سالامەتلىككە تەسىر يەتكۈزىدىغان يامان ئادەتلەر

ئابلا

	. كىچىك تەرەتنى مەجبۇرىي قىسىۋېلىش:بۇنداق قىلغاندا دوۋساق ياللۇغى كېسەللىكىنى كەلتۈرۈپ چىقىرىدۇ. 2. قولدىن قاس چىقىرىش: بۇنداق قىلغاندا بارماق ئۈگىلىرى ئاسان قايرىلىپ كېتىش ياكى بارماق ئۈگىلىرى ئورنىدىن قوزغىلىپ كېتىپ،قولنىڭ شەكلى ئۆزگىرىپ كېتىش ئەھۋالى كۆرۈلىدۇ،ئېغىر بولغاندا رېماتىزم كېسەللىكىنى كەلتۈرۈپ چىقىرىدۇ. 3. تاماقنى يەپلا ئۇخلاش: بۇنداق قىلغاندا تاماق ياخشى ھەزىم بولمىغاندىن سىرت،سىمىزلىكنى كەلتۈرۈپ چىقىرىدۇ. 4. ئۇخلاشتىن ئىلگىرى چىشىنى يۇيماسلىق: ئۇخلاشتىن ئىلگىرى چىشىنى يۇيمىسا،چىشنىڭ ئاستى قاناش،چىش چۈشۈپ كېتىش ئەھۋاللىرى يۈز بېرىدۇ.ئېغىرراق بولغاندا چىش كېسەللىكى كېلىپ چىقىدۇ. 5. تاماقنى بەك تۇزلۇق يېيىش:تاماقنىڭ تۇزى بەك كۆپ بولۇپ كەتسە،بەدەنگە سۇ يىغىلىپ،بۆرەكتىن چاتاق چىقىرىدۇ.نەتىجىدە يۇقىرى قان بېسىم،يۈرەك كېسەللىكلىرىنى كەلتۈرۈپ چىقىرىدۇ. 6. باشنى ساڭگىلىتىپ ئۇخلاش:بۇنداق ئۇخلىغاندا موسكۇللارغا بولغان بېسىم ئېشىپ كېتىپ،موسكۇللار دەم ئالالمىغاچقا، سالامەتلىككە تەسىر يېتىدۇ. 7. چىشنى چاكىلدىتىش ۋە غۇچۇلدىتىش:بۇنداق قىلغاندا چىش بوشاپ كېتىدۇ.ئېغىر بولغاندا باش،دۈمبە،قۇلاق،تاڭلاي ئاغرىقى قاتارلىقلارنى كەلتۈرۈپ چىقىرىدۇ. 8. دۈمچىيىپ مېڭىش:بۇنداق ماڭغاندا ئۆپكىنىڭ نەپەس سىغىمچانلىقى تۆۋەنلەپ كېتىپ،قاننىڭ ئايلىنىشى توسقۇنلۇققا ئۇچراپ،باش ئاغرىقىنى كەلتۈرۈپ چىقىرىدۇ. 9. بەدەنگە چىققان جاراھەتنى سىقىش: بۇنداق قىلغاندا تېرە بۇزۇلۇپ،يۇقۇملانغاندىن سىرت،جاراھەت ئورنى تارتۇق بولۇپ قالىدۇ. 10. كۆزنى كۆپ ئۇۋۇلاش: بۇنداق قىلغاندا قولدىكى مىكروب كۆزگە كىرىپ،كۆز كېسەللىكىنى كەلتۈرۈپ چىقىرىدۇ.