يېقىندىن بۇيان تور بەتلەردە ئۇيغۇرچە خەت ئەۋەتىش توغرىلىق بىر قانچە تېمىنى كۆرۈپ قالدىم، بۇنىڭ بەزىلىرىدە شۇ كومپيۇتېردا ئۇيغۇرچە سىستېما بولۇشى، بەزىلىرىدە ھەر ئىككىلا تەرەپتە ئۇيغۇرچە سىستېما بولۇشى ۋە ياكىＱＱدا ئۇيغۇرچە خەت يېزىش دېتالى بولۇشى تەلەپ قىلىنىدىكەن. مەنمۇ بۇ توغرىدا ئانچە - مۇنچە مەلۇماتقا ئىگە. شۇڭا تۆۋەندە مەن ＱＱدا ئۇيغۇرچە خەت ئەۋەتىشنىڭ يېڭى بىر خىل ئۇسۇلىنى دوستلارنىڭ سىناپ بېقىشىغا تەۋسىيە قىلاي، بۇ تورغا ئۇلانغان، ＱＱ دا پاراڭلاشقىلى بولىدىغانلىكى كومپيۇتېردا بولىدىغان ئۇسۇل: ئالدى بىلەن سىز ＱＱ نى ئېچىپ قويۇپ،ئۆزىڭىز تىزىملاتقان بىرەر ئۇيغۇرچە مۇنبەرنىڭ تېما يوللاش كۆزنىكى ياكى ئىنكاس يېزىش كۆزنىكىنى ئاچىسىز، ئاندىن قارشى تەرەپكە دېمەكچى بولغان سۆزلىرىڭىزنى يېزىپ(ئۇزۇن بولۇپ كەتسىمۇ ھېچقىسى يوق)، كومپيۇتېرنىڭ كونۇپكا تاختىسى ئۈستىدىكى Ctrl ،Alt ۋە  Aقاتارلىق ئۈچ كونۇپكىنى بىرلا ۋاقىتتا باسسىڭىز، نۇر بەلگە ردڭلىك ئىسترېلكىغا ئايلىنىدۇ. بۇ چاغدا مائۇسنىڭ سول كونۇپكىسىنى بېسىپ تۇرۇپ، يازغان خېتىڭىزنى رامكا ئىچىگە ئالىسىز، ئاندىن يەنە مائۇسنىڭ سول كونۇپكىسىنى قوش چېكىۋېتىپ، نۇر بەلگىنى QQنىڭ خەت يېزىش كۆزنىكىگە ئەكىرىپ،مائۇسنىڭ ئوڭ كونۇپكىسىنى بىر چىكىپ،چىققان تىزىملىكتىن  粘贴نى بېسىپ 发送نى باسسىڭىزلا، يازغان خېتىڭىز رەسىم شەكلىدە قارشى تەرەپكە يوللىنىدۇ. بۇنداق بولغاندا قارشى تەرەپتە ئۇيغۇرچە سىستېما بولمىسىمۇ بولىۋېرىدۇ.  بۇ خىل ئۇسۇلنىڭ بىر كەمچىللىكى شۇكى، ئەگەر تور سۈرئىتى ياخشى بولمىسا ئەۋەتكەن خەت ئېچىلمايدۇ.

  ئەگەر قارشى تەرەپكە بىرەر سۈرەتنى ئەۋەتمەكچى بولسىڭىز ئۆزىڭىز يازغان خەتنىڭ ئورنىغا شۇ رەسىمنى تاللاپ ئەۋەتسىڭىزمۇ بولىدۇ.

  ئەگەر يازغان خېتىڭىزنى ساقلاپ قويغۇڭىز بولسا، ＱＱنىڭ خەت يېزىش كۆزنىكىگە ئەكىرىپ بولغان خەتنى ئەۋەتمەي تۇرۇپ، مائۇسنىڭ ئوڭ كونۇپكىسىنى باسسىڭىز، بىر تىزىملىك چىقىدۇ، شۇ تىزىملىكتىن另存为نى بېسىپ، ساقلاش ئورنىنى بەلگىلەپ، 保存نى باسسىڭىزلا ساقلىماقچى بولغان خېتىڭىز سۈرەت شەكلىدە كومپيۇتېرىڭىزدا ساقلىنىدۇ. بۇخىل ئۇسۇل قارىماققا بەك مۇرەككەپتەك تۇرغان بىلەن، ئەمەلىيەتتە ناھايىتى ئاددىي، بىر - ئىككى قېتىم سىناپ باقسىڭىزلا ئۆگىنىپ كېتەلەيسىز.

    سىز دىققەت قىلىدىغان بىر مۇھىم نۇقتا شۇكى،ＱＱ دا پاراڭلاشقاندا كونۇپكا ئارقىلىق خەت ئەۋەتىپ كۆنۈپ كەتكەن بولسىڭىز، ئۇيغۇرچە خەتنى بېسىپ بولۇپ، ھېلىقى ئۈچ كونۇپكىنى باسماي تۇرۇپ  Ctrlبىلەن Enterنى  بېسىۋېتىشتىن ساقلىنىڭ، بۇنداق بولغاندا، سىز يازماقچى بولغان خەتلەر بىۋاستە ھالدا مۇنازىرە مۇنبەرلىرىنىڭ ئىنكاسى سۈپىتىدە يوللىنىپ كېتىپ قالىدۇ - دە، مۇنازىرە مۇنبىرىدىكىلەر بىلەن ئاراڭلاردا كۆڭۈل ئاغرىقى پەيدا بولۇپ قالىدۇ. شۇڭا ئېھتىيات بىلەن ئىش كۆرۈشۈڭلارنى ئۈمىد قىلىمەن