يېڭى مۇنبەرگە خېلى كۆنۈپ قالغانسىز ھە سىراجىل بۇرادەر... ھىھىھىھىىىىى

كۆنۈپ قالمامدىغان...ئەتتىگەندە كاللام قىززىپ قالغاندەكلا تېما يوللاپ كېتىپتىمەن....

بولسا بۇ تېمىنى پەرزەنلەرگە پەندى-نەسىھەتلەر مەزمونىدا ھەممەيلەن بىرلىكتە داۋاملاشتۇرۇپ باقساق.بۇ كۆڭۈلدىكى سۆزلەر سەھىپىسى بولغاندىكىن.


[ بۇ يازما sirajil تەرپىدىن 2007-10-19 13:31 دە قايت ]

بۇ گەپلەرنى تەرىتىڭ بىلەن قىلغانسەنمۇ؟!

يۈرەكتىن چقىرىپ يازدىم بۇنى.....

راس ھەقىقەتەنمۇ يۈرەكتىن چىقىپتۇ . مىنىڭچە بۇ ھەممىمىزنىڭ يۈركىدىكى سۆز .

گەپلىرىڭىزنى ئىسىمدە چىڭ تۇتىمەن.

ماڭا ئىش يوقما باللار

بىزنىڭ مەكتەپ بىر تازلىق ئىشچىسى ئالماقچىدى..

ئوغلۇم،بۈگۈن مەكتەپكە ماڭىمەن دەپلا ئەتتىگەندە ئۆيدىن چىقىپ كەتتىڭ.ئاپاڭ ئىككىمىز كەينىڭدىن چەكسىز ئۈمىدلەر بىلەن ساڭا ئاق يوق تىلەپ ئۆيدە قالدۇق...
مانا چۈشمۇ بولاي دېدى.ئاپاڭ ئىشتىن سەل كېچىكىپ كەلگەن بولۇپ ئالدىراپ تاماققا تۇتۇش قىلدى.
-بۈگۈن سەل مىجەزىم يوق تۇرىدۇ.سۇيۇقئاش ئېتىپ ئىچسەكمىكىن خوتۇن.ئوخشىتىپ بىر سۇيۇقئاش قىلە.
-بالىغا نېمە قىلىپ بېرەرمىز؟ئۇ مەكتەپتىن ھېرىپ-ئېچىپ كەلسە سۇيۇقئاش ئەتكىنىمىزنى كۆرۈپ ئەرۋاھى ئۇچار.ئۇ سۇيۇقئاش ئىچمىسە يا.
-ئۇنىڭغا ئايرىم بىرەر پىيالە گۈرۈچ دۈملەپ سەي قورۇپ قويارمىز.ئۇ شۇنىڭغا ئامراق بولغاندىكىن.
-شۇنداق قىلاي ئەمىسە.ئۈلگۈرۈپ بولالماسمەنمىكىن.ماڭا ياردەملىشىپ بەرسىڭىز بولۇپتىكەن.بالا كەلگۈچە تامىقى تەييار بولسۇن.
ئاپاڭ ئىككىمىز قولمۇ-قول تۇتۇش قىلىپ تاماقنى تەييار قىلىپ بولدۇق.تېلىفون جىرىڭلىدى.
-ئەسسالامۇ ئەلەيكۇم،-ئاپاڭ تېلىفوننى ئالدى.
-ئاپا بۇ مەن.چۈشتە بالىلار بىلەن قىلىدىغان ئازىراق ئىشىمىز بار ئىدى.چۈشتە ئۆيگە تاماققا بارالمايمەن.تاماققا ساقلىماڭلار.
-ۋاي بالام سېنى دەپ ئاتايىن ئايرىم تاماق قىلىپ قويغانتىم.
-كەچتە بارغاندا يەرمەن.ماقۇل ئاپا ئەمىسە خوش.تېلىفونۇمدا پۇل ئاز قالدى.
ئاپاڭنىڭ خوش دېگەن سۆزىنىمۇ كۈتمەستىن تېلىفوننى قويىۋەتتىڭ.شۇ مىنۇتتا ئاپاڭنىڭ قانداق ھېسسىياتتا بولغىنىنى چۈشىنەرسەنمۇ ئوغلۇم؟...

قىزىم ، سېنى تولىمۇ سېغىندىم . ئاپاڭ سەندىن نەچچە يۈز كلىلومېتىر يىراقلىقتا  سەن بىلەن خىيالىدا مۇڭداشماقتا ......  ئۆيگە ھەر بىر قايتسام سېنىڭ تاتلىق ئەركىلەشلىرىڭگە بىپەرۋا قارايمەن . ساڭا دائىم قاتتىق قول بولىمەن . ئۇنى قىل ، بۇنى قىل دەپ كۆزۈڭگە كىرىۋالمايمەن . ئۆز ئىشىڭنىڭ ھۆددىسىدىن ئۆزۈڭنىڭ چىقىشىنى تەلەپ قىلىمەن . سەن رەنجىيسەن بەزىدە يىغلايسەن . يىغلىغان كۈنلىرىڭدە مېنىڭمۇ يۈرۈكۈم يىغلايدۇ. ئۇخلاپ قالساڭ قاپقارا ئۇزۇن كىرپىكلىرىڭ ئاستىدىكى يۇمۇلغان كۆزلىرىڭگە ، نىپىز قىپ- قىزىل لەۋلىرىڭگە سۆيىمەن، چاچلىرىڭنى سىلايمەن  .  ئاپاڭ --- ئۆمرىدە چوڭ ئىشلارنى ۋۇجۇتقا كەلتۈرەلمىسىمۇ پەقەت بىرلا نەرسىدىن پەخىرلىنىدۇ . ئۇ بولسىمۇ سېنىڭ << ئاپا >> دەپ چاقىرىشىڭدىن قىزىم . بىلەمسەن قىزىم ؟ مەن سېنىڭ ئاپاڭ ... سەن مېنىڭ قىزىم ! شۇڭلاشقا مەن پۈتۈن ئانىلىق مېھرىم بىلەن سەن ئۈچۈن تىرىشىپ ياشىغۇچى .  سەن مېنىڭ بارلىقىم قىزىم ! ساڭا قاتتىق قول بولۇشۇم ھەرگىزمۇ ساڭا كۆيۈنمەسلىكىمدىن ئەمەس ، ئەكسىچە كەلگۈسىدە مۇستەقىل ئىش قىلالايدىغان ، ئۆز ئىشىڭنىڭ ھۆدىدىسىن ئۆزۈڭ چىقالايدىغان قىلىش . سېنىڭ ئەدەبلىك بولۇشۇڭ ئۈچۈن ~ ئەخلاقلىق بولۇپ ئۆسۈپ يېتىلىشىڭ ئۈچۈن ، بىلسەڭ قىزىم .... داداڭ ، ئاپاڭ سەن ئۈچۈن ۋىجدانى ۋە غۇرۇرى بىلەن ساڭا يول باشلىغۇچى ! بۇنى كېيىن بىلىپ قالىسەن . داداڭ ، ئاپاڭ سېنىڭ ئالدىدىكى ئەينەك . سەن بۇ ئۈنسىز تۇرغان ئەينەكتە ئەكسىڭنى قانداق كۆرۈشۈڭ ، يەنىلا بىزگە باغلىق. چىدا قىزىم ، بارلىقىمىز سەن ئۈچۈن . ئازغىنە قىيىنچىلىقتىن بىر ئائىلە كىشىلىرىنىڭ جەم بولىشىمىز ، داداڭنىڭ ھەم مېنىڭ خىزمىتىمنىڭ تولاراق سىرتتا بولۇپ قېلىشى سەۋەبلىك ھەرگىزمۇ كۆڭلۈڭنى يېرىم قىلما . جاپا--- سېنى تاۋلايدۇ . ئۈمىدلىك بول !
  سەن چوڭ بولىسەن . تۇرمۇشنىڭ تۈرلۈك سىناقلىرىدا زەپەردەس بولۇپ تۇرالىشىڭ ئۈچۈن -- ئىرادە كېرەك . ئىرادە -- قىيىنچىلىقلار ئىچىدە يېتىلىدۇ قېنىم قىزىم .
سەن داداڭنىڭ قابىلىيىتىنى ، ئاپاڭنىڭ  ئاتەش كەبى ئانىلىق مېھرىنى ~  ئۆزۈڭگە ئۈلگە قىل قىزىم .  ھەر قېتىم ئۆيگە قايتقىنىمدا ، سېنىڭ سىرتقا چىقىپ ئوينىتىشىمنى تەلەپ قىلغىنىڭدا بەزىدە قوشۇلىمەن بەزىدە رەت قىلىمەن . رەت قىلىشىمنىڭ سەۋەبىنى بىلەمسەن ؟
مەن سەن ، داداڭ تۇرغان ئاشۇ ئىللىق بىر ماكاننى ، ئۆيۈمنى سېغىندىم قىزىم ! شۇڭا ئۆيدە ئۇزۇنراق تۇرۇشنى ياقتۇرىمەن . خەير..... قالغان سۆزلىرىمنى كەچتە ئامان - ئېسەن كۆرۈشسەك ، داۋاملىق ئېيتىپ بېرەي .
پەزىلەتلىك بول . سەمىمىي بول ھەرگىزمۇ رەزىل كىشىلەردىن بولما قىزىم .

يۇقۇرقىلارنى يېزىۋېتىپ كۆزلىرىمدىن  تاراملاپ ياشلار چىقىپ كەتتى ... سېنى مەن مانا مۇشۇنداق ئۈنسىز سېغىنىمەن ھەم ئاللادىن ئىنسابىڭنى ھەر ۋاقىت تىلەيمەن قىزىم . ئامان بول ، ئاپاڭ سائەت 2 دىن باشلاپ  بىر دۆۋە قەغەزلەر ئىچىگە بېشىنى تىقىپ ئالدىراش خىزمەتكە چۈشۈپ كېتىدۇ ..... خىزمەتنى قانداق ئىشلىشىممۇ ساڭا باغلىق . سېنىڭ ئەشۇ كۆپ - كۆك كۈزلۈرۈڭ ماڭا ھەر ۋاقىت ئۈمىت بىلەن تىكىلىدۇ . ماڭا مەدەت ۋە ئىلھاملارنى بېرىدۇ .

رەھمەت سىزگە ئايچىۋەر...بولسا باشقىلارنىڭمۇ ئاۋاز قوشۇشۇڭلارنى....پەرزەنتلەرگە يۈرەك سۆزلىرىڭلارنى تۆكۈشۈڭلارنى،ئاتا-ئانىلارغا قىلىدىغان يۈرەك سۆزلىرىڭلار بولسىمۇ قىلىۋېلىشىڭلارنى ئۈمىد قىلىمەن.

ئىشقىلىپ ھازىرقى بالىلارنىڭ كۆڭلىگە ئاللا ئىنساب ئاتا قىلسۇن.

ئاللا ھەممىڭلارنىڭ پەرزەنتىنىڭ كۇڭلىگە ئىنساپ بەرگەي........

شۇنداق بولغاي ئىلاھىم~~~~

ئايچىۋەر ھەدەمنىڭ يۈرەك سۆزلىرىنى ئوقۇۋېتىپ مەنمۇ ئىختىيارسىز يىغلاپ سالدىم ،بىلمىدىم نىمە ئۈچۈن ؟ بەلكىم بۇ گەپلەر يۈرەككە تەگكەن بولىشى مۇمكىن .

رەھمەت سىڭلىم خۇشچىراي . چۈشىنىش-- قەلبنى قەلبكە يېقىنلاشتۇرىدۇ .
خىزمەت مۇناسىۋىتى بىلەن بىر ئانىنىڭ~ بالىسى يېنىدا بولالماسلىقى ..... مېنى ھەر دائىم جۈرئەتلىك بولۇپ ياشاشقا ئۈندەيدۇ.  زېرىككەن ، ئىچىم تىت-تىت بولغان كۈنلىرى تور، دىيارىم ماڭا ھەمرا بولىدۇ. مەن پەقەت بارماقلىرىم  ئارقىلىق خەتلەرنى ئۇرۇش بىلەن سېغىنىشلىرىمنى  ، ئازابىمنى يەڭگىللىتىمەن .....

مېنىمۇ  بىچارە ئانام  ئىنتايىن  قىيىن  مۇھىتتا  ئوقۇتقانئىدى ، لېكىن  ئويلىسام  ئەجرىگە  دىگەندەك  جاۋاب
قايتۇرالماپتىمەن . بۇ يازمىلار كىشىنى ھەقىقىتەنمۇ ئويغا سالىدۇ.

............