تويغۇزمايلى بالا باققانغا (شىئىر)

يۈسۈپجان

	تويغۇزمايلى بالا باققانغا سىنى،مىنى تۇققان شۇ ئانا ، بېقىپ سەپكە قوشقانغۇ ئاتا . بىز ئۇلارغا ھۆرپىيىپ يەنا ، تويغۇزمايلى بالا باققانغا. ‹‹بالام يىسۇن››دەپ كىچەر ناندىن، كىچەر ھەتتا بىز ئۈچۈن جاندىن . ئۇلۇغ ئۇلار ھۆرمەتتە خاندىن ، تويغۇزمايلى بالا باققانغا. ئانا دىگەن يىقىلساق باغدۇر، ئاتا دىگەن يۆلەنسەك تاغدۇر . بىزگە بەرگەن ئەت بىلەن ياغدۇر، تويغۇزمايلى بالا باققانغا. بەزى چاغدا ئىشى تەس بولدى ، بىزلەرنى دەپ يۈزى پەس بولدى . قاتتىق تەگمە بولدى بەس ئەمدى، تويغۇزمايلى بالا باققانغا. ‹‹نە تېرىساڭ ئالىسەن شۇنى ››، دەپتۇ ئەجدات ئەستە تۇت ئۇنى . ئىززەتلىمەي،خار قىلىپ ئۇنى ، تويغۇزمايلى بالا باققانغا.

مۇزات ئوغلى

	ناھايىتى ياخشى يېزىلغان شىئىركەن ..ياخشى يېزىپسىز ئاتا ئانىنى قەدىرلەش ھەر بىر پەرزەنتنىڭ مەجبۇريىتى..