1. قورقۇش كەيپىياتىنى تۈگىتىڭ. بالىلاردا تارتىنچاقلىق مېنى توسىيالمايدۇ دېگەن قاراشنى يېتىلدۈرۈپ، ئۇلارغا ئۆزىنىڭ غالىب كېلىدىغانلىقىنى ھېس قىلدۇرۇپ، ئىشەنچ تۇرغۇزۇڭ.
  2. ئىجتىمائىي ئالاقە قىلىشنى ئۈگۈتىڭ. بولۇپمۇ بالىلارنى يېڭى دوست تۇتۇشقا رىغبەتلەندۈرۈپ، ئالاقە دائىرسىنى كېڭەيتىپ، ئۇلاردىكى تارتىنچاقلىقنى بارا-بارا تۈگىتىڭ.
  3. بالىلارنى ئاكتىپ ئاڭلىغۇچىغا ئايلاندۇرۇڭ. بولۇپمۇ باشقىلارنىڭ گېپىنى ئاڭلىغاندا تىكىلىپ تۇرۇپ دىققەت بىلەن ئاڭلايدىغان بولسۇن، بۇ ئۇلارنىڭ دوستلىرىنى كۆپەيتىدۇ.
  4. يۇقۇرى ئاۋازدا پىكىر بايان قىلىشنى ئۈگۈتىڭ. بالىلار سۆزلەشتىن بۇرۇن بارلىق تەشۋىشلىرىنى تۈگۈتىپ كۆڭلىدىكىنى يۇقۇرى ئاۋازدا ئېيتىشى، ئاندىن باشقىلار ئالدىدا سۆزلىشى كېرەك.
  5. باشقىلارغا ياردەم بېرىشنى ئۈگۈتىڭ. بۇ ئارقىلىق تارتىنىشنى ئۇنتۇپ، باشقىلارنىڭ ئۆزىگە ئېھتىياجلىق ئىكەنلىكىنى ھېس قىلغىلى، ئۆز قىممىتىنى تونۇپ، ئىشەنچ تۇرغۇزغىلى بولىدۇ.
  بالىلاردىكى تارتىنچاقلىقنى تۈگۈتىشتە يەنە تۆۋەندىكى ئىككى نۇقتىغىمۇ دىققەت قىلىش كېرەك:
  1) چېنىقتۇرۇش ئۇسۇلىغا ئەھمىيەت بېرىش كېرەك. ئالدى بىلەن بالىنى تونۇشلار كۆپ، ناتونۇش كىشىلەر ئازراق جايدا چېنىقتۇرۇپ، ئاندىن ئاستا-ئاستا ناتونۇش كىشىلەر كۆپ جايدا سۆزلەتكەندە، ئۇلاردىكى تارتىنچاقلىقنى بارا-بارا تۈگەتكىلى بولىدۇ.
  2) بالىلارغا بىشارەت بېرىش كېرەك. ئەگەر بالىلار ناتونۇش سورۇنلاردا جىددىيلىشىپ كەتسە، ئۇنىڭغا بىشارەت بېرىپ، تىنىچلاندۇرۇش ئارقىلىق ئىلھام بېرىش كېرەك.

مەنبە:«شىنجاڭ ياشلىرى»دىن ئېلىندى.
2008-01-31-11:09