سىتارباكىسنىڭ قەھۋە مەدەنىيىتى...

داڭلىقلارنىڭ كوچا رەسىملىرىدە داۋاملىق مۇنداق كۆرۈنۈشنى ئۇچراتقىلى بولىدۇ... ھەرخىل ياسانغاندىن سىرت قولىدا يەنە بىر قۇتا ۋەياكى بىر بوتۇلكا ئىچىملىك... 

ھەممەيلەن ياقتۇرىدىغان بۇ زادى نېمە ئىچىملىك؟  .......   سىتار باكىس Starbucks قەھۋەلىرى ۋە ئىچىملىكلىرى!! قىزىقامسىز؟ داۋامىنى كۆرۈڭ ئەمىسىە...

قەھۋە ئىچىشنى ياقتۇرىدىغانلار  starbucks بىلەن چوقۇم خېلى تونۇشلۇق دەپ ئويلايمەن..مەيلى سىز بار جايدا ئۇنىڭ دۇكىنى بولسۇن بولمىسۇن، ئەگەر قەھۋە ھەۋەسكارى بولسىڭىز بۇ ماركىنى ھەرگىز ئۇنتۇپ قالماڭ...

 تۆۋەندە starbucksبىلەن يەنىمۇ ئىلگىرلىگەن ھالدا تونۇشۇڭ... 

سىتارباكس دېگەن بۇ نام ئەڭ دەسلەپتە 19-ئەسىردىكى ئامېرىكىلىق داڭلىق يازغۇچى Herman Melvilleخېرمەن مېلۋېل نىڭ  "موبى دىك Moby Dick"ناملىق رومانىدىكى باش پېرسوناژ ئىسمدىن كەلگەن.

 starbucks قەھۋەچىلىكى 1971-يىلى ئامېرىكا سېئاتىل شەھەرىدە تۇنجى دۇكىنىنى ئاچقان..ئەڭ  دەسلەپتە قەھۋە ئۇرىغى ۋە خۇشپۇراق ماتىرىياللارنى سېتىشتىن باشلىغان.

1987-يىلىغا كەلگەندە بازار ۋە پارچە سېتىشقا مەسئۇل بولغان Howard Schultz تۆت مىليون دوللار مەبلەغ  بىلەن سىتارباكسنى قايتىدىن ئۆزگەرتىپ،ئىتالىيەچە قەھۋەخانىلار شەكلىگە ئېلىپ كىرگەن.  ھازىرقى سىتارباكىس دۇكانلىرىنىڭ ئەڭ دەسلەپكى نۇسخىسى....

1992-يىلى سىتارباكس تۇنجى بولۇپ نيويورك ناسداك پاي-چەڭ بازىرىغا كىرگەن مەخسۇس قەھۋە ئىشلەپچىقىرىشنى ئاساس قىلغان شىركەت...  ھازىر دۇنيا مىقياسىدا 37 دۆلەتتە 13000غا يېقىن تارماق دۇكان ئېچىلىپ بولدى..145000غا يېقىن خىزمەتچسى بولغان زور قوشۇنغا ئايلاندى..  نۇرغۇن قېتىم بايلىق ژۇرنىلىFortune تەرىپىدىن ئەڭ ھۆرمەتكە سازاۋەر كارخانا دېگەن ئاتاققا ئىگە بولۇپ كەلمەكتە..

دۇنيادىكى ئەڭ ياخشى 30 خىلدىن ئارتۇق قەھۋە ئۇرۇقلىرى،قولدا ياسالغان Espresso قەھۋەسى..(قايسىڭلار ئامراق espressoغا..) ھەرخىل سوغۇق،ئىسسق قەھۋە ئىچىملىكلىرى،ھەرخىل تۈردىكى تورت ۋە تاتلىق تۈرۈملىرى شۇنداقلا  قەھۋە ماشىنىلىرى ،قەھۋە ئىستاكانلىرى ...بۇلار ھەممسىى سىتارباكسىنىڭ ئەڭ ئالاھىدە ۋە ئالقىشقا ئېرىشىپ كېلىۋاتقان مەھسۇلاتلىرى...

  قەھۋە ۋە ئىچىملىكلىرى ئومۇمەن بىر قانچە تۈرلەردە: HOT ESPRESSO  ئىسسىق قەھۋەلەر ،مەسىلەن: 

 ،Caffe latte,Cafe Americano,Cappucinoقاتارلىقلار..  (لاتۆ نى ياقتۇرىمەن...)

يەنە بىر تۈرى:COLD ESPRSSO مۇزلۇق قەھۋەلەر.. مەسىلەن:Iced caffe mochaدېگەندەك...

ئەڭ ئالقىشقا ئېرىشىدىغان تۈرى Frappuccino(بۇنىڭ ئىچىدىمۇ بىرمۇنچە تۈرى بار)... بۇنىڭدىن سىرت يەنە چاي تۈرلىرى،ئىسسىق شاكىلات ئىچىملىكرى دېگەندەك نۇرغۇن نەرسىلىرى بار بۇلارنىڭ...

سىتارباكىسنىڭ logo سىدا ئەكىس ئەتكىنى 16-ئەسىردىكى Skandinavien سىكەندىناۋىيەننىڭ قوش قۇيرۇقلۇق بېلىقىزنىڭ سۈرىتى...     سىتارباكىس قەھۋە قۇتىسنىڭ سىرتىغا بېسىلىدىغان ھەرخىل كىچىك پارچىلار بار تېخى..

.......  سىتارباكىس توغرىلىق مۇشۇنچىلىك يازاي.. قەھۋەنى ياقتۇرامسىلەر؟ مەيلى سىتار باكس بولامدۇ ياكى باشقا قايسى ماركىدىكى قايسى تۈردىكى ...    مەن ياقتۇرىمەن قەھۋەنى.. nestalنىڭ خالتىلىق قەھۋەسىنى ئىچىشنى ياقتۇرىدىكەنمەن،ئاددي ھەم قولايلىققۇ تەمىمۇ ياخشى.. سىلەرچۇ؟؟ قەھۋە توغرىلىق گەپ سۆزلەر بارمۇ؟

ئاخىرىدا سىتار باكىسنىڭ ئېلانىدىن 2 پارچە:   (!!!They r so starbucks) رەسىم بەك جىق بولۇپ كەتتى بۇ تېمىدا...

بۇ يازمىنى 2009-1-4 3:20:06 Ms.punk تەستىقلىغان!

رەھمەت. مەن ئاۋۇ روماننى ئىزلەپ چۈشۈرۋلدىم.

 كۈندە ئىچمىسەم تۇرالمايمەن قەھۋەنى

Ye:ئاۋۇ ئىككى بالىنى ئىتتىرىپ مېڭۋاتقان ئاتا-ئانا ئىككىلىسى ئاق تەنلىك، بالىسىغا قارىسام بىرسى قارا تەنلىك تۇرامدۇ نىمە؟

ئاڭلىسام يېقىندا يەنە قوش كېزەككە قورساق كۆپتۇرۇپتىمىش!

مەن كۆيۈمەن ئۇلارغا ھەم بەخىت تېلەيمەن!!

قەھۋەنىڭ گېپىنى چىقسىلا بىر چاغلارنى ئەسلەپ قالىمەنكە...

قىزچاققا رەھمەت!

غەربنىڭ خېلى كۆپ مەدەنىيىتىنى قۇبۇل قىلىپ، ھەم ئۆزلەشتۈرۈپ بېقىپتىمەنيۇ، ئەمما، مۇشۇ قەھۋە ئىچىشكە كۆنەلمىدىم!!( زادى قېنىڭدىن مەتو! دەپ قويىدۇ، بىرسى)

ئەمما.. ما قەھۋەنى كۆرۈپ،،،، شۇ رومان بىلەن كۆرگەچ، ئىچسەم قانداق بولاركىن؟ دەپ ئويلاۋاتىمەن~

مۇشۇ تىمىغا ئىنكاس يېزىش ئۈچۈن دوستۇم تۇرسۇن باينىڭ سۈرىتىنى رۇخسەتسىز يۆتكۈدۈم..(تۇسۇنجون...مەندىن خاپا بولۇپ قالماڭلا جۇما،كىملىكىمنى بىلسەڭلار چۆچۈپ كېتىسىلەر ھەقاچان!...ھى ھى ھى )

ئاپلا...................رۇخسەتسىز ئىشلەتسە مۇشۇنداق بۇلۇرمىش!

بۇ ئادرىستا،چىرىپ starbucks نىڭ ئالدىدىكى تۇسۇنجوننى كۆرۈپ باقساڭلار بولىدۇ...ھى ھى

http://photo1.bababian.com/upload12/20080807/351BFC8C3F40357D89D17C18208F882D_500.jpg

ئەتىلا ئىچىمەن. كۈتۈپخانىنىڭ ئالدىدا ئۆچرەت ساقلىغاچ مەنمۇ برەت پىتنى دوراپ تۇرۇپ باقاي...

بۇرسىلان: رەسىمدىكى jack قۇ؟؟؟

ئىچىملىكلىرىنىڭ تەمىدىنمۇ بەكرەك.. قۇتىلىرى بەك چىرايلىق!!!

مەن قەھۋەگە شېكەر سالمىسا ئىچمىكىم تەس ،ۋاھ ! پۇھ !  نېمىدىگەن ئاچچىق !

بىلمەيمەن نىمىشقىكىن ...مۇشۇ قەھۋەنىڭ تەمىنى بەك ياقتۇرىمەن ، خىزمەتدىشىم نىمانداق كۈيۈكتەك ...دەپ مېنىڭ ئىچىشىمگە بىئارام بوپ كېتىدۇ ...قەھۋەنى قايناتسام ئۆي ئىچىنى پۇرىقى بىر ئالسا تېخىمۇ بەك ياقتۇرىمەن ...ھەي لېكىن ھازىر سالامەتلىكىم سەۋەبلىك قەھۋەئىستىمال قىلىشىم چەكلەندى

بىر ئىتالىيەلىك ئوتتۇرا ھىساپ بىلەن ئادەتتە يىلىغا 600 ئىستاكان قەھۋە ئىچىدىكەن،مەن كۈندە ئاز دىگەندە 3 ئىستاكاننى قىلچە خىجىل بولمايلا ئىستىمال قىلىمەن،بۇ 1000دىن ئېشىپ كەتتى دىگەن سۆز،شۇنىڭدىن كۆرۈۋالغىلى بولىدۇكى ،شەرىقلىق بولغان مەن چېغىمدا بۇنداق ئىچكەندىكىن، 600 ئەلۋەتتە ئەڭ ئاز بولغاندا دىگەننى كۆرسىتىدۇ.قەھۋەلەرنىڭ ئىچىدە سىتارباكىس ئەلۋەتتە داڭلىق،ئۇنىڭدا ھەر خىل  قەھۋەلەر ئەڭ ئىللىق مۇلازىمەت بىلەن تەمىنلەنگەندىن سىرت يەنە قوشۇمچە ھەمراھ يىمەكلىكلەرمۇ بار ،مەسىلەن سەندىۋىج،ھەر خىل كۇكىي،پېچىنە پىرەنىڭ دىگەندەك، ئادەتتە سىمسىز ئىنتىرنېت تورى ئۇلاقلىق بولىدۇ، شۇڭا بىر چۈشتىن كېيىن بىر چوڭ قۇتىلىق كاپۇچىنو،ئىسسىق لاتېي ياكى ئامېرىكاناغا قوشۇپ بىرەر بولكا بىلەن ئېلىپ قويۇپ كومپىيۇتېرنى ئېچىۋېلىپ يۇمشاق كىرىسلودا ئولتۇرۇپ خىيال سۈرگىلى بولىسد،كۆپ ياشلار ھەتتا بۇنى بىر خىل مودا ئىش دەپ ھىساپلاپ زۆرۈرىيىتى بولمىسىمۇ سىتارباكىستا ئاشۇنداق كۈن ئۆتكۈزىدۇ.

يوقۇردا تىلغا ئېلىنغان قەھۋەلەرنى ياخشى كۆرۈش سەۋەبىدىنلا ئەمەس بەلكى ئوخشىمىغان سورۇنغا قاراپ ئىچىش ئارقىلىق پەرىقلەندۇرىمىز. مەسىلەن چۈشلۈك تاماقتىن كېيىن ئېسپىرەسسولا ئىچىلىدۇ،چۈنكى قوساققا بىر مۇنچە نەرسە يېۋېتىپ يەنە يوغان ئىستاكانلىق قەھۋە ئىچكىلى بولمايدۇ،ئېسپىرەسسو ھەم ئاز ھەم كۈچلۈك بولۇپ شۇ ھامان ئادەمنى سەگىتىدۇ، كاپۇچىنونى چۈتىن كېيىنلىك چاي قاتارىدا تاتلىق تۈرۈملەر بىلەن يىگەچ ئىچىدۇ،ئەتىگەندە، ئامېرىكانونى ئەتىگەنلىك قىلىپ ئىچسە مۇۋاپىق، سوغۇق لاتېيلارنى يازدا ئىچىش بىر قەدەر مۇۋاپىق دىگەندەك،ئەلۋەتتە خالىغانچە قانداق ۋاقىتتا نىمە ئىچسىڭىزمۇ بولىۋېرىدۇ،بۇنىڭمۇ بىر تۈزۈمى يوق چوقۇم بوي سۇنىدىغان.

سىتارباكىسنىڭ قانچىلىق كەڭ تارقىلىشچانلىقىنى بېيجىڭدىكى گۇگوڭ خان سارىيى بىلەن شاڭ خەيدىكى چېڭ خۇۋاڭ مىياۋ بۇتخانىلىرىدىنمۇ تاپقىلى بولىدۇ،بولۇپمۇ چېڭ خۇۋاڭمىياۋدىكى سىتارباكىستا ئولتۇرۇپ تالاغا قارىسىڭىز بىر تۈمەندەك ئادەمنىڭ ئۇ يەردىكى داڭلىق كىچىك بولاق مانتىنى(小笼包（ قوللىرىدا تۇتىۋېلىپ جىددى يەۋاتقانلىقىدەك ھەيۋەتلىك كۆرۈنۈشنى كۆرىسىز.سىتارباكىستىكى ئازادە كەيپىيات بىلەن سىرتتىكى تىقما تىقما كۆرۈنۈش بىر خىل چوڭ سېلىشتۇرما لېكىن ئىككىسىدىن قايسىسىنىڭ ئەڭ ھوزۇرلۇق ئىكەنلىكىگە بىر نىمە دىمەك تەس، مەدەنىيەت دىگەن قىزىق نەرسە....بۇنى ۋاي بۇ خەق زادى مۇشۇنداق دەپ يېنىكلىك بىلەن سۆزلىمەيلى، ھېيتكاھقا بىرنى ئېچىپ قويسا كۆپ سانلىقلىرىمىز ئەلۋەتتە يەنە سامسىنى ھوزۇرلۇق ھىس قىلىشى مۈمكىن.

ئاڭلاشلارغا قارىغاندا سىتارباكىس گۇگوڭدىن ھەيدەپ چىقىرىلغانمىش، بۈيۈك جوڭخۇۋا مەدىنىيىتىنىڭ يېنىدا غەرىپنىڭ قىممەت قارىشىغا ۋەكىللىك قىلىدىغان بىر ماركىنىڭ مەۋجۈت بولۇشى بەلكىم بىزنى بىئارام قىلسا كېرەك....

پاڭك قىزغا بەك رەخمەت، سىز مېنىڭ سىتارباكىس قەھۋەيىمغۇ

سىتارباكىسنىڭ ئۆزىنىڭ كىتابنىمۇ ئوقۇپ بېقىڭلار ئەگەر قىززىقساڭلار...

تۇيغۇم...رەسىمدىكى brad pitt بىلەن angelina julie ...قاراتەنلىك بوۋاق ئۇلارنىڭ بېقىۋالغان قىزى...

يۇسران ھەدە..سىتارباكسنىڭ قۇتىلىرى ھەقىقەتەن چىرايلىق ھە.. christmas كە چىقارغان بۇ قۇتىسمۇ چىرايلىقكەن..ھەرخىل قۇتىلىرى بار بۇلارنىڭ..

 ئاستىنقى رەسىمدىكى ھېسسياتنى ياقتۇرىمەن..pc&mac.+قەھۋە(مەيلى سىتارباكسىنىڭ بولسۇن بولمىسۇن)..+ipod.. كۈتۈپخانا ياكى....

تېمىنى قوللىغانلىقڭلارغا رەھمەت!يىۋەن ھەدە..مېنى ئىچىۋەتمەڭ جۇمۇ..

خېلى چىرايلىقكەنتۇق بولمىسا..مېنىڭ ئەڭ ئامراق ئىستاكىنىم چېقىلىپ كەتسە چىدىمايمەن جۇمۇ چوقۇم..يېشى مەن بىلەن تەڭ بۇ ئىستاكىنىمنىڭ...

 بالا قازا كېتىدۇ دەيدىغۇ بىر نەرسە تاسادديبىي چېقىلىپ كەتسە..

ئۇنداق ئەمەس،باھاسى ناھايىتى مۇۋاپىق، باشقا قەھۋەخانىلارنىڭ باھالىرى بىلەن ئانچە پەرىقلەنمەيدۇ.

ئۈرۈمچىگە قاچان بارىدىغاننىڭ گېپى بارمۇ بۇ قەھۋەنىڭ؟

ئۈرۈمچىگە ھازىرچە كەلمەسمىكىن دەيمەن سىتارباكسىنى...   يېقىندا بىر كىچىك coffee ئىچىشكە ياخشى جاينى تېپىۋالدىم..ماڭغا بەك ياقتى..ئىچىگە كىرسىمۇ خېلى راھەتكەن..ئۇ جاينى بىلىدىغان ئادەممۇ ئاز كەن...   eight in دەپ بىريەر..ئەرزان تېخى..

latteنى بەك ياخشى قىلىدىكەن..

Ms.Punk is so GulluG

Ps: Köpchülük, normuluq qehwe jinsi turmushqa paydiliq 

ھە! كەلسىلە مىھمان،كەلسىلە،تۆرگە مەرھەمەت!

ھوي بۇ مىھمانغا ھېلىقى ئالى قەھۋەدىن بىر ئستاكان ،بىر دانە گىردە،يۇلغۇن كاۋاپتىن بەشنى، چاققان بول جۇمۇ،ئەزىز مىھمان بۇ!

(سىتار باكىسنى ئاڭلىغىلى ئىككى كۈن بولدى تېخى)

yummy..........

بايام تېخى نەنجىڭ يولىدا ستارباكسقا كىرىپ بىر-بىرىمىزگە مېھىر بىلەن بېقىشىپ، قەھۋە ئىچىپ چىققانتۇق، ھى ھى. ئىككىمىزنىڭ بەك جىق ھېكايىلىرىمىز بار ئۇ يەردە. بۇرۇن ئۆيىمىزدە تور يوق، كۈندە ستارباكسقا كىرىپ تورغا چىقاتتۇق. مەن بىر ئىستاكانلا ئىچىپ تورغا چىقىۋېرىڭ دېسەم، مېنىڭ ئۇ تارتىنچاق بىچارەم قەھۋە ئىچمەي ئولتۇرۇۋېلىشتىن نومۇس قىلىپ تۆـ-بەش ئىستاكاننى ئىچىۋالاتتى، ھا ھا. جوڭگودىكىدەك قىممەت ئەمەستە! ھېلىمۇ بىر ئوتتۇرا ئىستاكان موككا 28يۇەن بولسا، سىرتلاردىكىدىنمۇ قىممەت دېگەن گەپ. شۇنداقتىمۇ ستارباكسنىڭ موككاسىنى بەك ياقتۇرىمەن. Ice blended mocha بولسا يازلىقى بەك تېتىيدۇ. يەنە، ھازىر يېڭى چىققان ئاپېلىسېن تەملىكىمۇ پەيزىكەن. كۇكېيلارغا گەپ كەتمەيدۇغۇ!

يەنە بىر قىزىق گەپ يادىمغا كەلدى. بايا ئەپەندىم ئاشخانىسىدىن گۆشنان ئېلىۋالغانتۇق، قەھۋە بىلەن شۇنى يەپ ئۆزەمچە قىزىق تۇيۇلۇپ كېتىپتۇ. غەربچە بىلەن مىللىيچىنى شۇنداق ئوبدان بىرلەشتۈرگىلى بولىدىكەن دېسە.

تۈركلەرمۇ قەھۋەنى جېنىدىن ئەزىز كۆرۈپ كېتىدۇ. قەھۋە ئىچمەي كۈنى ئۆتمەيدۇدە. ئەرەبلەرچۇ تېخى! مەدەنىيەت چىگىرىسىدىن ھالقىپ كەتكەن بىردىنبىر نەرسە قەھۋە بولسا كېرەك.....