سېغىنىپ كۈتتۈم، ئەزىزىم كەلمىدىڭ ،
چەككەن ئاھۇ-پىغانىمنى بىلمىدىڭ .
بۇ ئۆمرۈمدە پاك  قەلبىم چۈشەنمىدىڭ ،
غەمگۇزارىڭ ئەجەپ كۆزگە ئىلمىدىڭ .

كېلىمەن دەپ ۋەدىلەر بەرگەن ئېدىڭ ،
بەرگەن ۋەدەڭگە سەن  ۋاپا قىلمىدىڭ .
كېرەك ئەمەس باشقا ھېچنىمەڭ سېنىڭ ،
تەشنا قىلار مىنى پەقەت بىر كۈلگىنىڭ .

ئىككىمىزنى ئايرىدى تەغدىرىمىز ،
قالمىغاچ ھېچ كۆرمىگەن كۈنلىرىمىز .
دەرتلەرگە توشۇپ كەتتى يۈرۈكىمىز ،
مەن ئۈچۈن بەخىت ئەمەسمۇ كەلگىنىڭ .

مېنى ھېچ نەرسىنى بىلمەيدۇ دەمسەن ،
بوسۇغام ئالدىدىن ئۆتۈپ كېتىپسەن .
مېنى ئۆچ كۆرگەنلەرگە دۈشمەن بولۇپسەن ،
ئەمەسمۇ بۇ يۈرەگىمنى تىلغىنىڭ .


مەن ھەرگىزمۇ بۇنى سەندىن كۆرمەيمەن،
ئۇنىڭ ئۈچۈن زارى – يىغلاپ يۈرمەيمەن ،
نىمە دەرتلەر تارتقىنىمنى ھىچ بىلمەيسەن ،
شۇ بولدىمۇ ئاھ،مېنى  ياخشى كۆرگىنىڭ ؟


ئاپتورى:تۇرسۇنئاي رەھىم.

ۋاپاسىز دوستقا ئۇرۇلغان بىر تەستەك جايىدا تېگىپتۇ...ياخشى يېزىپسىز،شېئىرى تىل ئىشلىتىشكە تىرىشىڭ ؟!

مەن شىئىر يىزىش ھەم ھەر قايسى جەھەتتە ئىقتىدارى بار كىشلرىمىزنىڭ ھەقىقەتەن كۆپ ئىكەنلىكىنى،كۆمۈلۈپ قالغان تالانتلىرىنى نامايەن قىلىشقا باشلاۋاتقانلار بۇلارنىڭ ئىچىدىن ناھايتى ئاز ساننى ئىگەللەۋاتقاندەك ھىسىياتقا كەپ قالدىم،ھەم شۇنداق تالانىت ئىگىللىرنىڭ بوز قىر مۇنبىرىنى تااللاپ بىزنى ئىزدەپ كىلىشىدن تولىمۇ ھاياجانلاندىم.ھەر جەھەتتە ئۆزىنىڭ تالانتىنى نامايەن قىلدۇرۇش ئۈچۈن بىزنىڭ بوز قىر مۇنبىرىنىڭ كەڭ سەھنە بولوپ قىلىشغا تىلەكداشلىق بىلدۈرۈش بىلەن بىرگە دىيارمىزدىكى بارلىق مۇشۇنداق يۇشۇرۇن تالانىت ئىگىللىرىگە ھەم شائىر-شائىرە،يازغۇچى-ئەدىبلرىمىزگە ئىھتىرام بىلەن سالامىمنى يوللايمەن.بۇ ھەدىمىزنىڭ ھەم بىر ئائىلە ئايالى ھەم دىھقان بولوش سۈپىتى بىلەن يەنە ۋاقىت ئاجىرىتپ ئۆزىدىكى بۇ قىزىقىشنى نامايەن قىلغىنىغا ھەقىقەتەن قايىل بولدۇم،ھارمىغايسىز،قەلەم تۇلپارىڭىز توختىماي ئالغا قاراپ يۈگۈرگەي.

مېنىڭچە شېئىر يازىمەن دەپ سۆزنى قاپىيەگە زورلىغاندىن، ئۆي -پىكرىڭىزنى نەسرى شەكىلدە يازسىڭىزمۇ تېخىمۇ ياخشى چىقاتتىكەن،چۈنكى مۇنبەر مەشق دەپتىرى ئەمەس، يازماقچى بولغان تېمىڭىزنى پىششىقلاپ باشقىلارنى تەسىرلەندۈرگۈدەك ۋە ھوزۇر ئالالىغۇدەك بولغاندا يوللىسىڭىزمۇ كېچىكىپ قالمايسىز. مۇنبەرنى ئۇيغۇر يېزىغى بىلىدىغان ھەرقانداق دۆلەتتىكى ھەرقانداق بىر مىللەت كۆرىدۇ ئەمەسمۇ...

يامانلىقنى بىلىپ تۇرۇپ قىلغان كىشىگە ياخشىلىق توغرۇلۇق گەپ قىلما. دۇنيادىكى ئەڭ قاتتىق نەرسە، بىرى ، يوقسۇزلۇق بولسا، مېنىڭچە يەنە بىرى ، باغرى قاتتىقلىق ، بۇ شېئىرىدا بۇ تەمسىللەر ئېنىق ئىپادىلىنىپتۇ. ئەجىرىڭىزگە رەخمەت ، بۇ شېئىر مەزمۇنى جەھەتتىنمۇ ياخشى چىقىپتۇ.

                                   سەنەمگە
  
   تاشلاپ كەتتىڭ ئەشۇ چاغ ئايدىڭ كېچىدە،
   نېمە ئارمان سىرلار  بار  كۆڭلۈڭ  تەكتىدە؟!

چىن مودەن خانقىزنىڭ قاراتما گىپى كىمگە قارتىپ دىيىلگەنلىكىنى مەن بىلمىگەن بولساممۇ،لىكىن تاتلىق ئىسىم بىلەن نەشتەردەك قىلغان سۆزلىرىنى ئىلاجى بار قۇبۇل قىلىپ بىقىشقا تىرىشىمەن،ئەگەر مۇشۇنى يازغا ئايالغا قارىتا دىيىلگەن گەپ بولسا،مەن يەنىلا نەشتەر سۆزڭىزنى قۇبۇل قىلىش مەسئۇلىيتىنى ئۆزەم ئۈستىمگە ئالىمەن،چۈنكى مۇنبەرنى مەشىق دەپتىرى كۆرۈپ قىلىپ،ئىككى تالانتلىق كىشنىڭ قولىدىن چىقىپ،يازغۇچىنىڭ ئەمگىكىگە ھۆرمەت قىلغاچ،باشقىلارنىڭ پىكىر تەكلىپلىرىنى كۆرەيلى دەپلا مۇنبەرگە يوللاپ قويغان قاپاقباشلار بىز بولغاندكىن يەنىلا سۆزىڭىزنى بارلىق ئىززەت غورورىمىزنى دەپسەندە قىلدى دەپ ئويلىماستىن قۇبۇل قىلىشقا تىرىشىپ باقايلى. چىن مودەن خىنىمنڭ كۆرسەتكەن شىرىن سۆز تەكلىپلىرىگە يۈرۈكىمدىن تەشەككۇر ئىيتىپ يەنە بىر گەپنىمۇ قىتىپ قويغۇم كىلىۋاتدۇ.

سىز  ئېيتقاندەك ئۇيغۇر يىزىقىنى بىلدىغانلىكى كىشى باشقا يەردە تۇرۇپمۇ كۆردىغان بولغاچقا بۇ مۇنبەرلەردىكى ئۇيغۇرلىرىمىزنىڭ بۇنچىلىك دەرىجىدە« ئىت تىپاق» ئىكەنلىكىنىمۇ كۆرەمدىغاندۇ يا كۆزىنى ئىتىۋالامدىغاندۇ؟مۇنبەر تىمىلارغىلا ئەمەس يەنە ئىنكاسلارغۇمۇ ئوخشاش مەشىق دەپتىرى ياكى ھاۋارايى ئىدارىسى ئەمەس،پىكىر تەپەككۇر،سەمىمىلىك ھەم تەكلىپلەر بىرلەشكەن ئىسىل مۇنازىرە مۇنبىرى.سىزگە كۆپ رەھمەت.بۇ بارلىق تاققا تۇققا ئىنكاس يىزىپ مۇنبەرنى ئەخلەت قىلىۋاتقان مۇنبەرداشلىرىمغا ھەم سەمىمى تەكلىپ.كۆپچىلىككە رەھمەت.

مەدىنە خانىم  بۇ شېئىرىنىڭ ئىككى تالانتلىق كىشىنىڭ ( تالانتلىق يازغۇچى،  شائىر دىمەكچىمۇسىز) مۇھەررىرلىكىدىن ئۆتۈپ،مۇنبەرگە يوللىغانلىقىڭىزدىن مېنىڭ خەۋىرىم يوق. مېنىڭ سىزگە ۋە تېما ئاپتورىغا نەشتىرىمنى تىقىش خىيالىممۇ يوق،پەقەت شېئىرىگە نىسبەتەن ئۆز-كۆزقارىشىمنى ئوتتۇرىغا قويدۇم،مەيلى قوبۇل قىلىڭ -قىلماڭ ئۆزىڭىزنىڭ ئىختىيارلىقىدىكى ئىش، لېكىن سىزمۇ بىلىپ قىلىڭكى ھەرقانداق بىر تورداش مۇنازىرە مۇنبىرىدىكى تېمىلارغا  قانۇنغا خىلاپ بولمىغان ئاساستا ئەركىن پىكىر يۈرگۈزسە بولىدۇ،  سىز ئېيىتقاندەك <ئسىىل مۇنازىرە مۇنبىرى>دە، سىزنىڭ ئىززەت -ئابروھىڭىزنى دەپسەندە قىلغۇدەك  گەپ -سۆزلەر بولغىنى يوق، بولسا ئىنكاسىم تۇرۇپتۇ، قايتا كۆرۈپ باقارسىز.
     مېنىڭچە ،  بىرەر شېئىرىگە ئىنكاس يازغاندا ،  رەڭۋازلىققا  تولۇپ كەتكەن ئاشۇ <ياخشى يېزىپسىز...>دېگەندەك قارا قويۇق ماختاشلاردىن كۆرە، شۇ شېئىرىگە نىسبەتەن كەمچىلىكىنى كۆرسىتىپ بېرەلەيدىغان ئىنكاسلار، ئاپتورغا  شۇ  شېئىرىنىڭ يېتەرسىزلىكىنى ھېس قىلدۇرالايدۇ ،يەنە  شېئىرىيەتكە بولغان قارىشى  توغرىلىنىدۇ، ئۆزىدىكى  ئەيىب نۇقسانلارنى كۆرۈۋالالايدۇ،  ھەم تۈزىتىۋىلىشىغا ياردىمى بولىدۇ ،شۇندىلا ئاپتور ئوقۇرمەنلەرگە چوڭقۇر تەسىر قىلغۇدەك شېئىرلارنى ۋۇجۇتقا چىقىرالايدۇ.

  بۇ خانقىزنىڭمۇ بەك توغرا،
  ئۇ خانقىزنىڭمۇ بەك توغرا.
  نېمە  دەيمىز  بىز  ئەمدى؟
  ئىنكاس بەتتە  گەپ تولا...
  <<جىم-جىم>>تۇرساق سەت تۇرا؟!

(مېنى ئۆچ كۆرگەنلەرگە دۈشمەن بولۇپسەن ،
ئەمەسمۇ بۇ يۈرەگىمنى تىلغىنىڭ .)
زىتلىق ئەمەسمۇ، بۇ نىمە قىلغىنىڭ؟
يەنە بىر گەپ ئۇنى (دىلبەر) دەپ ئېلىشىڭىز مېنى بەك كۆپ <ئوي>لارغا سېلىپ قويدى.كەچۈرۈڭ.خاتا بوپ قالمىغاندۇ؟