نۆۋەتتە، بىر يۈرۈش ئۇيغۇر، قازاق، قىرغىز يېزىقىدىكى Office ئىشخانا يۇمشاق ماتېرىيالىنى 300~400 يۈەنگىلا سېتىۋالغىلى بولىدىغان بولدى. جۇڭگو پەنلەر ئاكادېمىيىسى شىنجاڭ شۆبىسى فىزىكا-خېمىيە تەتقىقات ئورنىدىن دۇڭ جۈن قاتارلىق كىشىلەر 2 يىل ۋاقىت سەرپ قىلىپ بىر يۈرۈش سۇپا ھالقىغان ئۇيغۇر، قازاق، قىرغىز يېزىقىدىكى Office ئىشخانا يۈرۈشلۈك يۇمشاق ماتېرىيالىنى تەتقىق قىلىپ مۇۋەپپەقىيەت قازاندى ھەمدە 2006- يىلى 12- ئاينىڭ 8- كۈنى پەن-تېخنىكا نازارىتى ئۇيۇشتۇرغان مۇتەخەسسىسلەر گۇرۇپپىسىنىڭ تەكشۈرۈپ ئۆتكۈزۈۋېلىشىدىن ئۆتتى.

بۇ يۇمشاق ماتېرىيال يېزىق بىر تەرەپ قىلىش، ئېلېكترونلۇق جەدۋەل، پرويېكسىيە فىلىمى ياساش قاتارلىق قوللىنىشچان يۇمشاق ماتېرىياللارنى ئۆز ئىچىگە ئالغان بولۇپ، كۆزنەك، ياردەم سىستېمىسى قاتارلىقلارنىڭ ھەممىسىدە ئۇيغۇر يېزىقى قوللىنىلدى. شۇنىڭ بىلەن بىر ۋاقىتتا، بۇ يۇمشاق ماتېرىيالدا ئۇيغۇر، قازاق، قىرغىز يېزىقىدا ئۇچۇر بىر تەرەپ قىلىشتىكى ھالقىلىق تېخنىكا ئۆتكىلىگە ھۇجۇم قىلىنىپ، ھەرپ تەرتىپى، شەكىل تاللاش، كۆرسىتىش، ئۇزارتىش، ئارىلاشتۇرۇپ تەھرىرلەش، قۇر ئالماشتۇرۇش، بەت ياساش، كۆپ ۋاسىتە، پەرقلەندۈرۈش، ھەرپ ئامبىرى، سانلىق مەلۇماتلارنى ئۇلاش قاتارلىق 54 خىل قىيىن مەسىلە ھەل قىلىندى.

ھازىرغىچە ئۇيغۇر، قازاق، قىرغىز يېزىقىدىكى ئىشخانا يۈرۈشلۈك يۇمشاق ماتېرىيالى مەھسۇلاتىدىن 4502 يۈرۈش سېتىلدى ھەمدە ھەر قايسى ۋىلايەت، ئوبلاستلىق ھۆكۈمەتلەرگە 3000 يۈرۈش سوۋغا قىلىندى.

مەنبە: شىنجاڭ پەن-تېخنىكا گېزىتى

شىنجاڭ ئۇيغۇر ئاپتونوم رايونى قەشقەر ۋىلايەتلىك پەن تېخنىكا ئىدارىسى باشچىلىقىدا تۈزۈلدى. قەشقەر ۋىلايەتلىك پەن تېخنىكا ئاخبارات ئورنى باشقۇرىدۇ

بۇنى قانداق سېتىۋالالايمىز؟ شۇ توغۇرسىدىمۇ ئېنىقىراق مەلۇمات بەرگەن بولسىڭىز . رەخمەت.

بەكلا ياخشى ئىكەن . كۆزنەكلىرى پۈتۈنلەي ئۇيغۇرچە ئىكەن ، يېڭى ئۈگەنگۈچلەرمۇ بىمالال .ئىشلىتپ كەتكۈدەك