شىنجاڭ چەرچەن ناھىيەلىك 6-نۆۋەتلىك قاشتېشى مەدەنىيەت ساياھەت بايرىمى ئۆتكۈزۈلدى
چەرچەن مەدەنىيەت يۇرتىدىن: پولات نىياز
ئېچىلىش مۇراسىمى
چەرچەن ناھىيەسىدە ئۆتكۈزۈلگەن قاشتېشى مەدەنىيەت ساياھەت بايرىمى، چەرچەننىڭ ئۇزاق تارىخى مەدەنىيتىنى تولۇق نامايەن قىلىپ، مول بولغان كان بايلىقى، ئۆزگىچە بولغان ساياھەت بايلىق ئەۋزەللىكى، قويۇق مىللى ئۆرۈپ ئادىتىنى تېخىمۇ ھاياتىي كۈچكە ئىگە قىلىپ، چەرچەنلىكلەر بىلەن ھەر ساھەدىكى دوستلارنىڭ دوستلۇقىنى چوڭقۇرلاشتۇرۇپ، ئورتاق تەرەققىياتتا مۇھىم كۆۋرۈكلۈك رولىنى جارى قىلدۇرۇپ، كۈچنى مۇجەسسەملەپ، ئوبرازنى تىكلەپ ‹‹بەش چوڭ چەرچەن ›› قۇرلۇشىنى ئىلگىرى سۈرىدىغان كاتتا يىغىلىش. بۇ قېتىمقى بايرامدا 8 چوڭ پائالىيەت تۈرى تەستىقلانغان بولۇپ، مەخسۇس قاشتېشى بۇيۇملىرىنى كىم ئارتۇق قىلىپ سېتىش كۆرگەزمىسى، قاشتېشى مەلىكىسىنى تاللاش مۇسابىقىسى، تۈمەن كىشلىك ئالتۇن تۇخۇم زىياپىتى، بىرلا قېتىمدا بىر تۆگە ۋە ئىككى قوتازنى پۈتۈن ھالەتتە تونۇر كاۋىپى قىلىپ پىشۇرۇش، 2 مېتىر ئون ئىككى سانتىمېتىر ئۇزۇنلۇقتىكى غوڭقا ۋە ئاللىچى راۋاپ كۆرگەزمىسى، چىلاننى كىم ئارتۇق قىلىپ سېتىش قاتارلىق تۈرلەر بار.
بۇ قېتىمقى بايرام، چەرچەن ناھىيەسىدىكى كۆلۈمى ئەڭ چوڭ بولغان قاشتېشى بۇيۇملىرىنى كۆزگەزمە قىلىش بولۇپ ھېساپلىنىدۇ. بۇ قېتىمقى كۆرگەزمىگە 56 قاشتېشى سودىگىرى قاتناشقان بولۇپ، كۆرگەزمىگە قاتناشتۇرۇلغان قاشتېشى بۇيۇملىرى ۋە ماتېرىياللارنىڭ تۈرلىرى مىڭ خىلدىن ئارتۇق.
پائالىيەتتە، چەرچەن ناھىيەسىدىكى تۈمەنلىگەن ھەر مىللەت خەلقى پۈتۈن پېتى پىشۇرۇلغان بىر تۆگە ۋە ئىككى قوتاز كاۋىپىغا ئېغىز تەگدى. تۈمەن كىشلىك كاۋاپ يىيىش پائالىيىتى بۇ يىللىق قاشتېشى ساياھەت بايرىمىنىڭ ئەڭ قىززىق ۋە ئەڭ ئالقىشقا ئېرىشكەن تۈرى بولۇپ قالدى. ئۇندىن باشقا يەنە، 18 - قۇرۇلتايغا ۋەكىللىك قىلىنغان 10018 تۇخۇممۇ مۇۋاپىقىيەتلىك پىشۇرۇلۇپ، پائالىيەتكە قاتناشقان كەڭ خەلق ئاممىسىنى ئۆزىگە جەلپ قىلدى. بۇ تۇخۇملار 5 كۇپ مېتىر قۇمغا كۆمۈلۈپ، قوقاستا پىشۇرۇلغان بولۇپ، دۇنيادىكى ئەڭ كۆپ پىشۇرۇلغان تۇخۇم دەپ دۇنيا جىننىس گۇۋاھنامىسى بېرىلدى.
چەرچەن قاشتېشى مەدەنىيەت ساياھەت بايرىمىغا يەنە، باھارگۈل ئىمىن، ئەركىن ئابدۇللا، مىڭ يىمىن قاتارلىق داڭلىق چولپانلارمۇ تەكلىپ بىلەن قاتناشتى ۋە كۆپچىلىككە ئەڭ ئېسىل نومۇرلارنى ئورۇنلاپ بەردى.
[upload=9]
ئاپتورنىڭ ئىجازىتى بويىچە يوللاندى . تەڭرىتاغ تورىغىا يوللانغان .
