ﺑﯘﺯﯗﻗﭽﯩﻠﯩﻖ ﺑﯩﻠﻪﻥ ﺗﻮﻟﻐﺎﻥ كۇنلەردە.........


ﮬﻪﻣﻤﻪ ﻳﻪﺭ ﺑﯘﺯﯗﻗﭽﯩﻠﯩﻖ ﺑﯩﻠﻪﻥ ﺗﻮﻟﻐﺎﻥ ﻣﯘﺷﯘﻧﺪﺍﻕ ﺑﯩﺮ ﺯﺍﻣﺎﻧﺪﺍ ﺋﻮﻥ ﻧﻪﭘﻪﺭ ﺋﻪﺭﻧﯩﯔ ﺋﻮﻳﻐﺎﻧﻐﯩﻨﯩﺪﯨﻦ ﺑﯩﺮ ﻧﻪﭘﻪﺭ ﺋﺎﻳﺎﻟﻨﯩﯔ ﺋﻮﻳﻐﺎﻧﻐﯩﻨﯩﻨﻰ ﺋﻪﯞﺯﻩﻝ ﻛﯚﺭﯨﻤﻪﻥ .

بىر دادا ئوغلىغا نەسىھەت قىلىپ دىدى: ئوغلۇم ئەگەر ئىنسانلار ئاللاھنىڭ ئىبادىتىگە دۇنيا تىرىكچىلىكىگە بىرىلگەندەك بىرىلگەندە ئىدى دەرجىسى پەرىشتىلەرنىڭكىدىن ئۇستۇن بولاتتى.

ﺋﯚﺯ ﺋﻪﻗﯩﺪﯨﻤﯩﺰﮔﻪ، ﯞﻩﺗﻪﻥ، ﻣﯩﻠﻠﯩﺘﯩﻤﯩﺰﮔﻪ ﺑﯩﺮ ﻗﯩﺰﻏﺎ ﺋﻪﻗﯩﺪﻩ ﺑﺎﻏﻠﯩﻐﺎﻧﭽﯩﻠﯩﻚ ﺋﻪﻗﯩﺪﻩ ﺑﺎﻏﻠﯩﻐﺎﻥ ﺑﻮﻟﺴﺎﻕ، ﺑﯘ ﺩﯗﻧﻴﺎ ﻧﯧﻤﯩﮕﻪ ﺋﺎﻳﻠﯩﻨﺎﺭ ﺋﯩﺪﻯ .

ﺋﯚﺯﯨﻨﯩﯔ ﻗﻪﻟﺒﯩﺪﯨﻜﯩﻨﻰ ﺷﯧﺌﯩﺮ ﺋﺎﺭﻗﯩﻠﯩﻖ ﺋﯩﭙﺎﺩﯨﻠﯩﮕﯩﻨﻰ ﺷﺎﺋﯩﺮ ﺋﻪﻣﻪﺱ، ﺑﻪﻟﻜﻰ ﺋﯚﺯ ﺧﻪﻟﻘﯩﻨﯩﯔ ﻗﻪﻟﺒﯩﺪﯨﻜﯩﻨﻰ ﺷﯧﺌﯩﺮ ﺋﺎﺭﻗﯩﻠﯩﻖ ﺋﯩﭙﺎﺩﯨﻠﯩﮕﻪﻥ ﺷﺎﺋﯩﺮ ﮬﻪﻗﯩﻘﻲ ﺷﺎﺋﯩﺮﺩﯗﺭ .

ﺑﯩﺰﮔﻪ ﮬﻪﺩﯦﺴﯩﻼ ﺋﯚﺯﯨﻨﯩﯔ ﺋﯩﭽﯩﮕﻪ ﺳﯩﻐﺪﯗﺭﺍﻟﻤﯩﻐﺎﻥ ﺳﯧﺴﯩﻖ ﮔﻪﭘﻠﯩﺮﯨﻨﻰ ﻣﺎﺩﺩﯨﻲ ﯞﻩ ﻣﻪﻧﯩﯟﻯ ﺟﻪﮬﻪﺗﺘﯩﻜﻰ ﻧﺎﻣﺮﺍﺗﻠﯩﻘﺘﯩﻦ ﻗﯘﺗﯘﻻﻟﻤﺎﻳﯟﺍﺗﻘﺎﻥ ﺧﻪﻟﻘﯩﻤﯩﺰﮔﻪ ﯞﺍﻳﺴﺎﭖ ﺑﯩﺮﯨﺪﯨﻐﺎﻥ ﻳﺎﺯﻏﯘﭼﻰ ﺋﻪﻣﻪﺱ، ﺑﻪﻟﻜﻰ ﺷﯘ ﺧﻪﻟﻘﻨﯩﯔ ﺋﯩﭽﯩﮕﻪ ﭘﺎﺗﻤﯩﻐﺎﻥ ﻳﯜﺭﻩﻙ ﺳﯚﺯﻟﯩﺮﯨﻨﻰ .ﺋﯩﭙﺎﺩﯨﻠﻪﭖ ﺑﯩﺮﻩﻟﻪﻳﺪﯨﻐﺎﻥ ﻳﺎﻏﯘﭼﻰ ﻛﯩﺮﻩﻙ .

ﻣﯧﻨﻰ ﺋﻪﯓ ﺗﻪﺷﯟﯨﺸﻠﻪﻧﺪﯛﺭﯨﺪﯨﻐﯩﻨﻰ، ﺧﻪﻟﻘﯩﻤﻨﯩﯔ ﺩﯨﻨﯩﻲ ﺭﻭﮬﻘﺎ ﺷﯘﻧﭽﻪ ﺑﺎﻱ، ﺋﻪﻣﻤﺎ ﺩﯨﻦ ﺭﻭﮬﯩﻐﺎ ﺷﯘﻧﭽﻪ ﻧﺎﻣﺮﺍﺗﻠﯩﻘﻰ.

ﺋﯩﻨﺴﺎﻥ ﺋﻪﯓ ﻣﯘﻗﻪﺩﺩﻩﺱ، ﺋﻪﯓ ﻗﯩﻤﻤﻪﺗﻠﯩﻚ ﺩﻩﭖ ﺑﯩﻠﮕﻪﻥ ﻧﻪﺭﺳﯩﺴﯩﻨﻰ ﺋﻪﯓ ﭘﯩﻨﮭﺎﻥ، ﺋﻪﯓ ﻳﻮﺷﯘﺭﯗﻥ ﺳﺎﻗﻼﻳﺪﯗ .

ﺋﯚﺯ ﺗﻪﻗﺪﯨﺮﯨﻨﻰ ﺋﯚﺯﯨﻨﯩﯔ ﻗﻮﻟﯩﺪﺍ ﺋﯩﻜﻪﻧﻠﯩﻜﯩﻨﻰ ﺑﯩﻠﻤﯩﮕﯜﭼﯩﻠﻪﺭ ﺋﯚﺯ ﺗﻪﻗﺪﯨﺮﯨﻨﯩﯔ ﺑﺎﺷﻘﯩﻼﺭﻧﯩﯔ ﻗﻮﻟﯩﺪﺍ ﺋﯩﻜﻪﻧﻠﯩﻜﯩﻨﻰ ﺋﯧﺘﺮﺍﭖ ﻗﯩﻠﻐﯘﭼﯩﻼﺭﺩﯗﺭ .

ﺑﺎﻟﯩﻼﺭ ﺳﻪﯞﻩﻧﻠﯩﻚ ﺋﯚﺗﻜﯜﺯﺳﻪ ﺋﯘﻻﺭ ﺗﯧﺨﻰ ﻛﯩﭽﯩﻚ ﺋﯩﺶ ﺋﯘﻗﻤﺎﻳﺪﯗ ﺩﯦﺪﯗﻕ . ﻳﺎﺷﻼﺭ ﺳﻪﯞﻩﻧﻠﯩﻚ ﺋﯚﺗﻜﯘﺯﺳﻪ: ﻳﺎﺷﻼﺭ ﻗﯩﺰﯨﻘﻘﺎﻥ ﻛﯧﻠﯩﺪﯗ، ﺋﺎﻟﺪﯨﺮﺍﻗﺴﺎﻧﻠﯩﻖ ﻗﯧﭙﺘﯘ ﺩﯦﺪﯗﻕ . ﻗﯧﺮﯨﻼﺭ ﺳﻪﯞﻩﻧﻠﯩﻚ ﺋﯚﺗﻜﯜﺯﺳﻪ: ﺯﺍﻣﺎﻥ ﺗﻪﺭﻩﻗﻘﻲ ﻗﯩﻠﯩﺪﯗ، ﺩﻩﯞﺭ ﺋﻮﺧﺸﯩﻤﺎﻳﺪﯗ ﺩﯦﺪﯗﻕ . ﮬﻪﻣﻤﯩﺴﯩﮕﻪ ﺑﺎﮬﺎﻧﻪ ﺗﺎﭘﺘﯘﻕ، ﺷﯘ ﺳﻪﯞﻩﭘﺘﯩﻦ ﺳﻪﯞﻩﻧﻠﯩﻜﻠﻪﺭﺩﯨﻦ ﺧﺎﻟﯩﻲ ﺑﻮﻻﻟﻤﯩﺪﯗﻕ .

ﻗﯩﺰﻻﺭﻧﯩﯔ ﺋﯩﭙﭙﻪﺕ ﺳﺎﺭﯨﻴﻰ ﺋﻪﻟﻰ ﺑﺎﺑﺎﻧﯩﯔ ﺋﺎﻟﺪﯨﺪﯨﻜﻰ ﺳﯧﮭﯩﺮﻟﯩﻚ ﺋﯚﯕﻜﯜﺭﺩﻩﻙ ﺋﯚﺯ ﺳﯧﮭﺮﯨﻨﻰ ﻳﻮﻗﯩﺘﯩﭗ، ﻛﯩﻢ ﺋﯧﭽﯩﻠﯩﺶ ﺳﯩﺮﯨﻨﻰ ﺑﯩﻠﯩﯟﺍﻟﺴﺎ ﺋﯧﭽﯩﻠﯩﭗ، ﺋﯚﺯﯨﺪﯨﻜﻰ ﻗﯩﻤﻤﻪﺗﻠﯩﻚ ﺑﺎﻳﻠﯩﻘﻼﺭﻧﻰ ﺗﻪﻗﺪﯨﻢ ﻗﯩﻠﯩﯟﯦﺘﯩﺪﯨﻐﺎﻥ ﻧﺎﺩﺍﻥ ﺳﯧﺨﯩﻴﻼﺭﻏﺎ ﺋﺎﻳﻠﯩﻨﯩﭗ ﻗﺎﻟﺪﻯ.

ﻣﻪﻥ ﺋﯘﻧﻰ ﻗﻮﻏﻼﻳﺘﺘﯩﻢ ،ﺋﯘ ﻣﻪﻧﺪﯨﻦ ﻗﺎﭼﺎﺗﺘﻰ ،ﺋﻪﻛﭽﯩﺴﭽﻪ ﻳﻪﻧﻪ ﺑﯩﺮﺳﻰ ﻣﯩﻨﻰ ﺳﯜﻳﻪﺗﺘﻰ ،ﻣﻪﻥ ﺑﻮﻟﺴﺎﻡ ﻗﺎﭼﺎﺗﺘﯩﻢ .ﺗﻮﯞﺍ ﺩﯗﻧﻴﺎﻧﯩﯔ ﺋﯩﺸﻠﯩﺮﻯ ﺑﯩﯟﺍﭘﺎ ﺋﯩﻜﻪﻥ ،ﻣﻪﻥ ﻳﻪﻧﯩﻼ ﺋﯘﻧﻰ ﻗﻮﻏﻼﺷﻨﻰ ﺩﺍﯞﺍﻣﻼﺷﺘﯘﺭﺩﯗﻡ ،ﺋﯘﻣﯘ ﺷﯘ ...

ﺧﺎﺗﯩﺮﻩﻣﻨﯩﯔ يارقىن بەتلىرىدىن
مەنبە:نادىرلار تورىدىن(تىلەك)

دانىشمەن ھەق سۆزنى، دېھقان نەق سۆزنى دەيدۇ، دىگەندەك بۇ قىممەتلىك ھېكىمەت سۆزىنى ياد ئېلىشقا ياكى كۈندە نەچچە رەت ئوقۇپ بىلىۋېلىشقا تېگىشلىك ھېكىمەت دۇردانىسى ئىكەن .

تۇخۇمى يوق مېكىيان،
كاتاكتىن  يامانلاپتۇ.
               _ ئاتىلار سۆزى

ئىسىل سۆزلەر  

مەنچە بولسا ھەر بىر ئەقىلىيە سۆزنىڭ ئاپتورىنى ئەسكەرتىپ قويۇش بەك ئاقىلانىلىك ئىش ئىدى،بىاق ئاپتۇر ئۇنتۇپ قالدىمۇ ياكى........؟؟؟؟؟؟

ئىشلىتىش

بۇ مەزمۇن 4قەۋەتتىكى بەخىت نىڭ 2012-09-03 16:32 يوللىغان يازمىسىغا نەقىل   :
مەنچە بولسا ھەر بىر ئەقىلىيە سۆزنىڭ ئاپتورىنى ئەسكەرتىپ قويۇش بەك ئاقىلانىلىك ئىش ئىدى،بىاق ئاپتۇر ئۇنتۇپ قالدىمۇ ياكى........؟؟؟؟؟؟

شۇنداق،ئاپتۇر بۇ مەسلىگە دىققەت قىلماپتۇ.
لىكىن ھەقىقەتەن پايدىلنىش قىممىتى بار ئەسەر ئىكەن.

  

مەن شۇنداق ئويلايمەن ، ئەرنىڭمۇ ئىپپىتى بولىدۇ ، ئۇ ـــ ۋەتەن . يەنە شۇنداق ئويلايمەن ، ۋەتەنسىزلەرنى ئاللاھ كەچۈرمەيدۇ . ئۇلار جەننەتتىن ئۈمىد كۈتمىسۇن . جىنايەت ـــ روھتىكى يېڭىلمەس كۈچتۇر ، ھەققانىيەتنى ئاشۇ كۈچ يارىتىدۇ . يەنە شۇنداق ئويلايمەن ، ۋەتەنسىز ئەرلەر ـــ ئىپپەتسىز ئەرلەردۇر ، ئۇلارنى دۇنيا كەچۈرمەيدۇ ، ئۇلار باراۋەرلىكتىن ئۈمىد كۈتمىسۇن .


بالىلىقىمدا ۋەتىنىم ـــ مەھەللەم ئىدى ، چوڭ بولغاندا ئۇنى شەرقتىن تاپتىم . بالىلىقتىكى ۋەتىنىمنى قىزىلبايراق ئاستىغا كۆمۈپ قويدۇم ، يەنە شۇنداق ئويلايمەن ، ئېتىقاد ـــ ئوق ئۆتمەيدىغان قالقان . مەككىگە بارساڭمۇ ئىمان تېپىلمايدۇ . پەرۋانە شام ئالدىدا ئۆلدى . ھەييام بىر شاراپ ئىچمەي جام ئالدىدا ئۆلدى . دىۋانە نان ئالدىدا ئۆلدى . يىڭنە قۇلىقىدىن كارۋان تارتقانلار ئاپئاق ئۇستىخانلاردىن نۇرلۇق ئايۋانلارنى قۇرۇپ ، داپ ھالقىسىدىن ئەسەبى زامانلارنى ئۆتكۈزۈپ ، ساپايىسىدا باش سۆڭەكلىرىنى شاراقلىتىپ جەز قىلىپ ئاخىرى ۋەتىنىنى قۇملار ئاستىغا كۆمۈپ قويدى ـ دە ئۆز يېرىدە سەرسانە ئۆلدى .


يەنە شۇنداق ئويلايمەن، ساقال ـ بۇرۇت قويغانلار مەن ئەر دېمىسۇن ، بۇغداي تېرىپ زاغرا نانغا تويغانلار مەن ئەر دېمىسۇن ، ئاھ خەلقىم دەپ دەرت يۇتۇپ ، مەيخانىدا قونغانلار مەن ئەر دىمىسۇن ، ئۇلارنىڭ جەينىمازدا ئىمانى نېسى ، ئەل ئالدىدا ۋىجدانى نېسى .

سۆيگۈ ئۇچۇن جان بېرىمەن دەپ بۆرىدەك ھۆركىرەپ ، ئەرلىك غۇرۇرى ئۇچۇن دەپ مۇشتلاشقانلار مەن ئەر دېمىسۇن ، ئۇلارنىڭ يۈرىكىگە پىغانى نېسى ، مەشرەپ كەبى زارۇ - زار چۆللەردە ھېجرانى نېسى .

«ئېتىقاد » ۋە « توغرا يول » نى سۆزلەپ ، قۇياشنى تاپ ، شەرىققە قاراپ ماڭ دەپ ، ۋەزخانلىقتا شان - شەرەپ كۆزلەپ ، ئىچ -ئىچىدىن قۇرۇپ ئۆتكەنلەر مەن ئەر دىمىسۇن ، ئۇلارنىڭ سەپ ئالدىدا مەيدانى نېسى ، تىغ ئالدىدا تەن ، جېنى نېسى .

ناخشا - ناۋالاردا ئازابنى ھەيدەپ ، غىلجىڭ نازلاردا يىلىگىنى قۇرۇتۇپ ، ئەركىنلىكتە پۇت-قولىنى چىرماپ ، « قېلىچتىن قورقۇپ بېشىنى ئىگىپ » ، كاستۇم ئىچىدە تىترەپ يۇرگەنلەر مەن ئەر دىمىسۇن، ئۇلارنىڭ تۇمۇرىدا دولقۇنلىغان قان نېسى ، ھاياتىغا ئۆلۈم ھەمدە شان نېسى .

يەنە شۇنداق ئويلايمەن ، چۆلدە كارۋان ناخشىسى ئەمدى قايتا ياڭرىماس ، ئەمدى يول باشلاپ ساڭا جەڭلەردە بۆرە ئۇچرىماس . قەدىمى جەسەت باش سۆڭەكلىرى شاھىد ، لىكىن مىڭ توۋلىساڭمۇ بىر لەھزە زۇۋان چىقماس . سەن ئۆزۈڭگە قالدىڭ ئەر .

قاغا مىڭ يىل ياشىسىمۇ رەڭگى قارا ، بەختى قارا ، قۇش ئالتۇن قەپەزدە تۇرۇپمۇ كۆككە ئىنتىلەر . سەن ئۆزەڭنىڭ قۇلى ھەم زىندانىسەن . سەن ئۆزەڭگە قالدىڭ ئەي ئەر . خوتۇنىڭغا تۆلەپ تۈگەتكۈسىز قەرزدارسەن ، بالىلىرىڭنىڭ پېشانىسىدىكى مۇشتلىرى تۈگۈلگەن قىسمەت سايىسىنى كۆردۈڭمۇ ؟ ئەي ، ئەر . . . مەن شۇنداق ئويلايمەن .

(غوجىمۇھەممەد مۇھەممەد)

  

پېچىتى بۇزۇلمىغان گەپلەر ئىكەن...بۇ ؟