]كۆزۈڭدە بىر يول بار ئۇزاقتىن ئۇزاق
كۆزۈڭدە بىر يول بار ئۇزاقتىن ئۇزاق
مەن ئۇندا لاۋۇلداپ ماڭىمەن ئەركەم.
پۇتلىرىم قانىسا تىكەنلەر ئارا،
مەن ئۇنى مىھرىڭدە تاڭىمەن ئەركەم.

كۆزۈڭدە بىر يول بار ئۇزاقتىن ئۇزاق
مەن ئۇندا ئىزىقىپ قالىمەن گاھى.
چوغسىمان يۈرەكنى ئالقانغا ئېلىپ،
كۆكسۈمنى داپ  قىلىپ چالىمەن گاھى.

كۆزۈڭدە بىر يول بار ئۇزاقتىن ئۇزاق
ئوت ئاقار ئۇ يولدىن تېنىمگە قاراپ.
ئىھ ! قۇرغاق روھىمنى كۈل قىلار يەنە،
ئۇ يولدىن ئاققان ئوي قەلبىمگە تاراپ