بىر ئايال چۈش كۆرۈپتۇ . چۈشىدە بازار ئايلىنىپ بىر دۇكاننىڭ ئالدىغا كېلىپ قاپتۇ - دە ، بۇ دۇكاندا نېمە سېتىلىدىغانلىقىنى بىلىپ بېقىش ئۈچۈن كىرىپتۇ . دۇكاننىڭ ئىگىسى ئاپئاق قاتلىق پەرىشتە ئىكەن . بۇنىڭغا ھەيران بولغان ئايال ئۇنىڭدىن :
- بۇ دۇكاندا سېتىلىدۇ ؟ - دەپ سوراپتۇ . پەرىشتە :
- دۇكىنىمىز ئاياللارنى ھەرقانداق ئارزۇ - تىلەكلىرىگە يەتكۈزىدۇ ، - دەپ جاۋاب بېرىپتۇ . ئايال ئۇنىڭغا :
- ئۇنداقتا سىز ماڭا خاتىرجەملىك ، بەخت - سائادەت ، ئەقىل - پاراسەت ئاتا قىلىپ ، مېنى غەم - غۇسىدىن ، ئازابتىن خالاس قىلىڭ ، - دەپتۇ . پەرىشتە :
- كەچۈرۈڭ خانىم ، دۇكىنىمىزغا خاتا كىرىپ قالغان ئوخشايسىز ، بۇ دۇكاندا مېۋە ئەمەس ، ئۇرۇق سېتىلىدۇ ، - دەپتۇ . پەرىشتىنىڭ گېپىنى ئاڭقىرالمىغان ئايالنىڭ چىرايى سارغىيىپ كېتىپتۇ . بۇ چاغدا پەرىشتە :
- گەرچە چاقناپ تۇرىدىغان ئالماس بىلەن قاپقارا كۆمۈرنىڭ كۆرۈنۈشى ، باھاسى ، ئىشلىتىلىدىغان ئورنى ئوخشىمىسىمۇ ، بىراق ئۇلار ئوخشاشلا بىر خىل ماددا - كاربوندىن تۈزۈلگەن . دۇكىنىمىزدىكى كاربون - ئۇرۇق بولسا ، مېۋە - قىممەتلىك ئالماس ۋە ئىسسىقلىق چىقىرالايدىغان كۆمۈردۇر . بىز خېرىدارلارغا ئالماس ئەمەس ، پەقەت ئالماسقا ۋە كۆمۈرگە ئايلىنالايدىغان ئۇرۇقنى بېرەلەيمىز . خېرىدار دۇكىنىمىزدىن كاربوننى ئالغاندىن كېيىن ، ئۇنى كۆمۈرەە ئايلاندۇرۇش ۋە ياكى قىممەتلىك ئالماسقا ئايلاندۇرۇشنى ئۆزى تاللايدۇب . يەنە كېلىپ قانداق پەرۋىش قىلىشمۇ خېرىدارنىڭ ئۆزىگە باغلىق ، - دەپتۇ . ئايال :
- ھاياتىڭىز ۋە روھىڭىز دەل سىزنىڭ ئۇرۇقىڭىزدۇر . ئەمەلىياتتە دۇنيادىكى ھەر قانداق ئىنسان بۇ خىل سوۋغاتقا ئىگە بولالايدۇ . ئەمدى سىز ئېرىشمەكچى بولغان مېۋىنىڭ نېمە ئىكەنلىكىنى بىلىپ يەتتىڭىز ، شۇڭا بۇ ئۇرۇقنى چوقۇم ياخشى پەرۋىش قىلىڭ ، دەپتۇ .
ئايشەمگۈل بارات تەرجىمىسى
