بىر يىل بۇرۇنقى بۈگۈنكى كۈندە، ئامېرىكا ئالاھىدە ھەرىكەت گۇرۇپپىسى بىن لادىننى ئۆلتۈرگەن ئىدى. ھازىر ئامېرىكا پەيدا بولىشى مۇمكىن بولغان بارلىق تېرورلۇق ۋەقەلەردىن قاتتىق ھۇشيار ھالەتتە تۇرۇپ، ئالدىنى ئېلىش تەدبىرلىرىنى جېنىنىڭ بارىچە كۈچەيتىۋاتىدۇ. شۇنداقلا بەزى تەپسىلاتلارنى ئاخبارات ۋاستېللىرىغا ئاشكارىلاپ، بىن لادىننىڭ ئۆلۈشىنى ئوبامانىڭ قايتا سايلىنىشى ئۈچۈن نۇمۇر يىغىشنىڭ ۋاستىسى قىلماقچى بولىۋاتىدۇ.
گەرچە بىن لادىن ئۆلگەن بولسىمۇ، بىراق يەر ئاستى تەشكىلاتى، ئامېرىكا سىياسىتى، ئامېرىكا پەلەستىن مۇناسىۋىتى، ئامېرىكا بىلەن ھىندىستاننىڭ ھەمكارلىق مۇناسىۋىتى، ئامېرىكا بىلەن شىمالى ئاتلانتىك ئەھدى تەشكىلاتىنىڭ ھەمكارلىقى، ئامېرىكىنىڭ ئوتتۇرا شەرققە قاراتقان سىتىراتىگىيىسىنى تەڭشىۋېلىشى، ئوتتۇرا شەرقنىڭ سىياسى ساھەسى قاتارلىق نۇرغۇن تەرەپلەرگە يەنىلا ناھايىتى چوڭ تەسىر كۆرسىتىۋاتىدۇ. يەنە بىر تەرەپتىن ئېيىتقاندا، بىن لادىننىڭ ئۆلىمى دۇنياغا قورقۇنچلۇق « مىراس» قالدۇرۇپ قويدى.

تېخىمۇ قورقۇنچلۇق يېرى شۇكى، ئۇنىڭ قالدۇرغان قورقۇنچلۇق تېرورلۇق ھۇجۇم« مىراس» ى ئۆتكەنكى بىر يىلدا غەربدىكى دۆلەتلەرنىڭ ئىچكى قىسمىدا ئەۋج ئالدى: ياۋروپا دۆلەتلىرىدە ئۆتكەنكى بىر يىلدا قورقۇنچلۇق تېرورلۇق تۈسىنى ئالغان شەخسى تېرورلۇق ھۇجۇمى پارتىلىدى: ئۆتكەن يىلى 7- ئايدا، پۈتۈن دۇنيانى زىل- زىلگە سالغان نورۋىگىيە يتتر ئارىلىدىكى پارتىلىتىش ۋەقەسى، شىۋېتسىيە، فىرانسىيەنىڭ جەنۇبىدىكى تۇلۇس، بىلگىيىنىڭ شەرقى، ئامېرىكىنىڭ ئافغانىستان قەندەخاردا تۇرۇشلۇق بازىسى، ئامېرىكا كالىفورنىيە ئۇنۋېرستىتى مەكتەپ قوروسى ئىچى قاتارلىق جايلاردا غەرب دۆلەتلىرىدىكى ئادەملەر ئۆز ئالدىغا قىلغان، نەچچە ئادەمنىڭ ئۆلۈش يارىلىنىشىنى كەلتۈرۈپ چىقارغان ۋەقەلەر يۈز بېرىپ تۇردى. بۇنداق غەرب دۆلەتلىرىدىكىلەرنىڭ قىلغان تېرورلۇق ۋەقەلىرى بىن لادىننىڭ قالدۇرغان قورقۇنچلۇق تېرورلۇق ھۇجۇم« مىراس» ىنىڭ تەسىرىگە ئۇچرىشىدىن بولدى دېيىلىۋاتىدۇ.

بۇ رەسىم ئامېرىكا سىملىق تېلېۋىزىيىسىنىڭ خەۋىرىدىن كېسىپ ئېلىنغان بولۇپ، 5- ئاينىڭ 1- كۈنى ئامېرىكا زۇڭتۇڭى ئوباما ئاق سارايدا تۇرۇپ، بىن لادىننىڭ ئۆلگەنلىكىنى جاكارلىدى.


5- ئاينىڭ 1- كۈنى كەچتە، بىن لادىننىڭ ئۆلگەنلىكىدىن خەۋەر تاپقان بىر قىسىم ئامما يىغىلىپ تەبرىكلىدى.

بىن لادىن ئۆلۈپ بىر يىل ئىچىدە غەربدىكى شەخىسلەرنىڭ ئۆز ئالدىغا قالايمىقانچىلىق تۇغدۇرۇپ، تېرورلۇق ھەرىكەت ئېلىپ بېرىشى ناھايىتى كۆپ كۆرۈلدى. بۇ ئەھۋال كىشىنى قاتتىق ئەندىشىگە سالىدۇ.