ﻳﺎﺧﺸﻰ ﺳﺎﺗﯩﺮﺍ، ﺑﯩﻠﻠﻪ ﻛﯚﺭﻩﻳﻠﻰ
يوللانغان ۋاقتى : 2007-10-12 22:26:42 كۆرۈلۈش سانى : 1272
ﺋﯩﻼﯞﻩ: ﻗﺎﻳﺴﻰ ﻛﯜﻧﻰ ﻛﯩﺘﺎﺑﻠﯩﺮﯨﻤﻨﻰ ﺋﺎﺧﺘﯘﺭﯨﯟﯦﺘﯩﭗ "ﺟﻮﯕﮕﯘ ﻣﯩﻠﻠﻪﺗﻠﯩﺮﻯ" ﮊﻭﺭﻧﯩﻠﯩﻨﯩﯔ 2006- ﻳﯩﻠﻠﯩﻖ 2- ﺳﺎﻧﯩﺪﯨﻜﻰ ﺗﯚﯞﻩﻧﺪﯨﻜﻰ ﺳﺎﺗﯩﺮﺍﻧﻰ ﻛﯚﺭﯛﭖ ﻗﺎﻟﺪﯨﻢ، ﺗﻮﺭﺩﺍﺷﻼﺭﻧﯩﯔ ﺑﯩﻠﻠﻪ ﮬﻮﺯﯗﺭﻟﯩﻨﯩﺸﻰ ﺋﯜﭼﯜﻥ ﺳﯘﻧﺪﯗﻡ. ﺋﺎﭘﺘﻮﺭﻏﺎ ﻗﺎﻳﯩﻠﻤﻪﻥ.
ﺑﯩﺰﻩﯓ ﺋﯧﻼﻧﻼﺭ
ﻡ. ﺟﺎﻣﺎﻟﻰ
ﺗﯧﻠﯩﯟﯨﺰﯗﺭﻧﻰ ﻛﯜﻧﺪﻩ ﺋﺎﭼﻘﯘﻡ ﻛﯧﻠﯩﺪﯗ، ﺧﯩﻴﺎﻟﻼﺭﺩﯨﻦ ﻧﯧﺮﻯ ﻗﺎﭼﻘﯘﻡ ﻛﯧﻠﯩﺪﯗ. ﺑﯩﺮ ﺋﻪﺭﻣﻪﻛﻜﻪ ﺯﯦﮭﯩﻦ ﭼﺎﭼﻘﯘﻡ ﻛﯧﻠﯩﺪﯗ، ﺋﻪﻧﺴﯩﺮﯨﺘﻪﺭ ﺷﯘﺋﺎﻥ ﺑﯩﺰﻩﯓ ﺋﯧﻼﻧﻼﺭ.
ﮬﻪﺭ ﻗﺎﻧﺎﻟﺪﺍ ﭘﺎﻳﻼﭖ ﺗﯘﺭﺍﺭ ﺑﯩﺮ ﺋﯧﻼﻥ، ﺋﺎﺧﺘﺎﻣﯩﺪﺍ ﻳﺎﺗﻘﺎﻥ ﻛﻪﺑﯩﻲ ﺳﯜﺭ ﻳﯩﻼﻥ، ﻣﻪﻥ ﺳﺎﺩﺩﯨﻨﻰ ﺋﻮﯕﺪﺍ ﻗﻮﻳﻤﺎﻕ ﭼﻮﯓ ﭘﯩﻼﻥ، ﺑﻮﻟﺪﻯ ﺷﯩﺮﯨﻦ ﻗﺎﭘﻘﺎﻥ، ﺑﯩﺰﻩﯓ ﺋﯧﻼﻧﻼﺭ
ﺑﯩﺮﻯ ﺩﻩﻳﺪﯗ ﻳﺎﺷﯩﺘﯩﻤﻪﻥ ﺑﯩﺮ ﺋﻪﺳﯩﺮ، ﺑﯩﺮﻯ ﺩﻩﻳﺪﯗ ﺳﯧﭗ ﺑﯧﺮﯨﻤﻪﻥ ﺯﻩﺭ ﻗﻪﺳﯩﺮ، ﺑﯩﺮﻯ ﺩﻩﻳﺪﯗ ﻣﻪﻧﺪﯨﻜﯩﺪﻩﻙ ﻳﻮﻕ ﺗﻪﺳﯩﺮ ﭘﺎﺧﺘﯩﻠﯩﺮﻯ ﺋﺎﻟﯟﺍﻥ ﺑﯩﺰﻩﯓ ﺋﯧﻼﻧﻼﺭ.
ﺑﺎﺷﻠﯩﻨﺎﺭﻣﯩﺶ ﺑﯩﺮﻟﯩﺮﯨﺪﯨﻦ ﮔﯜﺯﻩﻟﻠﯩﻚ، ﺋﺎﺷﻤﺎﺱ ﺋﯩﻤﯩﺶ ﺑﯩﺮﻟﯩﺮﯨﺪﯨﻦ ﺋﻪﯞﺯﻩﻟﻠﯩﻚ، ﻳﻪﻛﺘﺎ ﺋﯩﻤﯩﺶ ﺑﯩﺮﻟﯩﺮﯨﺪﻩ ﻟﻪﯞﻩﻧﻠﯩﻚ، ﺧﯘﺩﺩﻯ ﺑﯩﺰﮔﻪ ﺋﯧﮭﺴﺎﻥ ﺑﯩﺰﻩﯓ ﺋﯩﻼﻧﻼﺭ.
ﺋﻪﺟﺪﺍﺩﯨﻤﯩﺰ ﻧﯘﻗﯘﺕ ﺗﯧﺮﯨﭗ ﺧﯘﻱ ﻗﯩﭙﺘﯘ، ﺋﺎﻟﺘﻪ ﺷﯩﺮﻛﻪﺕ ﺗﺎﻟﻘﺎﻥ ﺳﯧﺘﯩﭗ ﭘﯘﻝ ﻗﯩﭙﺘﯘ. ﺩﺍﯞﺭﺍﯕﻼﺭﺩﯨﻦ ﺋﯘﭘﺎ ﺳﯜﺭﯛﭖ ﺗﻮﻱ ﻗﯩﭙﺘﯘ، ﺳﯧﻠﯩﭗ ﺑﯩﺰﮔﻪ ﺋﺎﻟﯟﺍﻥ ﺑﯩﺰﻩﯓ ﺋﯧﻼﻧﻼﺭ.
ﯞﺍﭘﺎﺩﺍﺭﻟﯩﻖ ﺗﺎﻟﻘﺎﻥ ﺑﯩﻠﻪﻥ ﺑﻮﻻﺭﻣﯩﺶ، ﺷﺎﻛﯩﻼﺗﺘﯩﻦ "ﻧﯩﻤﺠﺎﻥ ﻛﯜﭼﻜﻪ ﺗﻮﻻﺭ"ﻣﯩﺶ، ﭘﺎﺳﺘﯩﻠﯩﺮﻯ ﭼﯩﺸﻨﻰ ﺑﺎﺯﻏﺎﻥ ﻗﯩﻼﺭﻣﯩﺶ، ﺑﯩﺰﻧﻰ ﻛﯚﺭﮔﻪﻥ ﮔﺎﻟﯟﺍﯓ ﺑﯩﺰﻩﯓ ﺋﯧﻼﻧﻼﺭ.
ﭘﻪﻣﯩﺪﯗﺭﺩﯨﻦ ﻟﻪﯞﮔﻪ ﺳﯘﺭﯗﺥ ﻳﯘﻗﺎﺭﻣﯩﺶ، "ﻧﺎﯞﺑﻪﻳﺠﯩﻦ"ﻯ ﻛﯧﺴﻪﻙ ﺋﺎﻟﺘﯘﻥ ﺗﯘﻏﺎﺭﻣﯩﺶ، ﺳﯧﻐﯩﺰﻟﯩﺮﻯ ﺩﯗﻟﺪﯗﻝ ﺑﻮﻟﯘﭖ ﺋﯘﭼﺎﺭﻣﯩﺶ، ﻣﻪﻛﻜﺎﺭﻟﯩﻘﺘﺎ ﺷﻪﻳﺘﺎﻥ ﺑﯩﺰﻩﯓ ﺋﯧﻼﻧﻼﺭ.
ﺗﺎﻗﻘﺎ - ﺗﯘﻗﻘﺎ، ﺑﻪﺯﻯ ﺋﯧﻼﻥ ﺳﯚﺯﻟﯩﺮﻯ، ﻗﯘﺭﯗﻕ ﺳﯚﺯﺩﯨﻦ ﻗﯩﺰﺍﺭﻣﺎﺳﻜﻪﻥ ﻳﯜﺯﻟﯩﺮﻯ، ﺧﯧﺮﯨﺪﺍﺭﻧﯩﯔ ﺋﻮﭼﯘﻕ ﺗﯘﺭﺳﺎ ﻛﯚﺯﻟﯩﺮﻯ، ﻳﺎﻟﻐﺎﻧﻠﯩﺮﻯ ﺩﺍﺳﺘﺎﻥ ﺑﯩﺰﻩﯓ ﺋﯧﻼﻧﻼﺭ.
ﻳﻪﺭ ﺷﺎﺭﯨﺪﺍ ﺑﯩﺮ ﺋﯚﺯﻯ ﺑﺎﺭ، ﺋﯚﺯﮔﻪ ﻳﻮﻕ، ﺋﯚﺯﯨﻦ ﻣﺎﺧﺘﺎﭖ، ﺑﺎﺷﻘﺎ ﻣﺎﻟﻐﺎ ﻗﯩﻼﺭ ﺩﻭﻕ، ﺳﯚﺯﻟﻪﯞﻩﺭﺳﻪ ، ﺑﯧﺮﻩﻱ ﺩﯨﻤﻪﻱ ﻏﻪﻳﺮﻯ ﺯﻭﻕ، ﺗﻮﻗﯘﭖ ﺗﯩﻨﻤﺎﺱ ﻳﺎﻟﻐﺎﻥ، ﺑﯩﺰﻩﯓ ﺋﯧﻼﻧﻼﺭ.
ﺑﻪﺯﯨﻠﯩﺮﻯ ﺋﯧﻼﻥ ﺋﻪﻣﻪﺱ ﺋﺎﮬﺎﻧﻪﺕ، ﺑﯩﺮ - ﺑﯩﺮﯨﮕﻪ ﺗﺎﭘﺎ - ﺗﻪﻧﻪ، ﮬﺎﻗﺎﺭﻩﺕ، ﻧﻪﺩﻩ ﺑﻮﻟﺴﯘﻥ ﺑﯘ ﺋﯧﻼﻧﺪﺍ ﺳﺎﺧﺎﯞﻩﺕ؟ ﻣﻪﻗﺴﻪﺗﻠﯩﺮﻯ - ﮬﺎﻳﺎﻥ، ﺑﯩﺰﻩﯓ ﺋﯧﻼﻧﻼﺭ.
ﺟﯩﻨﺴﯩﻴﻪﺗﺘﯩﻦ ﺋﯘﭼﯘﺭ ﻗﯧﺰﯨﭗ ﺋﯧﻜﺮﺍﻧﺪﺍ، ﮬﯩﭻ ﻣﻪﺧﭙﯩﻴﻪﺕ ﻗﺎﻟﻤﺎﻱ ﻗﺎﻟﺪﻯ ﺋﯩﻨﺴﺎﻧﺪﺍ. (ﻳﯜﺭﻩﻙ ﭘﻮﻙ - ﭘﻮﻙ ﺗﯧﻠﯩﯟﯦﺰﯗﺭ ﺋﺎﭼﻘﺎﻧﺪﺍ) ﺑﯩﺰﻧﻰ ﺧﺎﭘﺎ ﻗﯩﻠﻐﺎﻥ، ﺑﯩﺰﻩﯓ ﺋﯧﻼﻧﻼﺭ.
ﺋﺎﺗﺎ - ﺋﻮﻏﯘﻝ، ﺋﺎﻧﺎ - ﻛﯧﻠﯩﻦ ﺋﯩﺸﻪﻧﭽﻠﯩﻚ، ﺋﺎﭼﺎﻟﻤﯩﺴﺎ ﺗﯧﻠﯩﯟﯨﺰﯗﺭ ﻳﯜﺭﻩﻛﻠﯩﻚ. ﺳﻪﺕ ﺋﯧﻼﻧﻼﺭ ﺗﯘﺭﺳﺎ ﮬﺎﻣﺎﻥ ﺑﻪﺗﻠﻪﻛﻠﯩﻚ، ﻳﺎﻳﺮﯨﻐﺎﻳﻤﯘ ﺑﯘ ﺟﺎﻥ، ﺑﯩﺰﻩﯓ ﺋﯩﻼﻧﻼﺭ
ﻗﺎﻟﻤﯩﻐﺎﻧﺪﻩﻙ ﺑﯘ ﺟﺎﮬﺎﻧﺪﺍ ﺳﺎﻕ ﻛﯩﺸﻰ، ﺋﯧﻼﻧﻼﺭﻧﯩﯔ "ﻛﯧﺴﻪﻝ، ﻛﯧﺴﻪﻝ..." ﺳﯚﺯﻟﯩﺸﻰ، ﺑﯧﺮﯨﭗ - ﺑﯧﺮﯨﭗ ﻳﻪﻧﻪ ﭘﯘﻟﻐﯘ ﻛﯚﺯﻟﯩﺸﻰ، ﻧﯩﻤﺎﻧﭽﯩﻼ ﺋﯘﭘﻘﺎﻥ، ﺑﯩﺰﻩﯓ ﺋﯧﻼﻧﻼﺭ.
ﻳﯧﺮﯨﻢ ﺳﺎﺋﻪﺕ ﺋﯧﻼﻥ ﺑﯧﺮﯨﭗ ﺗﻮﻳﻤﺎﺳﺘﯩﻦ، ﺋﯩﻜﻜﻰ ﻣﯩﻨﯘﺕ ﻛﯩﻨﻮ ﻗﻮﻳﺎ - ﻗﻮﻳﻤﺎﺳﺘﯩﻦ، ﻳﻪﻧﻪ ﺋﯧﻼﻥ ﺑﺎﺷﻼﺭ ﻧﻮﻣﯘﺱ ﻗﯩﻠﻤﺎﺳﺘﯩﻦ، ﺟﺎﻕ ﺗﻮﻳﺪﯗﻗﻘﯘ ﯞﺍﻳﺠﺎﻥ ﺑﯩﺰﻩﯓ ﺋﯧﻼﻧﻼﺭ.
ﺗﯧﻠﯩﯟﯨﺰﯗﺭﻧﻰ ﺋﺎﺭﺍﻡ ﺋﯜﭼﯜﻥ ﻛﯚﺭﻩﺭ ﺋﻪﻝ، ﺋﻮﻳﻼﭖ ﻗﻮﻳﯘﯓ ﺋﻪﻝ ﺭﺍﻳﯩﻨﻰ ﺋﻪﻣﺪﻯ ﺳﻪﻝ، ﺋﺎﺯﻯ ﮬﻪﺳﻪﻝ، ﻛﯚﭘﻰ ﻻﯞﺯﺍ - ﺑﯩﻤﻪﺳﻪﻝ، ﺷﯘﺩﯗﺭ ﺳﯩﺰﺩﻩ ﻧﯘﻗﺴﺎﻥ، ﺑﯩﺰﻩﯓ ﺋﯧﻼﻧﻼﺭ.
ﺋﯧﻼﻥ - ﺋﯘﭼﯘﺭ ﺩﻩﯞﺭﯨﺪﯗﺭ ﺑﯘ، ﺑﯩﻠﻪﺭﻣﯩﺰ. ﺳﻮﺩﯨﯖﯩﺰﻏﺎ ﺋﺎﺳﺎﻳﯩﺸﻠﯩﻖ ﺗﯩﻠﻪﻳﻤﯩﺰ. ﻣﺎﻟﻠﯩﺮﯨﯖﯩﺰ ﻳﺎﺧﺸﻰ ﺑﻮﻟﺴﺎ ﻛﯧﻠﻪﺭﻣﯩﺰ، ﺑﻮﭖ ﻗﺎﻟﻤﯩﺴﯘﻥ ﻗﺎﻟﻘﺎﻥ، ﺑﯩﺰﻩﯓ ﺋﯧﻼﻧﻼﺭ.
ﺋﯧﻼﻧﻐﯩﻼ ﺳﻪﺭﭖ ﺋﻪﺗﻤﻪﯓ ﺋﺎﻗﭽﯩﻨﻰ، ﺑﺎﺭﺍﯓ ﭘﯘﻝ ﺩﻩﭖ ﺋﯧﻴﺘﯩﯟﻩﺭﻣﻪﻱ ﻧﺎﺧﺸﯩﻨﻰ، ﻣﻪﺯﻣﯘﺕ ﻗﯩﻠﯩﯔ ﺳﯜﭘﻪﺕ ﺩﯦﮕﻪﻥ ﺳﺎﻗﭽﯩﻨﻰ، ﺋﻪﻣﺪﻯ ﺋﺎﻗﻤﺎﺱ ﺋﺎﺳﺎﻥ، ﺑﯩﺰﻩﯓ ﺋﯧﻼﻧﻼﺭ.
ﺗﯩﺠﺎﺭﻩﺗﻨﯩﯔ ﻳﻮﻟﻠﯩﺮﻯ ﻛﻪﯓ، ﺋﯩﺰﺩﻩﻧﺴﻪ. ﻳﺎﺷﻨﯩﻤﺎﻕ ﺑﺎﺭ ﺋﺎﯞﺍﻡ ﻏﯧﻤﻰ ﻛﯚﺯﻟﻪﻧﺴﻪ. ﻣﯘﺋﻪﻟﻠﯩﭙﺘﯩﻦ ﺋﻪﺳﻠﯩﻲ ﻣﻪﻗﺴﻪﺕ ﺳﯚﺯﻟﻪﻧﺴﻪ، ﻳﺎﻟﺠﯩﻤﯩﺴﯘﻥ ﺑﻪﺗﺘﺎﻡ، ﺑﯩﺰﻩﯓ ﺋﯧﻼﻧﻼﺭ
(ﺋﺎﭘﺘﻮﺭ: ﺷﯩﻨﺠﺎﯓ ﺭﺍﺩﯨﺌﻮ - ﺗﯧﻠﯩﯟﯨﺰﯨﻴﻪ ﺋﯩﺪﺍﺭﯨﺴﯩﺪﺍ) |
|