ئەسسالامۇئەلەيكۇم ئۇچۇر تورى، ئالدى بىلەن يېڭى سەھىپىنىڭ ئېچىلغانلىقىنى قىزغىن تەبرىكلەيمەن،ھەم كۈندىن-كۈنگە روناق تېپىشىڭلارنى ئۈمۈت قىلىمەن.
سىلەر ئارقىلىق ھەر ساھە، ھەر كەسىپتىكى دوستلار بىلەن دائىم دىگۈدەك ھال-ئەھۋاللىشىپ تۇرالىغانلىقمدىن تولىمۇ خۇرسەنمەن.
گەرچە كۆزگە كۆرۈنگەن يازغۇچىلاردىن بولمىساممۇ، ئەمما يېزىقچىلىققا بولغان قىزىقىش، ئەدەبىي ھەۋەسكارلىدىن بولۇپ قېلىشىمغا تۈرتكە بولۇپ قالغان ئىدى. ئۇچۇر تورىدا مەخسۇس ئەدەبىي ئەسەرلەرگە ئېچىلغان كۆزنەكنىڭ يوقلىغى تۈپەيلى، دوستلىشىش تۈرىنىڭ، نىكاھ،تۇرمۇش سەھىپىسىدە ئىزچىل دوستلار بىلەن ئورتاقلىشىپ كەلگەن ئىدىم. مانا ئەمدى، مەن ۋە مەندەك ھېرىسمەنلەر بۇ سەۋىپىنىڭ ئېچىلىشى بىلەن ئۆزىمىزگە لايىق ماكاننى تاپقاندەك قىلىمىز.
بولسا دوستلىرىمغا ئاڭلىغانلىرىمدىن ئەمەس، كۆرگەنلىرىمدىن تۇرمۇش ئۈزۈندىلىرىنى ھىكايەت قىلىپ بەرسەم، دوستلار بىلەن تۇرمۇشنىڭ ھەرقايسى قاتلاملىرىغا تەڭ سىڭىشىپ كىرەلىسەم، شۇنىڭ بىلەن بىرگە قەلىمى گۈل دوستلىرىمنىڭ ئەسەرلىرىدىنمۇ بەھىرلەنسەم دىگەن ئۈمۈتتىمەن.
سەھىپىنىڭ ئېچىلغىنىنى تېخى بايا ئاڭلىدىم، ئەسەرلىرىمنى بۈگۈنلا بەت يۈزىگە چىقىرىپ بولالماسلىقىم مۇمكىن، ھىكايىگە ئەتە قەلەم تەۋرەتسەم، بۈگۈن يېڭى سەھىپىگە سالام يوللاش بىلەن بىرگە تۆۋەندىكى شېئىرى ئىجادىيەتنى سوۋغا قىلسام:
مۇبارەك بولسۇن!!!!!!!!!!
يېڭى بىر سەھىپەڭگە مۇبارەك بولسۇن!
ئىجادىيەت يېڭىلىققا تۇيۇنغان بولسۇن!
يېزىلغان ھەر ئەسەرنىڭ قىممىتى بولسۇن!
روناق تاپ،ئۇتۇق ھەرچاغ يار-يۆلەك بولسۇن!