جانغا راھەت تېرەك ئىسسىق سۇ ئارىشىڭى

admin

	باي ناھىيە بازىرىنىڭ شىمالىدىم (60كىلومېتىر يىراقلىقتا) كېسەللەرگە شىپا بولىدىغان بىر تەبىئىي داۋالاش ئورنى بار. بۇ مەشھۇر سەيلىگاھ — تېرەك ئىسسىق سۇ ئارىشىڭىدۇر. ئەقىل – پاراسەتلىك ئەجدادلىرىمىز خېلى زامانلار  ئىلگىرىلا تېرەك ئىسسىق سۇ ئارىشىڭىنىڭ كېسەل داۋالاشتىكى ئالاھىدە رولىنى بايقىغان ۋە ئۇنىڭدىن پايدىلانغان. ' 20-ئەسىرنىڭ 80-يىللىرى باي ناھىيىلىك پارتكوم، خەلق ھۆكۈمىتى مۇناسىۋەتلىك تارماقلارنى تەشكىللەپ، تېرەك ئىسسىق سۇ ئارىشىڭىنى ئىلمىي تەكشۈرۈپ، ئۇنىڭ باي ناھىيە بازىرىنىڭ شىمالىدىكى تېرەك كۆمۈرلۈكىدە تەبىئىي شەكىللەنگەن ئىسسىقلىق مەنبەسى ئىكەنلىكىنى،  بۇلاقتىن چىققان ئىسسىق سۇنىڭ تەركىبىدە گۈڭگۈرت، زەمچە، فوسفور قاتارلىق مىنېرال ماددىلارنىڭ بارلىقىنى، بۇلارنىڭ تېرە كېسەللىرى، رېماتىزم، يۇقىرى قان بېسىمى كېسەللىرىگە شىپا بولىدىغانلىقى، شۇنىڭدەك ھۆسن گۈزەللەشتۈرۈپ، بەدەننى ساغلاملاشتۇرىدىغانلىقىنى ئىسپاتلىغان. & }; b' b$ P; f7 n* h0 C. L       تېرەك ئىسسىق سۇ ئارىشىڭىدا ئون نەچچە كۆز  بۇلاق بولۇپ، ئۇلارنىڭ ئىگىلىگەن ئورنى ئىككى كۋادرات كېلومىتىر كېلىدۇ. كۈندىلىك چىقىدىغان سۇ مىقدارى 691توننا، سۇنىڭ تېمپېراتۇرىسى قىش – ياز 65سېلسىيە گرادۇس ئەتراپىدا بولىدۇ. 2000-يىلى باي ناھىيىسىدىكى مۇناسىۋەتلىك ئورۇنلار بۇ يەردە تېرەك ئىسسىق سۇ ئارىشىڭى ئارامگاھىنى قۇرۇپ، بۇلاق سۈيىنى تۇرۇبا ئارقىلىق يۇيۇنۇش كۆلچەكلىرى، ئايرىمخانا ۋە ياتاقلارغا يەتكۈزگەن. شۇڭا بۇ يەرگە ھەر قانداق چاغدا كېلىپ داۋالانغىلى بولىدۇ. مۇز تاغ باغرىدىكى گۈزەل مەنزىرە، ساپ ھاۋا، سۈپسۈزۈك ئاسمان، شاۋقۇن سېلىپ ئېقىۋاتقان تاغ سۈيى... سىزگە ھۇزۇر ۋە راھەت بېغىشلايدۇ. تېرەك ئىسسىق سۇ ئارىشىڭىغا بارىدىغان يوللار ئاسفالتلاشتۇرۇلغان بولۇپ ، بۇ يەرگە كۈندە ئاپتوبۇس قاتنايدۇ.

قۇربان

	‹‹‹‹‹‹گۈزەل باي تورى›› ئېچىلغانلىقىنى قىزغىن تەبرىكلەيمەن.‹‹گۈزەل باي تورى››دىيارىمىزدىكى قانچىلىغان بىلىمگە تەشنا يۈرەكلەرنىڭ ئۇسسىزلىقىنى قاندۇرۇش ئىستىكىدە ئېچىلغان يېڭى بىر كۆز.شۈبىھىسىزكى ئۇ ئىلىمگە ئىشتىياق باغلىغۇچىلرنىڭ قوللىرىدا تېخىمۇ چوڭقۇر قېزىلىپ، چوڭ-چوڭ بۇلقلرنى ھاسىل قىلغۇسى، ئاخىرى سۈيى ئەلۋەك ئېقىنلرغا ئايلنغۇسى،ئۆز باغرىنى ئىلىم-ئىرپان تامچىلىرى بىلەن ياشنىتىپ، ئانا دىيارىغا يېڭى ھاياتى كۈچ ئاتا قىلغۇسى. ‹‹‹‹گۈزەل باي تورى›› ئۆزىنىڭ سۈيۈملۈك ھەمدە ئەڭ پەخىرلىك ئوغلانلىرى بولغان موللا مۇسا سايرامى،نىمشىھىت ئارمىيە ئېلى سايرامىلارنىڭ ئۈمۈت-تىلەكلىرىنى روياپقا چىقىرىشنىڭ كۆز تۇمۇرى بولۇشىنى، بۇ بۇلاقلارنىڭ ماڭگۈ قۇرۇپ قالماسلىقىنى، ھەۋزى- كەسەرلىرىنىڭ توختىماي ئېتىلىپ چىقىشىنى تىلەيمەن.قەدىمىڭلارگە كۆز تەگمىسۇن. راستلا جانغا راھەتكەن.بەكمۇ گۈزەل، جەلىپ قىلارلىقكەن.

tagdirim

	‹گۈزەل  باي تورى› نىڭ كەڭ  بىلمخۇمار تورداشلار ئۈچۇن ئېچىۋتىلگەنلكىگە مىننەتدارلىقمنى  بىلدۇرىمەن ..........شۇنداقلا كەڭ بىلمسۈيەر تورداشلارنىڭ بىرلىكتە كۈچ  چىقىرىپ گۈزەل باي قۇرۇپ چىقشمىزنى چىن دىلىمدىن  ئۈمۈد قىلمەن............... راستىنى ئېيتسام مۇشۇ تور ئېچىۋېتلگەنلىكىنى بىلگەن مۇشۇ دەققدە ئۆزۈمنى خوشال ھېس  قىلدىم شۇنداقلا سۈيۈندىم

admin

	توربىتىمىزنى قوللاپ قۇۋەتلەپ بەرگىنىڭلارغا رەھمەت ،،بولسا ھەممىمىز تەڭ كۈچ چىقىرىپ گۈزەل باي تورىنىڭ تېخىمۇ گۈزەل بۇلۇشى ئۈچۈن تۆھپىمىزنى قوشسساق..