ئاپتونوم رايونلۇق11–نۆۋەتلىك خەلق قۇرۇلتىيى دائىمىي كومىتېتىنىڭ31–

خەۋەرچى

	ئاپتونوم رايونلۇق11–نۆۋەتلىك خەلق قۇرۇلتىيى دائىمىي كومىتېتىنىڭ31–يىغىنى ئېچىلدى مەنبە: تەڭىرتاغ تورى مېھرىگۈل ناسىر خەۋىرى : ئاپتونوم رايونلۇق 11 – نۆۋەتلىك خەلق قۇرۇلتىيى دائىمىي كومىتېتىنىڭ 31 – يىغىنى 26 – سېنتەبىر شىنجاڭ ‹‹خەلق›› سارىيىدا 1 – قېتىم ئومۇمىي يىغىن ئۆتكۈزدى. يىغىندا ئاپتونوم رايونلۇق پارتكومنىڭ شۇجىسى جاڭ چۈنشيەننىڭ ئاپتونوم رايونلۇق پارتكومنىڭ 50 – قېتىملىق دائىمىي كومىتېت(كېڭەيتىلگەن) يىغىنىدا قىلغان سۆزىنىڭ روھى يەتكۈزۈلدى؛ ‹‹ئاپتونوم رايوننىڭ سۈتچىلىك نىزامى (ئۆزگەرتىلگەن لايىھەنىڭ تۈزىتىلگەن نۇسخىسى)››، ‹‹ئاپتونوم رايوننىڭ كارخانىلاردا مائاشنى كوللېكتىپ كېڭىشىش نىزامى(لايىھەنىڭ ئۆزگەرتىلگەن نۇسخىسى)››، ‹‹ئاپتونوم رايوننىڭ تەرەققىيات يىرىك پىلانى نىزامى(لايىھە)››، ‹‹ئاپتونوم رايوننىڭ <جۇڭخۇا خەلق جۇمھۇرىيىتىنىڭ تاسادىپىي ۋەقەلەرگە تاقابىل تۇرۇش قانۇنى>نى يولغا قويۇش چارىسى(لايىھە)›› قاتارلىقلار قاراپ چىقىلدى.     ئاپتونوم رايونلۇق خەلق قۇرۇلتىيى دائىمىي كومىتېتىنىڭ مۇدىرى ئەركىن ئىمىرباقى يىغىنغا رىياسەتچىلىك قىلدى.     يىغىندا يەنە ‹‹ئاپتونوم رايوننىڭ تەرەققىيات يىرىك پىلانى نىزامى(لايىھە)››، ‹‹ئاپتونوم رايوننىڭ <جۇڭخۇا خەلق جۇمھۇرىيىتىنىڭ تاسادىپىي ۋەقەلەرگە تاقابىل تۇرۇش قانۇنى>نى يولغا قويۇش چارىسى(لايىھە)››، ‹‹ئاپتونوم رايوننىڭ <جۇڭخۇا خەلق جۇمھۇرىيىتىنىڭ ئىشقا ئورۇنلىشىشنى ئىلگىرى سۈرۈش قانۇنى>نى يولغا قويۇش چارىسى(لايىھە)››، ‹‹ئاپتونوم رايوننىڭ ساياھەتچىلىك نىزامى(لايىھە)››، ‹‹ئاپتونوم رايوننىڭ مۇھىت ئاسراش نىزامى(لايىھە)››، ‹‹ئاپتونوم رايوننىڭ <جۇڭخۇا خەلق جۇمھۇرىيىتىنىڭ دېھقانلار كەسپىي ھەمكارلىق تەشكىلاتى قانۇنى>نى يولغا قويۇش چارىسى(لايىھە)›› ۋە كادىرلارنى تەيىنلەش – قالدۇرۇش ھەققىدىكى تەكلىپ قاتارلىقلار توغرىسىدا ئىزاھات بېرىلدى.     ئاپتونوم رايونلۇق خەلق قۇرۇلتىيى دائىمىي كومىتېتىنىڭ مۇئاۋىن مۇدىرلىرىدىن جاڭ گولياڭ، ئالپۇسباي راقىم، دۇ چىنرۈي، لى جى، نەيىم ياسىن، مەمتىمىن ياسىن، چۆجۈپ، ما مىڭچىڭ ۋە باش كاتىپ نىشان ئىبراھىم قاتارلىقلار يىغىنغا قاتناشتى.