ئەسسەلامۇ ئەلەيكوم تورداشلار ،دىققىتىڭلار تۆۋەندىكى قىسقاخەۋەرلىرمىزدە بولسۇن.........
ئىران بىلەن چاۋشيەن غەربكە بىرلىكتە تاقابىل تۇرىدىغان بولدى

يەر شارى تورى مۇخبىرى گو ۋېنجىڭ خەۋىرى: تەيۋەن جۇڭگۇاڭ تورىنىڭ 2- سېنتەبىر ئىران دۆلەتلىك تېلېۋىزىيە ئىستانسىسىنىڭ ئۇچۇرىدىن نەقىل كەلتۈرۈپ بەرگەن خەۋىرىدە ئېيتىلىشچە، ئىران بىلەن چاۋشيەن بىر تۈرلۈك پەن- تېخنىكا ھەمكارلىق كېلىشىمى ئىمزالىغان بولۇپ، مەزمۇنى ئۇچۇر پەن- تېخنىكىسى، ئېنېرگىيە، مۇھىت ئاسراش ۋە يېزا ئىگىلىكىگە چېتىشلىق ئىكەن. شۇنىڭ بىلەن بىرگە، ئىككى دۆلەت يەنە ھەمكارلىشىپ تەجرىبىخانا قۇرۇپ، پەن- تەتقىقات خادىملىرىمۇ تەجرىبە ئالماشتۇرىدىكەن.
خەۋەرگە ئاساسلانغاندا، ئىران پرېزىدېنتى نىجاد تېھراندا ئېچىلغان ئىتتىپاق تۈزمەسلىك ھەرىكىتى باشلىقلار ئۇچرىشىشىغا قاتناشقىلى كەلگەن چاۋشيەن خەلق مەجلىسىنىڭ كومىتېت باشلىقى گىم يوڭنام بىلەن كېلىشىم ئىمزالاش مۇراسىمىغا قاتناشقان. نىجاد مۇنداق دېگەن: «ئامېرىكا جاھانگىرلىكى» چاۋشيەننى ئەزگەندىن سىرت ئىراننىمۇ ئەزمەكتە، چۈنكى ئامېرىكا بۇ ئىككى دۆلەتنىڭ مۇستەقىل تۇرۇشىنى، قۇدرەت تېپىشىنى خالىمايدۇ.
ئەمدى جۇڭگۇ-تۇركىيە مۇناسىۋىتىگە نەزەر سالايلى.....

8- ئاينىڭ 31- كۈنى، 2012- يىللىق جۇڭگو- تۈركىيە ئىسلام مەدەنىيىتى كۆرگەزمىسى تۈركىيەنىڭ تارىخىي مەدەنىيەت شەھىرى ئىستانبۇلدا ئۆتكۈزۈلدى. جۇڭگو تەرەپنىڭ كۆرگەزمە پائالىيىتى: جۇڭگو ئىسلام مەدەنىيەت كۆرگەزمىسى، جۇڭگو- تۈركىيە ئىسلام دىنى ئەھۋالىنى ئالماشتۇرۇش يىغىنى، «قۇرئان» قىرائەت قىلىش ۋە مەدەنىيەت- سەنئەت كۆرىكى قاتارلىق تۆت قىسىمدىن تەركىب تاپقان.

سۇرەتتە:قارىلىرىمىز قىرائەت قىلىۋاتىدۇ
سۇرىيەدە يەنە قان داۋاملىق تۆكىلىۋاتىدۇ

بىرلەشكەن دۆلەتلەر تەشكىلاتى بالىلار فوندى ئەمەلدارى 9-ئاينىڭ 2-كۈنى، ئۆتۈپ كەتكەن بىر ھەپتىدە، سۈرىيە ھۆكۈمىتى قوشۇنى بىلەن ئۆكتىچىلەر توقۇنۇشىدا ئاز دېگەندە 1600ئادەم قازا قىلغانلىقىنى بىلدۈرگەن، بۇ قازا قىلغانلار ئىچىدە ئاز بولمىغان بالىلارنى ئۆز ئىچىگە ئالغان.
بۇ 2011-يىلى 3-ئايدىن باشلاپ سۈرىيە دۆلەت ئىچىدە توقۇنۇش پارتىلىغاندىن بۇيانقى قازا قىلغانلار سانى ئەڭ كۆپ بولغان ھەپتە ھېسابلىنىدۇ، ئىككى تەرەپنىڭ ئوققا تۇتۇشۇش دەرىجىسى بۇرۇنقىدىنمۇ بەكلا كەسكىن بولغان، توپقا ئېتىش بىلەن ھاۋا ھۇجۇمىدا زور تۈركۈم ئادەم قازا قىلغان.
سۇرەتتە ئۇرۇش قۇربانىغا ئايلانغان بالىلارۋە خەلىق



ۋاقىت مۇناسىۋىتى بىلەن خەۋەرلىرمىز ئاياغلاشتى،
بوزقىرنىڭ پىراكتىكانىت مۇخبىرى سالمان ئۆيدىن چىقماي ئاڭلاتتى.
(خەۋەر مەنبەسى توردىن توپلاندى.)