جۇڭگودا كۆزگە كۆرۈنگەن ياش فىلامنكو گىتتار ماھىرى-قەھرىمان قىيۇم

1 تېما	0 دوست	235 جۇغلانما

تىكەن

Rank: 2

ئۇچۇر

لىفىت

1^#

يوللىغان ۋاقتى 2015-2-14 15:09:51 |ئايرىم كۆرۈش |تەتۈر تىزىش

بۇ يازمىنى ئاخىرىدا nasin تەھرىرلىگەن. ۋاقتى 2015-2-14 21:23

جۇڭگودىكى ياش فىلامىنكو گىتتار ئۇستىسى دەپ نام ئالغان- مۇزىكانىت قەھرىمان قىيۇمنى كۆپ ساندىكى كىشىلەر بىلسىمۇ بىراق ئۇنىڭ سەنئەت ھاياتى توغرىسىدا ئۇيغۇرچە تورلاردا تۈزۈك ئۇچۇر يوق ئىكەن.شۇڭا بۈگۈن گۈللۈگتە بۇ سەنئەتكارىمىزنى تونۇشتۇرۇشنى لايىق تاپتىم.بۇنىڭدىكى ماتىرياللارنى ئاساسەن توردىن ئىزدەپ تەييارلىغان بولغاچقا نۇرغۇن يىتەرسىز تەرەپلىرى بولۇشى چوقۇم.گۈللەرنىڭ تولۇقلاپ قويشىنى ئۈمىت قىلىمەن.
قەھرىمان كىچىگىدىن گىتتارغا ئىشتىياق باغلاپ ئۆزلىكىدىن ئۈگەنگەن،شىنجاڭ سەنئەت ئىنىستوتىنىڭ مىللىچە چالغۇ كەسپىنى پۈتتۈرگەندىن كىيىن،1993-يىلى شىنجاڭدا «قورچاق» نامىدىكى تۇنجى روك مۇزىكا ئانسامبىلىنى قۇرغان.

1998 -يىلى بىيجىڭغا كىلىپ جۇڭگودىكى داڭلىق فىلامىنكو ئانسامبىلى «ئەپەندى» ئانسامبىلىنى قۇرۇشقا قاتناشقان ۋەئانسامبىلنىڭ گىتارچىسى بولغان.بۇ مەزگىلدە ئانسامبىل «چىن نۇرى»،«كىرورەن قىزى» نامىدا ئىككى پىلاستىنكا ئىشلىگەن ۋە جۇڭگو ۋە چەتئەللەردىكى كەسىپداشلار ۋە جەمئىيەتتە چوڭ تەسىر قوزغىغان. ئانسامبىلنىڭ ئاساسلىق گىتارچىسى ھىساپلانغان قەھرىمان ئىسپانىيەنىڭ فىلامىنكو ئۇسلۇبى بىلەن ئۇيغۇر خەلق كۈيلىرىنىڭ ئىلمىنىتلىرىنى بىرلەشتۈرۈپ ئۆزىگە خاس ئۇسلۇپ يارىتىپ،جۇڭگودىكى مۇنەۋەر گىتتارچىلار قاتارىدىن ئورۇن ئالغان. 2002-يىلى ئۆزىگە خاس سەنئەت يولى ئىزدەش ئۈچۈن ئەپەندى ئانسامبىلىدىن ئايرىلىپ، ئۆزىنىڭ تۇنجى پىلاستىنكىسى«يۈرەك ساداسى» نى ئىشلىگەن.2004 -يىلى قەھرىمان ئانسامبىلىنى قۇرغان.ھەمدە شۇ يىلى جۇڭگودىكى ئەڭ نوپۇزلۇق مۇزىكا تور بىتى « جۇڭگو گىتتار » تورى بىلەن ھەمكارلىق ئورناتقان. قەھرىمان گىتتار ئورۇنلاش ماھارىتى جەھەتتە فىلامىنكو ئۇسلۇبى بىلەن ئۇيغۇر خەلق كۈيلىرىنى مۇكەممەل بىرلەشتۈرگەن بولۇپ،ئۇنىڭ گىتتار ئورۇنلاش ماھارىتى جۇڭگودا ئالدىنقى قاتاردا تۇرىدۇ.قەھرىمان ئۆزىنىڭ سەنئەت ھاياتىدا نۇرغۇن ئۇتۇقلارغا ئىرىشكەن.

ئىلگىرى كىيىن بولۇپ مەركىزى تېلۋىزىيە ئىستانسىنىڭ 2001-يىللق چاغانلىق سەنئەت كىچىلىكى،«فىرانسىيە مۇزىكا بايرىمى»،2002-يىللىق ئىسپانىيە بارسىلونا مۇزىكا بايرىمى،«2005-يىللىق ۋېنگىريە خەلقئارا كىنو مۇزىكا بايرىمى» قاتارلىق دۆلەت ئىچى سىرتىدىكى چوڭ تىپتىكى پائالىيەتلەرگە قاتناشقان.فىرانسىيەلىك لاتىن ناخشا-شاھزادىسى رېچ مارتىننىڭ شاڭخەيدىكى ناخشا كىچىلىكىگە ئالاھىدە تەكلىپلىك مۇزىكانىت سۈپىتىدە قاتناشقان.داڭلىق ناخشىچى خەن خوڭنىڭ 2008-يىللىق ناخشا كىچىلىكىىنىڭ گىتتارچىلىق ۋەزىپىسىنى ئۈستىگە ئالغان.
2005-يىلى ئۆزىنىڭ ئىككىنچى پىلاستىنكى «ھايات يولى» نى ئىشلىگەن.2007-يىلى بىيجىڭ شىڭگواڭ نەقمەيدان سەھنىسىدە ئۆزىنىڭ تۇنجى گىتتار مۇزىكا كىچىلىكىنى ئۆتكۈزگەن. 2009-يىلى شىياڭگاڭلىق داڭلىق رىژىسور شۈيكى ئىشلىگەن «چوڭقۇر دىڭىزدىن ئادەم ئىزدەش» ناملىق فىلىمنىڭ ئاساسلىق ناخشىسى«تۈمەن يىلنىڭ مۇقەددىمىسى» ۋە باشقا قىستۇرما مۇزىكىلىرىنى ئىشلىگەن.بۇ كىنونىڭ ئاساسلىق ناخشىسى 28-قىتىملىق شىياڭگاڭ كىنو ساھەسىدىكى ئالى مۇكاپات ئالتۇن ھەيكەل مۇكاپاتىنى باھالاشتا مۇنەۋەر كىنو ناخشىسى نامزاتلىقىغا كۆرسىتىلگەن.2010-يىلى تەكلىپكە ئاساسەن «ئىزىقىش» ناملىق كىنونىڭ يەر شارى بويچە تۇنجى قويۇش مۇراسىمىدا كىنو ئۈچۈن «بەختنىڭ كۈتۈشى» ناملىق ناخشىنى ئىشلىگەن.
2013-يىل بىشىدا قەھرىمان ئامرىكا دۆلەت ئىشلىرى مەھىكمسىنىڭ «خەلىقئارالىق لېدىرلار زىيارەت تۈرى» تەشكىلى گۇرۇپىسىنىڭ تەكلىپىگە ئاساسەن ،خەلقئارالىق ئەلچى سۈپىتىدە ئامرىكىغا بىرىپ زىيارەت ۋە ئالاقىدار خىزمەتلەردە بولغان.ئامرىكىدىكى زىيارەت مەزگىلىدە ئۇ ئامرىكا دۆلەت ئىشلىرى مەھىكىمىسىنىڭ ئەمەلدارلىرىنىڭ قوبۇل قىلشىغا مۇيەسسەر بولغان ۋە سىستىمىلىق ھالدا ئامرىكىدىكى داڭلىق مەدەنيەت سەنئەت ئاپپىراتلىرىنى زىيارەت قىلغان.ئامرىكىدىن قايتىپ كەلگەندىن كىيىن 6-ئاينىڭ 15-كۈنى بىيجىڭدىكى «مىي لەنفاڭ» چوڭ تىياتىرخانسىدا كىروران رېۋايىتى.2013-يىللىق قەھرىمان بىيجىڭ ناخشا كىچىلىكىنى ئۆتكۈزگەن.

سەۋىيەم چەكلىك بولغاچقا رەسىم قىستۇرالمىدىم.گۈللەر تولۇقلاپ قويغاي.

ھەمبەھر0 ساقلاش0

ئىنكاس

		ساقلاش	پارول قايتۇرىۋېلىش
ئىم(پارول)			تىزىملىتىش