاقتى: 2012-6-19 15:12:51

ئەگەر سىز ئىنگىلىزچە گوگلىدىن ئىزدىمەكچى بولسىڭىز، كۆزنەكنىڭ سول ئۈستى تەرىپىدىن ئۈچىنچى سۆز Lmages نى بىر چەكسىڭىز بولىدۇ. ئەگەر سىز خەنزۇچە گوگلىدىن ئىزدىمەكچى بولسىڭىز يەنىلا سولدىن ئۈچىنچى سۆز 图片 نى بىر چەكسىڭىز ئاپپاراتنىڭ بەلگىىسى كۆرۈنىدۇ. مەن بۇ تېمىنى كۆرۈپلا سىناپ باققان ئىدىم، راستىنلا قالتىس ھۈنەر ئىكەن بۇ. ماڭا بەك ئەسقاتتى.

ibrat · ۋاقتى: 2012-6-19 16:41:08

ئىزدىنىشتىمۇ يوللاپتىكەن بۇنى.........
ئەمدى كۆرگەن ئوخشايسىلەر باللا........ چىققىلى نىكەم، ئۇ خىل ئىىقتىدار چىقىپ ئارقىدىن بەيدۇ دورامچىلىق قىلىپ ياساپمۇ بولدى، ھازىر گوگول ھاجىمنىڭ ئاشۇنداق شەكىلدە ئاۋاز ئىزدەيدىغان كارامىتىمۇ بار، بەيدۇقارى ئۇنى تىخى دورىيالماغلىق

jesur · ۋاقتى: 2012-7-5 14:33:11

دوستلار بۇ تىما ھەقىقەتەن تەشۋىق قىلىشقا يىگىشلىك تىما ئىكەن .
باشقا تور بىكەتلەرگىمۇ يوللاپ ، مىللىتىمىزنىڭ تور ساپاسىنى ئۆستۈرشىمىز كىرەك .
ئەمما مەنبەنى چوقۇم ئەسكەرتىش كىرەك .

Intil · ۋاقتى: 2012-7-5 14:42:58

NINJA يوللىغان ۋاقتى 2012-6-19 13:46
مىنىڭكىدە ئەجەپ ئاپپاراتنىڭ بەلگىسى كۆرۈنمەيدىغۇ؟

بۇنى بېسىپرەسىم ئىزدەش ھالىتىگە ئۆتۈڭ. ياكى http://www.google.com.hk/imghp?hl=ug&tab=ii

jesur · ۋاقتى: 2012-7-5 15:03:07

ibrat يوللىغان ۋاقتى 2012-6-19 16:41
ئىزدىنىشتىمۇ يوللاپتىكەن بۇنى.........
ئەمدى كۆرگەن ئوخشا ...

ئاشۇنداق شەكىلدە ئاۋاز ئىزدەيدىغان كارامىتىمۇ بار بولسا بىر يىزىۋەتمەمسىز .....
مەن شۇنىڭغا ئىھتىياجلىق بولۇپ قالدىم . ھىچ قىلىپ ئۇنداق يىرىنى تاپالمىدىمغۇ ؟

ھېسابات		ساقلاش	پارول قايتۇرىۋېلىش
پارول			تىزىملىتىش

مىكروبلوگ[ يېڭى | 24 سائەت | 7 كۈن | 30 كۈن ]

Google دىن رەسىم ئىزدەشتە مۇنداق ھۈنەرمۇ باركەن

باھالاش

باھا سۆز

باھا سۆز