زەيتۇن چىشلەپ ئۇچۇپ كەلگەن كۆك كەپتەر،
بۇغ-بۇغ قىلىپ چۆرگىلەيدۇ بېشىمدا.‏
بىر بۇردا نان ئۇۋاپ بەرگەچ ئولتۇرۇپ،
قانىتىنى يۇيۇپ قويدۇم يېشىمدا.‏

چاچلىرىمىنى ئەشتىم ئالتۇن يىپ قىلىپ،
يوپۇرماقنى تۇمار قىلدىم بوينىغا.‏
ئىسرىق سالدىم نېمىشقىكىن بىلمەيمەن،
ئارچا بىلەن سۈزۈك ئالما قېقىدا.‏

ئالقىنىمنى كەڭرى ئاچسام ئۇچسۇن دەپ،
ئۇ ناتىۋان بۇغۇلدىدى پىغانلىق.‏
ئىشىكىنى ئېچىپ بەرسەم قەپەزنىڭ،
كىرىپ كەتتى ئىزدىگەندەك ئاراملىق.‏

تالانتلىق شائىرە چىمەنگۈل ئاۋۇتنىڭ مۇنبىرىمىزگە قەدم تەشرىپ قىلغانلىقىنى قارشى ئالىمىز. مۇنبىرىمىز سەرخىل ئەدىپلەرنىڭ قوللىشىغا مۇھتاج!

ياخشىكەن.

دىدار غەنىمەت.......

مۇنبىرىمىز يېقىن كەلگۈسىدە ھەقىقىي مەنىدىكى ئەدەبىيات مۇنبىرىگە، ئەدىبلەرنىڭ ھەقىقىي ئارامگاھىغا ئايلانغۇسى!
خۇش كەپسىز شائىرە چىمەنگۈل ئاۋۇت.

خاتالاشمىسام ئوۋچى نامىدىكى تورداش مۇتەللىپ ماڭسۇر ئوۋچىغۇ دەيمەن، سىزگىمۇ مەرھابا.....

ئەسسالامۇ ئەلەيكۇم!
ئالقىنىمنى كەڭرى ئاچسام ئۇچسۇن دەپ،
ئۇ ناتىۋان بۇغۇلدىدى پىغانلىق.‏
ئىشىكىنى ئېچىپ بەرسەم قەپەزنىڭ،
كىرىپ كەتتى ئىزدىگەندەك ئاراملىق.‏

ئەركىنلىك تەبىئەت بىلەن مەنىداش، ھۆرلۈككە ئېرىشىدىغان مەنىۋى قىزغىنلىق بولمىسا تەبىئەتكە قايتقىلى بولمايدۇ...

«ناتىۋان»دېگەن گەپكە ئىلاجىسىزلىق،ئاجىزلىق ۋە نازۇكلۇق يوشۇرۇنغان. زىيادە نەپىسلىككە ئىگە بۇ شېئىر ماڭا چىمەنگۈل ئاۋۇتنىڭ ئۇرغۇپ تۇرغان ھاياتىي كۈچ ۋە ئېچىرقاش ئىپادىلىنىدىغان شېئىرلىرىغا ئوخشىمايدىغان تەسىر بەردى. بىراق،بۇ شېئىردىكى كۆك كەپتەرنىڭ خاراكتېرىدا يەنىلا چىمەنگۈلگە خاس تەتۈرلۈك ئەكس ئەتكەن.كونا تېما،ئەنئەنىۋى ئىپادىلەش شەكلى ۋە ئاددى قۇرۇلما شائىرەنىڭ تاتلىق ۋە سەبىي ئىماگلىرى تۈپەيلىدىن ئانچە چېنىپ كەتمىگەن.

قەدرىسىزلا قالغان ئۆكۈنۈش ،
يامغۇر بولۇپ ياغسا سەھەرگە .
توپا ياققان تۇمانلىق كۈندە .
كېلەرسەنمۇ مەن بار شەھەرگە .

مەندە سىلى ئىمزا قويۇپ بەرگەن تاش ياپراق دېگەن كىتاپ بار .
سىلىنىڭ قىساس غۇنچىسى دېگەن كىتابلىرىنى ئەڭ ياقتۇرۇپ ئوقۇيمەن .
بىز مەكتەپداش .....

مۇبارەك بولسۇن ....شائېرەمىزنى ئاخىرى ئۇيغۇر تور ئەدىبىياتى مۇنبەرلىرىدە ئۇچراتتۇق

چىمەنگۇل بەك زورقۇپ شېئىر يازىدىكەن .مەن ئۇنىڭ شېئىرلىرنى ئوقۇسام ،ماشىنىدىن قۇم -شېغىل چۈشۈرسە ئادەمنىڭ چىشى غۇچۇرلاپ كەتكەندەك ،بىر خىل كەيپىياتتا بولۇپ قالدىكەنمەن . [s:6]