يەتتە موچەننى بۇلىغان يىگىت ئىككى يىل كېسىلىپ كەتتى

ئەتىرگۈل

	ئۈرۈمچى تورى خەۋىرى (مۇخبىر راۋ جۈنخۇا، پراكتىكانت مۇخبىر شياۋ شىيا، خەۋەرچى لى خۇڭ) : « مەن ئېزىپتىمەن، ئەقلىمدىن ئېزىپ جىنايەت ئۆتكۈزۈپتىمەن...». 9-ئاينىڭ 22-كۈنى مۇخبىرنىڭ يېڭى شەھەر رايونلۇق خەلق ھۆكۈمىتىدىن ئۇقۇشىچە، 90-يىلدىن كىيىن تۇغۇلغان دۇ xx ئاچكۆزلۈكى غالىپ كېلىپ 7موچەننى بۇلىغان قىلمىشى ئۈچۈن ئىككى يىللىق مۇددەتلىك قاماق جازاسىغا ئېرىشكەن ھەمدە 1000 يۈەن جەرىمانە قويۇلغان، ھۆكۈمنامىنى ئاڭلىغان دۇ xxئۆز قىلمىشىغا مىڭ مەرتەم پۇشايمان قىلغان. دۇ xx بۇ يىل 20 ياش، بۇ يىل 1-ئاينىڭ 10-كۈنى كەچ دۇ xx تورخانىدىن يېنىپ كېلىپ كوچا ئارىلاپ بېيجىڭ يولىنىڭ يېقىن ئەتراپىدىكى بىر تاللا بازارنىڭ كەينىدىكى بىر كوچىنىڭ ئىچىگە كەلگەندە ، ئالدىدا يېشى سەل چوڭراق بىر ئەرنىڭ كېتىۋاتقانلىقىنى كۆرىدۇ، ئەر مۈرىسىگە سومكا ئېسىۋالغان ئىدى، دۇ xx نىڭ كاللىسىدا ئۇ سومكىنىڭ ئىچىدە چوقۇم پۇلغا يارىغۇدەك نەرسە بار دېگەن ئوي كېچىپ ئۆتتى، شۇنىڭ بىلەن ئۇنىڭدا سومكىنى بۇلاش نىيىتى تۇغۇلدى. دۇ xx ئۇنىڭ كەينىدىن ئەگىشىپ 4- قۇرۇلۇش ئەترىتىگىچە كەلگەندە ئەتراپتا ھېچكىم كۆرۈنمىدى، دۇ xx ئېتىلىپ بېرىپ ھېلىقى ئەرنىڭ گىلىنى سىقىپ تۇرۇپ ئۇنىڭغا قوقاق سالغاچ ئۇنى تامنىڭ يېنىغا تۈرتۈپ ئاپىرىپ ئەرنىڭ مۈرىسىدىكى سومكىنى بۇلاپلا قاچتى. دۇ xx قېچىۋاتقان چاغدا يېقىن ئەتراپتىكى مەھەللە چارلاش خادىملىرىغا ئۇچراپ قىلىپ تۇتۇلۇپ قالدى. «مەن بايا بىرىنىڭ سومكىسىنى بۇلىدىم،...» دۇ xx بەك قورقۇپ كەتكەچكە دەرھال بۇلاڭچىلىق جىنايىتىنى بوينىغا ئالدى. كەينىدىنلا چارلاش خادىملىرى دېلو مەلۇم قىلدى ھەمدە بۇلانغان سومكىنى ئىگىسىگە قايتۇرۇپ بەردى، سومكىدا يەتتە موچەن پۇل ، بىر قانچە ئاچقۇچ، بىر تال بانكا كارتىسى ۋە بىر تاماق قۇتىسى بار ئىدى. 6-ئاينىڭ 9-كۈنى سوت مەھكىمىسى بۇ دېلونى قاراپ چىقىپ مۇنداق دەپ  قارىدى: دۇ xx قانۇنسىز ئىگىلىۋېلىشنى مەقسەت قىلىپ زوراۋانلىق بىلەن نەق مەيداندا مال-مۈلۈكنى بۇلىغان، قىلمىشى بۇلاڭچىلىق جىنايىتىنى شەكىللەندۈرىدۇ. تۇتۇلۇپ قالغاندىن كىيىن ئۆزلۈكىدىن گۇناھىنى بوينىغا ئالغان، ئۆزىنى مەلۇم قىلىش ئەھۋالىغا ئۇيغۇن، ھەمدە زاڭ قايتۇرۇۋېلىنغان بولغاچقا سوت مەھكىمىسى جىنايىتىنى بېكىتكەندە يېنىكلىتىپ جازا بەرگەن. مەنبە: نۇر تورى

يۈسۈپجان

	ھەر كىم ئۆزىگە قىلىدۇ .قانۇن رەھىمسىز ،قانۇن مۇقەددەس !!!

قاراقاش

	سومكىلارغا ھازىر  كىممۇ  كۆپ پۇل سېلىپ يۈرسۇن  ئەخمەقلىقتە بۇ .تىگىشلىك جازاسىنى يەپتۇ

داۋان

	بۇ  بىر ھېسپتا ياخشى بۇلۇپتۇ، جاجسنى يەپتۇ، ئاۋال پىچاقنى ئۈزىڭگە سال. ئاغرمسا كىشگە  سال دەپتكەن كونلار.  ياش بولغاندىنكىن ھالال ئىشلەپ تېپېپ يىسچۇ؟ بىچارە يىگت.....