قىزلار ئاۋال مۇھەببەت ئىزھار قىلسا
ئوغۇللار قىزلارغا مۇھەببەت ئىزھار قىلىشى تۇرمۇشتا ناھايىتى كۆپ ئۇچرايدۇ . لېكىن ھەر خىل سەۋەبلەر تۈپەيلىدىن قىزلار گەرچە بىرەر يىگىتنى ياخشى كۆرسىمۇ ، مۇھەببەت ئىزھار قىلىشقا جۈرئەت قىلالمايدۇ . نەتىجىدە ، يا ئۆزىگە مۇھەببەت ئىزھار قىلغانلارنىڭ تەلىپىگە قوشۇلماي ياكى ئۆز ئارزۇسىغا يىتەلمەي ۋاقىت ئۆتۈپ ، ياشلىق باھارىنى نابۇت بولۇپ ، ئاخىرى << قىرى قىز >> غا ئايلىنىپ قېلىشىدىن قورقۇپ ، مۇنداقلا ئېغىر ئاچقان بىرسى بىلەن ئالدىراپ -تېنەپ توي قىلىدۇ . يەنە بەزىلەر مۇھەببەت ئىزھار قىلىش نىيىتى بولسىمۇ ، لېكىن باشقىلار ئارىسىدا ئۆزى توغۇرلۇق گەپ -سۆز تارقىلىپ كېتىشىدىن قورقۇپ ئېغىز ئاچالمايدۇ .
قىزلارمۇ مۇھەببەت ئىزھار قىلىش ھوقۇقىغا ئىگە .شۇڭلاشقا ھەقىقى بەخىتلىك تۇرمۇشقا ئېرىشىشى ئۈچۈن ، قىزلارمۇ ئۆزى ياخشى كۆرگەن كىشىسىگە مۇھەببەت ئىزھار قىلىشقا جۈرئەت قىلىشى كېرەك .
ئۇنداق بولسا ، قىزلار ئاۋال مۇھەببەت ئىزھار قىلسا ئوغۇللار قانداق مۇئامىلە قىلىشى كېرەك ؟
شۇنى بىلىش كېرەككى ، قىزلارنىڭ ئوغۇللارغا مۇھەببەت ئىزھار قىلىشى ھەرگىزمۇ ئۇلارغا ئەر چىقمىغانلىقى ، ياكى بىرەر يىگىتنىڭ مۇھەببىتىگە ئېرىشەلمىگەنلىكىدىن ئەمەس ، بەلكى ، ئوغۇلنى ياخشى كۆرگەنلىكى ھەم ھەقىقى چۈشەنگەنلىكىدۇر . شۇڭا بىرەر قىز ئوغۇلغا مۇھەببەت ئىزھار قىلسا ، ئۇنىڭغا كۆڭلى بولسىلا ئۇنى چۈشىنىشى ، بىر ئۆتۈپ كېتەلەيدىغانلىقىغا ئىشەنچ قىلسىلا ، قىزنىڭ تەلىپىگە قوشۇلۇشى كېرەك . ئەگەر ئوغۇل قىزنى ياخشى كۆرمىسە ياكى باشقا سەۋەب بولسا ، قىزغا سەمىمىيەتلىك بىلەن سەۋەبىنى چۈشەندۇرۇشى كېرەك . ئەگەر ئوغۇل قىزنى تولۇق چۈشىنىپ بولالمىغان بولسا بىر مەزگىل سىناپ كۆرسىمۇ بولىدۇ .... لېكىن ئوغۇل ھەرگىزمۇ ئالدىراقسانلىق بىلەن ئىش قىلماسلىقى ، قىزلارنىڭ غورۇرىغا تېگىدىغان گەپ -سۆزلەر بىلەن قوپاللىق قىلماسلىق ياكى ئۇ قىز ئۈستىدىن گەپ تارقاتماسلىقى كېرەك . بولمىسا ئاخىقى ھېسابتا ئۆزى پۇشايماندا قالىدۇ .
