<<قىزىل ماي>>دا  سەنمۇ كۈلگىن جان ئانا؟!

قاراخان

<<قىزىل ماي>>دا يېشىل مەيدان راسلاندى،
ئەمگەكچىنىڭ نام -شۆھرىتى  يادلاندى .
قەددىڭنى سەن تىك تۇتقاندا چىناردەك ،
سىياقىڭدىن قەلبىم چەكسىز   شاتلاندى .

سەنسىز  كۈلكەم  چىقماس ئەسلا  ئەۋجىگە،
ھارارەت يوق سەنسىز ئوتلۇق لەۋزىدە.
باھار چىللاپ تۇرسا روھىڭ  تۆت پەسىل،
تولسا قەلبىم   ھاياجاندىن   لەرزىگە.

كۆك چۈچۈرگە تۈگۈپ بەردىم  مېھرىمنى ،
كۆكلەمدىن رەڭ ئالسۇن دىدىم چېھرىڭنى.
مۇڭلىرىڭنىڭ  ۋارىسى مەن  بىر ئۆمۈر ،
تەشۋىش يىمە  چاچما پىكىر - زېھنىڭنى .

مېھنىتىڭگە گۈۋاھ بۈگۈن قۇياش- ئاي،
قان تەرىڭدىن زىمىن ئاچتى خۇشچىراي.
ئايازدا چوغ  ،تومۇزدا بۈك سايىۋەن ،
ساڭا ئېيتار سۆزلىرىم بار بىر تالاي...

باغلىرىمدا سېنىڭ پەرۋىش  ئىزىڭ بار،
ئىزلىرىڭغا ئىزچى ئوغۇل- قىزىڭ بار .
ئەمگەك سۆيۈپ ئۆتتى ياشلىق قىسمىتىڭ،
خورىساڭمۇ نىشان، قۇت يىلتىزىڭ بار .

سېنى <<چۈشەپ >>قويسا نەۋرە جاپاسى،
ياكى خاپا  قىلسا  كېلىن  تاپاسى.
تۆت تاممۇ ھەم ساڭا بولسا  كۈشەندە،
ساڭا  زادى نەدە غەمنىڭ داۋاسى.

بىر كۈن كۈلگىن  بىر يىل كۈلدى دەپ قالاي،
بىز  بايۋەچچە ؟سەن ئەمەسقۇ  يا مالاي؟
سېنى قاچان خاتىرجەم بوش كۆرىمەن ،
بايرىمىڭنى ئوينىساڭچۇ خوش بولاي؟!

سۇپۇرگەڭنى قويۇپ تۇرغىن جايىغا،
ئۆزۈڭنى ئال بىردەملىككە سايىغا.
نانمۇ ياقما قاش- كىرپىكىڭ  كۆيمىسۇن!
باقما ئەندى ئاسارەتنىڭ  رايىغا؟

2012-يىلى 26-ئاپېرىل

ئانام بولسىدى....................

ئاتام بولسىدى...

ئاتا-ئاناڭ بولسىدى...؟

يېڭى تېما ، ئۆتكۈر تىل بىلەن يېزىلغان بۇ شېئىرنى قايتا- قايتا ئوقۇپ چىقتىم ، يۇقىرىقى كوبېلىتلاردىن شائىرنىڭ قەلىمىدە نۇرلانغان جاپاكەش ئانىنىڭ ئۇلۇغلىقىنى ، ئانىغا بولغان چەكسىز ساداقەت مېھرىبانلىقىنى «ئانا» روھىغا باغلانغان مەلۇم بىر تارىختىن قالغان ئەمگەكچى بايرىمىنىڭ بەدئىي كارتىنىسى يىغىنچاق ھالدا ئىپادىلەپ بەرگەنلىكىنى ھېس قىلدىم ، شېئىر  سەنئەتنىڭ يۇقىرى پەللىسى ، شائىر تەسەۋۇرىدىكى گۈزەل ۋە مۇھاببەتلىك دۇنيانىڭ «ئانا»دىن ئىبارەت غايىۋى ئوبراز سۈپىتىدە گەۋدىلەندۈرگىنىمۇ ھېس قىلدىم .
دىمەك ئەدەبىيات - تىل سەنئىتى، بۇ شېئىردا  مەنلا ئەمەس بەلكى ھەممىمىز بۇ شېئىرنىڭ  ئوبرازلىق مەنا ئىپادىلەش ئېھتىياجىنى چىقىش قىلىپ، ئۆزگىچە مەنتىقىي قۇرۇلمىغا ئىگە قىلىنغان سىموۋۋۇللۇق بىشارەت كۈچى كۈچلۈك تىل ئامىللارنىڭ كۆپلىكىنىمۇ بايقايمىز، شائىر تىل ئامىللىرى ئارقىلىق ئۆز ھېسسىياتىنى بەدئىي ئوبرازلارغا ئۇتۇقلۇق سىڭدۈرۈش، شېئىرىي تىلنى سىموۋۇللۇق تىلغا ئايلاندۇرۇشىدا مۇھىم رول ئوينىغان ھەمدە  شېئىرىي تىلنىڭ ئۈنۈمدارلىقىنى ، ئوي پىكىرىنى ئىپادىلەش سالمىقىنى زور دەرىجىدە ئاشۇرغان.
يىغىنچاقلاپ ئېيتقىنىمدا، قاراخان ئەپەندى ، شېئىرىي سەنئتنىڭ يۇقىرى پەللىسىگە كۆتۈرۈش ئۈچۈن تىرىشىۋاتقان قايناق لىرىكا بىلەن ئوقۇرمانلەرنىڭ نازۇك قەلبىنىڭ سىرلىق قۇۋىقىنى چېكىپ كېلىۋاتقان تىرىشچان ، تالانتلىق شائىر دەپ باھا بېرىشكە بولىدۇ، دەپ قارايمەن.

بۇ مىكرو ئوبزور مېنىڭ چولتا قەلىمىمگە ئىجادىيەت بېسىمى ئېلىپ كەلدى ،بۇ شېئىرنىڭ كۆپۈك شان -شەرەپ ۋە  باھاغا مۇناسىپ ۋەزنى بولمىسىمۇ  يۇقۇرقى ماختاشلاردىن شائىرانە ئىلھامغا غەرق بولدۇم،نىھايەت سۈپەتلەشلەرنىڭ ئاز -تولا تەنقىت خۇرۇچى بولغان بولسا ئۇنىڭدىنمۇ ماڭا تېگىشلىك نەپ يۇقاتتى ؟

بىز ئاپتورنىڭ نېمىنى يازغانلىقىغا ئەمەس قانداق يازغانلىقىغا دىققەت قىلىمىز.
نېمىنى يېزىش نۇقتىسىدا بۇ شېئىر مۇۋاپىقىيەتلىك چىققان شېئىردۇر. قانداق يازغانلىق نۇقتىسىدا بۇ شېئىر ئاپتورنىڭ يەنە بىر قېتىملىق مەغلۇبىيىتىدۇر.

مەن پەقەت قايتا- قايتا ئوقۇپ ئۆزەمنىڭ ئاددى تىلىم بىلەن بۇ شېئىرغا بولغان چۈشەنچەمنى ئوتتۇرىغا قويدۈم ، ئەمەلىيەتتە ياخشى يېزىلغان شېئىر دەپ قارايمەن. بۇنى مەنلا ئەمەس ھەر بىر ئوقۇرمەن چوقۇم ھېس قىلالايدۇ. ئەلۋەتتە.

يولداش تىمتاس، سىزنىڭچە مەن ھەر بىر ئوقۇرمەننىڭ بىرى ئەمەسما. بۇ يەردە سىز ھەر بىر ئوقۇرمەنگە ۋاكالاتەن ئەمەس ئۆزىڭىزگە ۋاكالەتەن پىكىر قىلىسىز. خەلق مۇنداق دەيدۇ...دېگەندەك گەپ سىياسىدىلا مەۋجۇت، ئەدەبىياتتا مەۋجۇت ئەمەس. ئىشەنمىسىڭىز سىزگە سۇئال.
قايسى ھەر بىر ئوقۇرمەن سىزگە كۆپكە ۋاكالاتەن سىزگە پىكىر بايان قىلىشنى تەۋسىيە قىلغان؟

تەۋسىيەغۇ قىلمىقى تەس ، خۇددى قۇياشقا تىك قارىيالمىغانغا ئوخشاشلا............
لېكىن مېنىڭ بۇ شېئىرنى ئوقۇغانسېرى ناھايىتى ياخشى يېزىلغانلىقىغا ئېشىنىمەن، بۇ مېنىڭ شەخس قارىشىم.