ئىللىق ھاۋا،جەننەت كەبى ئول باھارنى سېغىندىم،
بويى زىبا رۇخسارى گۈل گۈزەل يارنى  سېغىندىم.

ئولتۇرۇپ مەن خىيال سۈرۈپ ئاسماندا ئاي تولغاندا،
يۈرۈكۈمگە ئوتلار سالغان ئاي پەرىنى سېغىندىم.

ئۇيغۇرۇمنىڭ مۇڭ كۈيلىرى دىلنى خۇشتار ئەيلىسە،
دىل ئۆيۈمنىڭ پاسىبانى گۈل يارىمنى سېغىندىم.

شامال چىقىپ تۆت ئەتراپ پۈركەنسە گۈل ھىدىغا،
يۈزلىرىمنى بېقىپ ئاڭا يار ھىدىنى سېغىندىم.

قول تۇتۇشۇپ ئۇزۇن يولدا يايرىم بىلەن جۆر بولۇپ،
كونا جايدا خۇشال ئۆتكەن چاغلىرىمنى سېغىندىم.

كۈلسە ئاينى خىجىل قىلىپ ئەيمىندۈرەر كۈننىمۇ،
گۈزەللىكتە تەڭدىشى يوق پەرىشتەمنى سېغىندىم.




                                                              شادىمان مىسكىن
                                                                2007.2.27

:L :L :L :L :L :bf: :bf: :bf: :bf: :o

سېغىنغانغا ئۆلمەيمەن.........