ئۈرۈمچىدە ئۇيغۇر تىلى يىغلايدۇ

يۈسۈپجان

	ئۆزگە تىللار ئۇلۇغلىنىپ شاخلايدۇ، يىلتىزىدىن ئورۇن ئېلىپ بىخلايدۇ. تۇيدۇرماستىن سىڭەر-ئىچەر سۈيىدەك… ئۈرۈمچىدە ئۇيغۇر تىلى يىغلايدۇ. سۆزلەنسە ئۇ ھېچ قۇلاققا ياقمايدۇ، بەزى ئۆز-ئۆزىگىمۇ ئاقمايدۇ. ئۆزقەۋمىمۇ ئىكرام بىلەن باقمايدۇ… ئۈرۈمچىدە ئۇيغۇر تىلى يىغلايدۇ. «بابا» دەيدۇ تىلى چىققان بوۋاقمۇ، «گەيزى» دېيىلۇر ۋاقتى كەلسە تۇۋاقمۇ. دەڭلار قېنى ساقمۇ بىز يا چولاقمۇ؟ ئۈرۈمچىدە ئۇيغۇر تىلى يىغلايدۇ «بەنمىيەن زوۋ»دەپ لەغمەننى ماڭدۇرار، زۇۋانىنى ئۆزگە تىلغا قايدۇرار، شۇنداق تۇرسا بىزگە كىممۇ ئار تۇرار، ئۈرۈمچىدە ئۇيغۇر تىلى يىغلايدۇ مېھمان كىرسە«جاۋخو»دەيدۇ خوجايىن، «چۆپ قوش»دېسە «جامىيەن»دەيدۇ ئاتايىن. بىلىپ كېتىشى ئۆزگە تىلنى ناتايىن، ئۈرۈمچىدە ئۇيغۇر تىلى يىغلايدۇ. مىڭكوخانە شەھرى مەركەز ئادىمى، شىركەت،ھۆكۈمەت،بانكا،پوچتا خادىمى. بولسا شۇنداق بولمىغىيدى ماتىمى، ئۈرۈمچىدە ئۇيغۇر تىلى يىغلايدۇ بىرى دەيدۇ روس تىلى بەك ياخشىكەن، بىرى دەيدۇ ياپۇن تىلى ياخشىكەن. ئۆز تىلىدەك سۆيۈملۈك تىل نەدىكەن؟ ئۈرۈمچىدە ئۇيغۇر تىلى يىغلايدۇ. مەھمۇد بوۋام ساپلاشتۇرغان بىر چاغدا، ئەرەب-پارس تىلنى قويغان مىڭ داغدا. دەر شۇ ھېكمەت پاساھىتىم نە قايدا؟ ئۈرۈمچىدە ئۇيغۇر تىلى يىغلايدۇ. مېنى قوغدار ئەۋلادلىرىم بارمۇ؟دەپ، دىلدىن سۆيەر پاك زاتلىرىم بارمۇ؟دەپ، لەيلاسىمەن پەرھاتلىرىم ئارمۇ؟دەپ… ئۈرۈمچىدە ئۇيغۇر تىلى يىغلايدۇ ئاپتونومىيە ھوقۇقلىرىم قايدا؟دەپ، باغدا ئىدىم بولۇپ قالدىم سايدا دەپ. ئەركىنلىكىم زادى قانداق جايدا دەپ، ئۈرۈمچىدە ئۇيغۇر تىلى يىغلايدۇ. پاكلىنارمەن دەيدۇ قاچان تەلمۈرۈپ، گۈللەنگىنىنى كۆزئالدىغا كەلتۈرۈپ. دەيدۇ مېنى قوغداڭلارچۇ يەڭ تۈرۈپ، ئۈرۈمچىدە ئۇيغۇر تىلى يىغلايدۇ. شېئىر مەنبەسى: http://mmtys.blogbus.com/logs/32905231.html

جەسسۇر2

	بۇ شېئىرنى بۇرۇنمۇ بىر ئوقۇغان،يەنە بىر قېتىم ئوقۇغىنىمدىن خوشالمەن،دىمىسىمۇ ئۈرۈمچىدىلا ئەمەس مۇشۇ يەردىمۇ يىغلايدۇ،ئالدى بىلەن ھەممە ئىشنى ئۆزىمىزدىن باشلايلى!

گۈزەل

	توغرا دەيسىز....ھەممە ئىشلارنى ئۆزىمىزدىن يەنى كىچىكلەردىنمۇ باشلىشمىز كىرەك.....بۇ يەردە تىلى كەمتۈكلەر بەك جىق........

قارا كۆلەڭگە

	ھەممە ئىشلار ئۆزمىزىگەباغلىق

كەمپۈتجان

	ئۇيغۇر تىلى ئۈرۈمچىدىلا ئەمەس بەلكى ھەممە يەردە يىغلايدۇ. ئويلىسام ئىچىم ئاچچىق بولىدۇ، كۆزۈمگە لىق ياش تولىدۇ....

سايرام-ئوغلى

	ئانا تىلنى سۆيگەنلىك-ئۆز مىللىتنى سۆيگەنلىك بىلەن باراۋەر.

ئەتىرگۈل

	ئۇيغۇر تىلى ئۈرۈمچىدىلا ئەمەس، ھەممە يەردە يىغلايدۇ، مۇنبىرىمىزدىمۇ يىغلاۋاتىدۇ، بەزى ئەزالار خەنزۇچە ئىسىمدا تىزىملىتىپ كىرىپتىغۇ

诚实的人

	جەسسۇر2 يوللىغان ۋاقتى  2011-9-12 18:51 بۇ شېئىرنى بۇرۇنمۇ بىر ئوقۇغان،يەنە بىر قېتىم ئوقۇغىن ... بۇ شىېرنى ئۇقۇغنىمدىن شۇنداق خوشال مەن

ئارمان

	قارا كۆلەڭگە يوللىغان ۋاقتى  2011-9-13 00:18 ھەممە ئىشلار ئۆزمىزىگەباغلىق ئۇيغۇر يىلى بىزنىڭ ئۆيدىمۇ  يىغلايدۇ

ئەسرار

	ھازىر يۈرەك يىغلايدىغان بولۇپ قالدى ، ئەتە ئۆگۈن زىمىن يىغلايدۇ . ....