گۇما خاتىرىسى (تەبەسسۇم)

تەبەسسۇم

گۇما خاتىرىسى

ئايشەم ئىسمايىل تەبەسسۇم

ھەقىيقى بۇلۇتنى گۇمىدا كۆردۈم،
خەلقىنىڭ قەلبىنى قولىدا كۆردۈم.
ئۆمرۈمدە ئەڭ ئۇزۇن سەپەرنى،
بۈگۈن گۇما يولىدا كۆردۈم...

كۆڭۈللەردەك ئازادە يوللار،
گۈللىرىنى يەلپۈتۈپ ئۆتتى.
مىڭ تونۇرنىڭ تەپتى بار قوللار،
مۇھەببەت گۈلدەستىسى تۇتتى.

تاپقانلىرىم ئالتۇندىن ئىسىل،
ساپ ھاۋاسى يېشىلدىن يېشىل.
مېنى ئەزىزلىگەن قەدىردانلارنىڭ،
يۈرىكى بار ئالمىدەك قىزىل.

تامچە ئىدىم،
قوشۇۋالدى باغرىغا دېڭىز.
ئېيتتى دەريا:
-كەلمىدىمۇ مېنى كۆرگۈڭىز؟...
شائىر ئاكا!
<<كىچىك بالا ئىكەن>> دېدىڭىز،
كۆڭلۈمگە كەلدى،
بىر چاغلاردا،
سىزمۇ مەندەك سويما ئىدىڭىز.

گەپلىرىمگە كۈلگەنلەر بولدى،
ئەسرارلىشىپ يۈرگەنلەر بولدى.
تۇنجى دىدار، ئىللىق مېھىرنىڭ،
ھوزورىنى سۈرگەنلەر بولدى.
تۇپرىقىنى ئەزىز گۇمىنىڭ،
ئىھ... توتىيا بىلگەنلەر بولدى.

ھاسىلاتىم شاۋقۇنلۇق ئېقىن،
داستان پۈتەر ھايات بېتىمگە.
ئاق كۆڭۈللەر شۇنچىلىك يېقىن،
جاۋاپ تاپتىم سالام خېتىمگە.

چىمەنزارلار تۇتتى قولۇمنى،
دىلخانەمگە ھىدىنى چېچىپ.
نۇرغا پۈركەپ ماڭار يولۇمنى،
قۇياشلىرىم قالدى خوش ئېيتىپ.
خۇشخۇيغىنا بىر كىشى دېدى:
كۆرۈپ تۇرۇڭ پات-پاتلا كېلىپ...

ھەر كۆڭۈلگە گۈللەرنى تەردىم،
ئوتلۇق مېھىر دەرياسى كىچىپ،
چىن مۇھەببەت شەربىتى ئىچىپ،
بۇلۇت سۆيگەن تاغلاردىن ئېشىپ،
گۈزەل دىيار گۇمىدىن كەلدىم...

huxhuy

بىر ھەپتىدىن بېرى نېمىشقا ئىلھام كەلمەيدىكىن دېسەم،گۇمىدىكى شېئىرى ئىلھاملارنى تەبەسسۇمخان ئوۋلاپ كېتىپتىكەن-دە! «گۇما خاتىرىسى»ئېسىل چىقىپتۇ.قارىغاندا بۇ تەرەپلەرگە پات-پات ئۆتۈپ تۇرسىڭىز بولغىدەك خانقىز...

HOJAKABIZ

گۇما خاتىرىسى ياخشى چىقىپتۇ،كىشىدە ئازراق مۇھىت ئالماشسا تەپەككۇرمۇ يېڭىلىنىدۇ.بۇ دىيارغا ئاتاپ شائىرەدىن بۇنىڭدىنمۇ ئېسىل كۈيلەرنىڭ چىقىشى تەبىئى.

سىز گۇمىغا چىققاندا،
ئالدىڭىزغا كىم چىققان.
ئەسسالام دەپ ھۆرمەتتە،
قولىڭزنى كىم سىققان؟

بۇ قوشاق ئارقىلىق سىزگە مىننەت قىلىۋاتقىنىم يوق،يەنە بىر چاخچاق بولسۇن دېدىم.

arkan

siz gumiha qikkanda
ajapmu koruxmaptuk
elham atlik bulakning
payzini suruxmaptuk
sayli kilip gumida
yanmu-yan yuruxmaptuk
kaysi yutning guli siz
enqika bilixmaptuk

yana kaqan kilarsiz
ana diyar gumiha
qiqiwatmang elhamni
karakaxning zawiha

    2016724

شەھلا

يەنە كىملەر بىلەن كۆرۈشتىڭىز؟ نىمە ئىشلارنى قىلدىڭىز؟

پەقەت تەپسىلى دىمەپسىززا.