كۆيۈشكەن تېرەكلەر،قۇرىغان گۈللەر،
يۈرەكنى قۇرۇتتەت غاجايدۇ تىنماي.‏
ئەركەكلەر قېنىدىكى خۇمارلىق ئازاب،
قەپەزگە سولانغان ناتىۋان تورغاي.‏

تەلۋە بىر ئايالنىڭ پاكىزلىقىدەك،
رېئاللىق ۋەسلىدە قاينايدۇ خورلۇق.‏
كىمگىدۇر ئېسىلىپ يىغلىۋال مەيلى،
شۇندىمۇ بىر تېمىم چىقمايدۇ ھاردۇق.‏

قاسساپتەك تىغ تۇتۇپ ياشىغۇڭ كېلەر،
سېغىنىپ قالىسەن ئەركىڭنى بەلكىم.‏
ئادەملەر كۆنۈپ كەتكەن شۇنداق ياشاشقا،
تۇرمۇشنىڭ قەھرىمانى بولالماس ھېچكىم.‏

ئىككىنجى كۇبلىتنىڭ ئاخىرقى مىسراسىدىكى <تېمىم >سۆزى جايىغا چۈشمىگەندەك ھىس قىلدىم چىمەنگۈل ئاچا!

بۇ شېئىرنى ئەسلى ئۆزىنى قويۇۋېتىپ يازسا كاتتا چىقامدىكىن دەيمەن...

چىمەنگۈلنىڭ «بوز تورغاي» دېگەن ناخشىسى ھېلىمۇ قۇلاق تۈۋىمدە...

    سېھىرلەنگەن رېئاللىق....

شېئىردىكى يۈكسەك ئىپادىلەش ماھارىتى مېنى خوشال قىلدى.

قاسساپتەك تىغ تۇتۇپ ياشىغۇڭ كېلەر،
سېغىنىپ قالىسەن ئەركىڭنى بەلكىم.‏
ئادەملەر كۆنۈپ كەتكەن شۇنداق ياشاشقا،
تۇرمۇشنىڭ قەھرىمانى بولالماس ھېچكىم.‏

بۇ كۇپلىتتىكى ئەڭ ئاخىرقى مىسرا بەكمۇ توغرا جۇمۇ .

تۇرمۇشتا ھەممە ئىشلاردىلا قەھرىمان بۇلۇش ھىچكىمنىڭ قۇلىدىن كەلمەيدۇ . لېكىن سەن ئۆزەڭنى بەخىتلىك ھېساپلىغاندا ، سەن - سېنى بەختكە ئېرىشتۈرگەن شۇ ئىشنىڭ قەھرىمانى !

باشقا شئىرڭىزدەك يىقىملىق ھەم ئەركىن ئەمەسقۇ؟!.....

  مەن ئادەتتە سىزنىڭ شېئىرىڭىزنى كۆپ ئوقۇيمەن ،.
قايتا قايتا ئوقۇپ تۇرىمەن ، بولۇپمۇ قىساس غۇنچىسى دېگەن توپلىمىڭىزنى .
باشقىلاردەك ئەسەرلىڭىزدىكى مەلۇم مىسرالارنى قايتا باشقا شېئىردا ئىشلەتكىنىڭىزنى
كۆرمىدىم .
:\« چىمەنشۇناس » بوپكىتەي دېدىم ،،

شېئىردىن زورۇقۇش ۋە بىپەرۋالىقنى كۆردۈم. يەنىلا ئۆزىڭىزنى قويىۋەتكىنىڭىز ياخشىدەك قىلىدۇ.