پۇل تاپاي دئسىڭىز بۇ ئىشلارنىمۇ قىلىپ كۈرۈڭ

سايرام-ئوغلى

ئەتراپقا شۇنداق قارايدىغان بولساق ھەممە ئادەمنىڭ شۇنداق ئالدىراش ئىكەنلىكىنى كۆرىمىز، دىمىسىمۇ ھازىر كىم بىكار دەيسىز؟ ھەممىلا ئادەمنىڭ ئالدىرايدىغان ئىشى بار، ھەتتا كىچىك بالىلارنىڭمۇ شۇ. ھازىر كىچىك بالىلارنىڭ كۈندىلىك ئورۇنلاشتۇرۇلۇشى چوڭلار بىلەن ئوخشاشلا تولىمۇ زىچ، ئۇلار ھەم مەكتەپكە بېرىپ ئوقۇيدۇ، يەنە ھەر خىل كىچىك بالىلارنىڭ تەنھەركەتلىرىگە قاتنىشىدۇ، مەسىلەن، توپ تېپىش، قوغلاشماق ئويناش دىگەندەك....يەنە تېخى بەزى بالىلار ھەر خىل كۇرۇسلارغا بېرىپ مەلۇم خىل چالغۇ ئەسۋاب ياكى بىرەر ھۈنەر ئۆگىنىدۇ. ۋاي-ۋۇي قارايدىغان بولساق كىچىك بالىلار بىز چوڭلاردىنمۇ ئالدىراشمۇ نىمە؟　بىراق يەنە شۇ جاپاكەش ئاتا-ئانىلىرىمىز ھېرىپ-چارچىغىنىغا قارىماي، بالىلىرىنى مەكتەپكە ئاپىرىپ ئەكىلىشتەك ئىشلار بىلەن ئالدىراش بولۇپ كېتىدۇ-دە بەزىدە خىزمىتىگىمۇ دەخلى يەتكۈزۈپ قويىدۇ. دوستۇم، مانا بىزنىڭ سىزگە تەۋسىيە قىلماقچى بولغان يېڭى بىر كەسپىمىز ئايان بولدى، ئۇ بولسىمۇ بالىلارنى ماشىنىدا توشۇش مۇلازىمىتى.
ناۋادا سىز بالىلارنى ياخشى كۆرسىڭىز، بۇنىڭدىن باشقا ماشىنا ھەيدەپ يول يۈرۈشنى ياقتۇرسىڭىز، بالىلارنى ماشىندا توشۇش بىلەن شۇغۇللانسىڭىز بولىدۇ. بۇ خىل خىزمەت بىلەن شۇغۇللانسىڭىز ئۇلارنىڭ ئاتا-ئانىسىغا نۇرغۇن ۋاقىتنى تىجەپ بېرەلەيسىز. ئەلۋەتتە ھەرقانداق بىر ئىشنىڭ ئارتۇقچىلىقى ۋە كەمچىلىكى بولىدۇ. ئالدى بىلەن سىزگە بۇ كەسىپنىڭ ئالاھىدىلىكىنى سۆزلەپ بېرەي، بۇ خىزمەتنىڭ ئالاھىدىلىكى شۇكى، سىز ئادەتتىكى خىزمەت كۈنلىرىڭىزدە بالىلار بىلەن چوڭقۇر ھىسيات تۇرغۇزالايسىز، بالىلار بىلەن كۆپ ۋاقىت بىللە تۇرغان ئادەم قېرىمايدۇ، دەيدىغان گەپ بارغۇ؟　مۇشۇنداق بولغاچقا سىز بالىلارنىڭ تەسىرىدە شۇنداق ساغلام بولغان روھىي كەيپىياتقا ئىگە بولالايسىز، ئەلۋەتتە بۇنىڭ ئالدىنقى شەرتى سىز چوقۇم كىچىك بالىلارنى ياخشى كۆرىدىغان بولىشىڭىز لازىم. ئۇنىڭ ئۈستىگە بۇ خىزمەت خېرىدارلىرىڭىزنىڭ تۇرمۇشىنى رېتىملىق قىلىدۇ، بۇ كىشىگە نەقەدەر غەلبە شادلىقى بېغىشلايدۇ-ھە؟
ئەمدى بۇ كەسىپنىڭ كەمچىلىكىگە قارايدىغان بولساق، بۇ خىزمەتتە سىزنىڭ ئۈستىڭىزگە ئالىدىغان مەسئۇلىيىتىڭىز ناھايىتى ئېغىر بولىدۇ، سىز يولدا دىققەت بىلەن ماشىنا ھەيدەپلا قالماستىن يەنە بالىلارنى بىخەتەر يەتكۈزىشىڭىز ھەمدە ئۇلارنى بارماقچى بولغان جايىغا يەتكۈزۈپ قويىشىڭىز لازىم، سىز ھەرگىزمۇ ئاممىۋى قاتناش ئاپتوبۇس شوپۇرلىرىغا ئوخشاش، يولوچىلارنى چۈشۈرۈپ قويۇپلا، يولىڭىزغا راۋان بولسىڭىز بولمايدۇ.
ئەمدى قانداق قىلغاندا بۇ ئىشتىن غەلبە قازانغىلى بولىدىغانلىقىغا قاراب باقايلى: سىز چوقۇم ئۆزىڭىزدە سالماق، ئېغىر بېسىق ماشىنا ھەيدەش ساپاسىنى ھازىرلىشىڭىز، ماشىنىدىكى　شاكىچىكلەرنىڭ سۈرەن-چوقانلىرىنىڭ　تەسىرىگە ئۇچرىماسلىقىڭىز لازىم، شاكىچىكلەرنىڭ ئىككىسىلا بىر يەرگە كەلسە قانچىلىك ۋاراڭ-چۇرۇڭ بولۇپ كېتىدىغانلىقىنى مەن دىمىسەممۇ　سىز بىلىسىز. شۇڭا چوقۇم ئالدى بىلەن مۇشۇنداق ۋاراڭ-چۇرۇڭدىمۇ دېققىتىڭىزنى بۆلمەيدىغان بولىشىڭىز لازىم. بۇ خىزمەت كىچىك بالىلار ئۈچۈن مۇلازىمەت قىلىدىغان خىزمەت بولغانلىقى ئۈچۈن چوقۇم سىىزدە كىچىك بالىلارنى ياخشى كۆرىدىغان بىر يۈرەك بولىشى لازىم. چوقۇم ئۇلارنىڭ ئېھتىياجىنى چۈشىنىدىغان بولىشىڭىز، ئۇلارنى ئۆزىڭىز بىلەن ئوخشاش كۆرۈپ مۇئامىلە قىلىشىڭىز، ئۇلارنى توشۇۋاتقان خالتا دەپ قارىماسلىقىڭىز لازىم. بۇلاردىن باشقا يەنە سىزدە ئىشلارنى بىر تۇتاش ئورۇنشلاشتۇرىدىغان ئىقتىدار بولىشى، قانداق قىلغاندا بىرلا ۋاقىتتا ئىككى يولۇچىنى ئايرىم-ئايرىم بارماقچى بولغان جايىغا يەتكۈزۈپ قويۇشنى بىلىشىڭىز لازىم.

ئەلۋەتتە مەن دىمىسەممۇ بۇ خىزمەتتە قانداق سايمان كېتىدىغىنى بىلىسىز، سىزگە دەل ئالتىدىن كۆپ ئورۇندۇقى بار، ئىقتىدارى ياخشى ماشىنىدىن بىرسى لازىم. ماشىنا بولسىلا بولىدىغان ئوخشايدۇ دەپ قالماڭ، بۇنىڭدىن سىرت سىز تەييارلاشقا تىگىشلىك نەرسىلەر يەنە بار، سىز يەنە ئالاقىدار سۇغۇرتىلارغا قاتنىشىشىڭىز لازىم، يانفونىڭىز بولىشى، ئەلۋەتتە يانفونىڭىزنىڭ باتارىيىسى بىلەن پۇلىنىڭ تۈگەپ قالمىغىنى ياخشى. بۇنداق بولغاندا يەنە قاتناش ياكى كۈنتەرتىپ ئورۇنلاشتۇرىشىدا مەسىلە كۆرۈلگەندە ياكى ئۆزگىرىش بولغان ئەھۋالدا، ئاتا-ئانىلارغا خەۋەر قىلىشقىمۇ قولايلىق بولىدۇ.
ئەمدى ھەقىچان بۇ ئىش بىلەن شۇغۇللانماقچى بولسام قانچە پۇل كېتەر دەپ ئويلىشىۋاتىسىز، بۇ ئىشنى قىلماقچى بولغاندا دەسلەپكى مەبلىغىڭىز 30 مىڭ يۈەندىن 50 مىڭ يۈنگىچە بولىدۇ، بۇ مەبلەغنىمۇ ئاساسلىقى ياخشى بولغان نىمكەش ئاپتوموبىل سېتىۋېلىشقا ئىشلىتىسىز، ناۋادا ئۆزىڭىزنىڭ بۇنداق ئاپتوموبىلى بولسىغۇ بىرمۇنچە پۇلنى تىجەپ قالالايسىز، بۇ ئىش بىلەن شۇغۇللانسىڭىز يىللىق كىرىمىڭىز تەخمىنەن 30 مىڭ يۈندىن 80 مىڭ يۈنگىچە بولىدۇ.
بۇ ئىشنى قىلسىڭىز ھەر كۈنى بالىلارنى تاق مۇساپىگە توشۇدۇق دەيلى، بىر بالىدىن ئېيىغا100-200گىچە ھەق ئالسىڭىز مۇۋاپىق بولىدۇ، ئەگەردە بالىلارنى ئاپىرىپ ئەكەلسىڭىز بىر بالىدىن　ئېيىغا 200-300 يۈەنگىچە ھەق ئالسىڭىز، ھەر ھەپتىسىگە بەش كۈن ئىشلىسىڭىز بولىدۇ. ھەر ئايدا ئەڭ ئاز بولغاندا 10 بالىنى توشۇدىڭىزمۇ دەيلى، سىز بىر ئايدا 2000-3000 يۈەن كىرىم قىلىسىز. بۇ پۇلنىڭ 1000 يۈەنىنى ماشىنىنىڭ يېقىلغۇسىغا كەتتى دىسىڭىزمۇ 2000 يۈەن قولىڭىزغا ساق قالدى دىگەن گەپ.
ئەمدى بۇ ئىشقا رەسمىي كىرىشمەكچى بولسىڭىز چوقۇم تەييارلىق خىزمەتلىرىنى ياخشى ئىشلىشىڭىز لازىم، ئالدى بىلەن ماشىنىڭىزنىڭ ئەڭ ياخشى ھالەتتە تۇرىشىغا كاپالەتلىك قىلىشىڭىز لازىم، بىخەتەرلىك تاسمىسىمۇ بۇنىڭ ئىچىدە. ئىمكانىيەت يار بەرسە ماشىنىڭىزنىڭ ھۆسنىنىمۇ بىر قېتىم تۈزەپ قويۇڭ، بولسا قايتىدىن بىر سىرلىتىڭ، چۈنكى ئاتا-ئانىلار بىر ئەبجەق ئاپتوموبىلنى ھەيدەيدىغان ئادەمگە ئانچە ئىشەنچ قىلالمايدۇ، سىز بۇ ماشىنىڭىزغا چوقۇم ئېنىق ۋە چۈشىنشىلىك قىلىپ ئىسىم قويۇڭ ۋە ماشىنىنىڭ يان تەرىپىگە چىرايلىق ھەم كۆزگە تاشلىنىپ تۇرىدىغان قىلىپ يېزىپ قويۇڭ. ئەلۋەتتە تېلفۇن نۇمىرىڭىزنى يېزىپ قويۇشنى ھەرگىز ئۇنتۇپ قالماڭ، بۇنداق بولغاندا سىز ماشىنىڭىزنى نەگە ھەيدەپ بارسىڭىز، ئېلان تەشۋىقاتىمۇ سىز بىلەن بىللە شۇ يەرگە تەڭ بارىدۇ.

مەنبەسى:جۇڭگو ئۇيغۇرچە رادىيو تورى

ئەتىرگۈل

ياخشى تېما يوللاپسىز. جەمىيەتنىڭ ھەرخىل كەسىپكە ئېھتىياجى چۈشىدۇ ئەلۋەتتە، پەقەت تىرىشچانلىق بولسىلا پۇل تاپقىلى بۇلدۇ. خىزمەت تېپىش تەس بولغىنى بىلەن پۇل تېپىش ئۇنچە تەس ئەمەس

Hararat

قولدىن كەلمەيدىغان چوڭ ئىشلار ئەمەس بەلكى، ئۆزى ياقتۇرغان ۋە قىلىشقا قۇربى يەتكەن ئۇششاق ئىشلارمۇ ئادەمنى بايلىققا، مۇۋەپپەقىيەتكە ئېرىشتۈرىدۇ، ئەلۋەتتە.

رۇستەم

قەيسەرجان ئەينى ۋاقىتتا بالا ئىدۇق.بالا ۋاقتىمىزدە ئاتا-ئانلىرىمىزغا سالمىغان جاپالىرىمىز قالمىغان ئىدى.قارىغاندا ئەمدى شۇ جاپايىمىزنىڭ دەستىدىن ۋاقىتسىز قېرىغان ئاتا-ئانىلارنىڭ جاپا سىنى يەڭگۈللىتىش ئۈچۈن بۇ تەرەپلەردىن ئىزدىنىپ بىزلەرگە ئانچىلىك بولسىمۇ ئەسكەرتىمە بەرگنلىكىڭىزگە كۆپ رەخمەت.قوللىرىڭىزغا بەركەت ياغسۇن!!!!

tanha

توغرا

ئارمان

ئەتىرگۈل يوللىغان ۋاقتى  2011-8-11 01:06
ياخشى تېما يوللاپسىز. جەمىيەتنىڭ ھەرخىل كەسىپكە ئېھتى ...

b بۇغۇ  بەك ياخشى پىكىرئىكەن  ئەپسۇس   يەنە شۇ پۇل  بارلارغا  بولغىدەك  ...پۇل بايغا ئاقىدۇ   \\\\\\\\سۇ سايغا............

گۈلبەر

ھارارەتنىڭ پىكرىنى قوللايمەن،كىچىك دەپ بەزى ئىشلارنى ياراتمىز يۇ،شۇ كىچىك ئىشلارنىڭ ئېلىپ كېلىدىغان پايدىسىنى ئويلاپمۇ قويمايمىز،يا چوڭنى قىلالمايمىز،شۇڭا نامراتلىققا پاتتۇقمىكىن دەپمۇ قالىمەن بەزىدە.
قايسى كۈنى خىيالىمغا بىر ئىش كەلگەنتى،كۆممىقوناق پىشۇرۇپ سېتىپ پۇل تېپىش،ئۆيدىكىلەرگە دىسەم ھەممىسى زاڭلىق قىلىشىپ كۈلۈشۈپ كەتتى،توۋا،سەن بىر داشۆ پۈتتۈرگەن ئادەم كوچىدا قوناق ساتامسەن؟خەق كۆرسە نىمە دەيدۇ دەپ.