1.  خارۋاد ئۇنىۋېرسىتېتىدىن ھەيدەلگەن  چىمپىيون :   1896 - يىلى  تۇنجى  نۆۋەتلىك   ئولىمپىك  تەنھەرىكەت يىغىنىدا   ، ئامېرىكىلىق  كونناللى ئۈچ  تاقلاپ  يىراققا سەكرەش   مۇسابىقىسىدە غەلبە  قىلىپ ، ھازىرقى  زامان  ئولىمپىك تەنھەرىكەت يىغىنى   تارىخىدىكى  تۇنجى  چېمپىيونغا ئايلانغان .  ئەمما  ئۇ  ئۆز بېشىمچىلىق بىلەن مۇسابىقىگە قاتناشقانلىقى ئۈچۈن ئوقۇۋاتقان   خارۋاد ئۇنىۋېرسىتېتىدىن ھەيدەلگەن .  يېرىم ئەسىردىن كېيىن  خارۋارد  ئۇنىۋېرسىتېتى  خاتالىقىنى تونۇپ ،  كونناللىقىغا پەخرىي دوكتورلۇق ئۇنۋانى بەرگەن .
  
[size=5]پەللىدىن چىقىش قىياپىتى سەۋەبلىك مەسخىرىگە قالغان  چېمپىيون:

  1896- يىلى    تۇنجى  نۆۋەتلىك   ئولىمپىك تەنھەرىكەت  يىغىنىدا   ، 100  مېتىرغا  يۈگۈرۈش   مۇسابىقىسىدە مۇقىم   پەللىدىن   چىقىش  قىياپىتى   بېكىتىلمىگەن   بولغاچقا ،   تەنھەرىكەتچىلەر   ئۆرە تۇرۇپ  ،   ئولتۇرۇپ    ، بېلىنى ئېگىپ  دېگەندەك   ھەر خىل   قىياپەتتە   پەللىدىن   چىققان .  نەتىجىدە   زوڭزىيىپ   تۇرۇپ   پەللىدىن  چىققان ئامېرىكىلىق  ماھىر    توماسسون بورك   چېمپىيون بولغان .   كېيىن   كىشىلەر  ئۇنى   زوڭزىيىپ    ئولتۇرۇپ چېمپىيون بولغان   ، دەپ    مەسخىرە  قىلغان .   ئەمما بۇ خىل  زوڭزىيىپ   پەللىدىن چىقىش  كېيىن  ئومۇملاشقان .

3.  مۇسابىقىگە  بېلەت  ئېلىپ  قاتناشقان  چىمپىيون  :

16- نۆۋەتلىك  مېلبۇرن  ئولىمپىك  تەنھەرىكەت   يىغىنىغا  قاتناشقان   ئامېرىكىلىق   16 ياشلىق  ئېگىزگە   سەكرەش   ماھىرى  دۇماسنىڭ تاللاش  مۇسابىقىسىدىكى  نەتىجىسى  ئادەتتىكىدەك بولغاچقا ،   تېرىنېر  ئۇنىڭغا   ئېتىبار  بەرمىگەن .   مۇسابىقە باشلىناي  دېگەندە    دۇماس   ئەترەتتىن   ئايرىلىپ  قېلىپ  مەيدانغا كىرەلمەي   قالغان .   ئۇ ئىلاجسىز   بېلەت  ئېلىپ   مەيدانغا   كىرگەن .   مۇسابىقە   باشلانغاندا   ئۇ تاماشىبىنلار  ئورنىدىن  چۈشۈپ  مۇسابىقىگە  قاتنىشىپ  ،  چېمپىيون  بولغان .



5.  دېسكا  ئېتىپ  باقمىغان  دېسكا  ئېتىش  چىمپىيونى :

1896- يىلىدىكى  تۇنجى  نۆۋەتلىك  ئولىمپىك  تەنھەرىكەت  يىغىنىغا  قاتناشقان  ئامېرىكىلىق  جاررېتنىڭ سەنئەتكە ئالاھىدە ئىشتىياقى بولۇپ  ،«   دېسكا  ئاتقۇچى »   دېگەن ھەيكەلنى تۇتىيا بىلەتتى .   ئۇ  ئافېنا ئولىمپىك تەنھەرىكەت   يىغىنىدا دېسكا  ئېتىش   مۇسابىقىسىگە   قاتناشقان ،   ئەمما  ئەينى
چاغدا   ئامېرىكىدا  بۇ تۈر   بولمىغاچقا   ، جاررېت  مۇسابىقىدىن ئىلگىرى  ھەيكەلگە قاراپ ،   ئۆيدە ئانچە - مۇنچە   مەشىق   قىلىپ   ئافېناغا   بارغان  .  
ئويلىمغان   يەردىن   ئەزەلدىن   ھەقىقىي  دېسكىنى كۆرۈپ باقمىغان  جاررېت چېمپىيون بولغان   .   كېيىن ئۇ يەنە   چويۇن توپ   مۇسابىقىسىدە   چېمپىيون  بولغان  .

6.  تۇنجى يالغان  چېمپىيون :

1904  - يىلى   3- نۆۋەتلىك   سان لۇئس ئولىمپىك تەنھەرىكەت يىغىنىدا   مارافونچە   يۈگۈرۈش   مۇسابىقىسىگە    قاتناشقان   ئامېرىكىلىق   ماھىر   فلوئود  12 كىلومېتىر   يۈگۈرگەندىن   كېيىن پۇتىنىڭ پېيى  تارتىشىپ  قېلىپ ،  مۇسابىقىسىن  ۋاز كەچكەن .  ئۇ ئاپتوموبېل   بىلەن تەنھەرىكەت   مەيدانىغا  قايتقان   ۋە 17  كىلومېتىر ماڭغاندىن   كېيىن  ئاپتوموبىل   بىلدىن چۈشۈپ  داۋاملىق يۈگۈرگەن  .ئۇ مەيدانغا كىرگەندە   تاماشىبىنلار  ئۇنى  چېمپىيون ،   دەپ قاراپ   ئۇنى  ئالقىشلىغان .   زۇڭتۇڭنىڭ  قىزىمۇ  ئۇنىڭغا  ئالتۇن مېدال بەرگەن  كېيىن باشقىلارنىڭ پاش قىلىشى بىلەن    ئۇنىڭ  چېمپىيونلۇق سالاھىيىتى بىكار قىلىنغان .  ئۇ «   ئەينى  چاغدا  مەن كىيىمىمنى ئېلىش  ئۈچۈن  مەيدانغا كىرگەن ،   كىرىشىمگىلا   ئالقىش   سادالىرى ياڭراپ  كەتتى ،   ئۆزەمنى   چۈشەندۈشكە  ئۈلگۈرەلمەي  قالدىم »  دېگەن   . [/size]

مەنبە  : شىنجاڭ ئىقتىساد گېزىتى


[ بۇ يازما islam~1400 تەرپىدىن 2008-03-03 15:28 دە ق ]