دۇنياغا داڭلىق ئىزدەش ماتورى گۇگېل 13ياشقا كىردى

خىيال

	9-ئاينىڭ 27-كۈنى گۇگېل شىركىتى گۇگېلنىڭ تۇغۇلغان كۈنىنى تەبرىكلىدى.گۇگېلنىڭ قۇرۇلغان كۈنىگە قارىتا كىشىلەرنىڭ قارىشى ئوخشاش ئەمەس بولۇپ ،Google.comتور نامى 1997-يىلى 9-ئاينىڭ 15-كۈنى تىزىملىتىلغان،بىراق 1998-يىلى 9-ئاينىڭ 4-كۈنى گۇگېل شىركىتى ئاندىن قۇرۇلغان.گۇگېل ئىلگىرى كۆپ قېتىم 9-ئاينىڭ 7-كۈنى تۇغۇلغان كۈن ئۆتكۈزگەن،يەنە 9-ئاينىڭ 27-كۈنىمۇ كۆپ قېتىم تۇغۇلغان كۈنىنى تەبرىكلىگەن.بىراق يېقىنقى ئىككى يىل(2009-،2010)دا گۇگېل 9-ئاينىڭ 27-كۈنى گۇگېل تۇغۇلغان كۈن doodle(خاتىرىلەش رەسىمى )نى چىقارغان.بۇ يىل ئوخشاش بولۇپ ،قارىغاندا گۇگېل شىركەت تەرەپ 9-ئاينىڭ 27-كۈنىنى تۇغۇلغان كۈنى قىلىپ بېكىتكەن ئوخشايدۇ. 1996-يىلى 1-ئايدا سىتانفورد ئۇنىۋېرسىتېتى ئوقۇغۇچىلىرىدىن لارى پەيىج بىلەن سېرگىي بىرىن مەكتەپتە بىر تۈرلۈك ئىزدەش ماتورى تەتقىقاتىنى باشلىغان.ئۇنىڭ ئەنئەنىۋى ئىزدەش ماتورى بىلەن ئوخشىمايدىغان پەرقى :ئەنئەنىۋى ئىزدەشتە بولسا ئىزدىگەن سۆزنىڭ بەتتىكى كۆرۈنۈش قېتىم سانىغا ئاساسەن ئىزدەش نەتىجىسى رەتكە تىزىلاتتى،بۇ ئىككىيلەن بېكەتلەر ئارىسىدىكى مۇناسىۋەتنى توغرا ئانالىز قىلىدىغان ئىزدەش ماتورىنى يېزىپ چىققان بولۇپ ،PageRankناملىق ئىزدەش ماتورى تور بەتلەردىكى ئەكس يۆنىلىشلىك ئۇلانمىلارنىڭ مۇھىملىقىنى باھالاپ  چىقىدۇ،بۇ ئىزدە ماتورىنىڭ ئىزدەش توغرىلىقى ئەينى ۋاقىتتىكى ئاساسلىق ئىزدەش تېخنىكىسىدىن ھالقىپ كەتكەن. دەسلىپىدە پەيىج بىلەن بىرىن بۇ ئىزدەش ماتورىغا BackRubدەپ ئىسىم قويغان ،كېيىن Googleغا ئۆزگەرتكەن.بۇ يېڭى سۆزنىڭ كېلىپ چىقىشى ماتېماتىكىدىكى googol(بىرنىڭ ئارقىسىغا 100دانە 0قويۇلغان سان)دېگەن ساننىڭ خاتا يېزىلىشى  بولۇپ ،كىشىلەرگە ھېسابسىز ياخشى ئۇچۇرلارنى تەمىنلەشكە سىمۋول قىلىنىدۇ.گۇگېل ئىزدەش ماتورى دەسلىپىدە  سىتانفورد ئۇنىۋېرسىتېتىنىڭ تور بېكىتىدە google.stanford.eduتور نامى بىلەن ئېلان قىلىنغان.1997-يىلى 9-ئاينىڭ 15-كۈنى  بۇ ئىككىيلەن Googleتور نامىنى تىزىملاتقان.بىر يىلدىن كېيىن ،1998-يىلى 9-ئاينىڭ 4-كۈنى بىرىن بىلەن پەيىج كالىفورنىيىدە بىر دوستىنىڭ ئۆيىنىڭ ماشىنا ئىسكىلاتىدا Googleشىركىتىنى قۇرغان ۋە كرايىگنى تۇنجى شىركەت خادىملىقىغا قوبۇل قىلغان.

قارا كۆلەڭگە

	قالتس يوللاپسىز تېخىمۇ تىرشىڭ

ئەتىرگۈل

	ئەجىرىڭىزگە رەخمەت، ياخشى تېمىلىرىڭىز ئۈزۈلمىسۇن