مۆجىزە! ئۈرۈمچى ناھىيەسىدە بىر توخۇ 175 گىراملىق چوڭ تۇخۇم تۇغدى

قۇربان

	مۆجىزە! ئۈرۈمچى ناھىيەسىدە بىر توخۇ 175 گىراملىق چوڭ تۇخۇم تۇغدى [2011-07-29]  كېلىش مەنبەسى: نۇر تورى   11072919079281 يېقىندا، ئۈرۈمچى شەھىرى ئۈرۈمچى ناھىيەسىنىڭ داچۈەن نەسىللىك چارۋا فېرمىسىدىكى خۇ جاۋجى باققان بىر توخۇ ئېغىرلىقى 175 گىراملىق زور تۇخۇم تۇغدى. 19-ئىيۇل چۈشتىن بۇرۇن سائەت 12:00 دە، خۇ جاۋجى توخونىڭ غەيرى ئاۋازدا قىچقىرغان  ئاۋازىنى ئاڭلاپ، سەل غەلىتىلىك ھېس قىلىدۇ. خۇ جاۋجى مۇنداق دەيدۇ: «توخونىڭ بەدىنىنىڭ يېرىم كاتەك ئىچىدە يېرىمى سىرتىدا بولۇپ، پۈتۈن بەدىنى تىتىرەپ كەتكەن ئىدى. يەتتە مىنۇت ئەتراپىدا ۋاقىت ئۆتكەندىن كېيىن، توخو بۇ زور تۇخۇمنى تۇغۇپ بولغاندىن كېيىن، كېتىپ قالدى». كېيىن خۇ جاۋجى تەپسىلىي قاراپ، كاتەكتە ناھايىتى چوڭ بىر تۇخۇمنىڭ تۇرغانلىقىنى بايقايدۇ. بۇ تۇخۇم ئادەتتىكى تۇخۇملاردىن چوڭ بولۇپ، خۇ جاۋجى بۇ تۇخۇمنى ئېلىپ جىڭلاپ باقىدۇ.  نەتىجىدە بۇ تۇخۇمنىڭ ئېغىرلىقى 175 گىرام بولۇپ، ئادەتتىكى تۇخۇملارنىڭ ئېغىرلىقىنىڭ ئۈچ ھەسسىسىگە تەڭ كېلىدۇ. خۇ جاۋجى بۇ مىكىياننىڭ ئارقا-ئارقىدىن تۆت-بەش كۈن تۇخۇم تۇغقاندىن كېيىن، ئارلىقتا بىر مەزگىل تۇخۇم تۇغمايدىغانلىقىنى، 6-ئاينىڭ ئاخىرىدىن باشلاپ، بۇ مىكىياننىڭ تۇخۇم تۇغمىغانلىقىنى، 19-ئىيۇلغا كەلگەندە ئاندىن بۇ زور تۇخۇمنى تۇغقانلىقىنى ئېيتتى. مۇخبىر خۇ جاۋجىنىڭ ئۆيىدە بۇ چوڭ تۇخۇمنى كۆردى. بۇ تۇخۇمنىڭ بىر تەرىپىگە ئادەتتىكى تۇخۇم، يەنە بىر تەرىپىگە ئىككى تۇخۇم سېرىقى بار تۇخۇم قويۇلغان ئىدى. بۇ ئۈچ تۇخۇمنىڭ رەڭگى ئوخشاپ كېتەتتى. پەقەت شۇ بۇ زور تۇخۇمنىڭ رەڭگى يېنىدىكى بۇ ئىككى تۇخۇمنىڭكىدىن پارقىراق ئىدى. بۇ تۇخۇمنى قانداق بىر تەرەپ قىلىدىغانلىقىنى سورىغاندا، خۇ جاۋجى كۈلۈپ تۇرۇپ مۇنداق دېدى: «مەن بۇ مەسىلىنى تېخى ئويلىشىپ بولالمىدىم».

سايرام-ئوغلى

	ھەقىقەتەن بىر مۆجىزە ئىكەن.

admin

	تۆۋە نىمە ئىشلار بۇلۇپ كىتىپ باردىغاندۇ، تۆت-بەش پۇتلۇق، ئىككى باشلىق بەدىنى تۇتاش بوۋاقلار تۇغۇلسا ،ئەمدى تۇخۇلارمۇ مۆجىزە يارتىپ بۇنداق غايەت زور تۇخۇم تۇغۇپ يۈرسە نىمە ئىشلار بۇ....

ئەسرار

	بۇ غاز تۇخىمىمۇ ياكى ...