بىر ئەرنىڭ ئايالىغا يازغان خىتى
خوتون ~` ئاناڭلىنىڭ ئۆيىدە ياخشى تۇرىۋاتامسىلەر ؟
.ئىككىمىز سوقۇشۇپ ،سەن ئۆيدىن چىقىپ كەتكەنگە ﻫازىر توپتوغرا 38سائەت37مىنۇت بولدى .بۇ ۋاقىت سەن ئۆتكەندە يامانلاپ ئۆيدىن چىقىپ كەتكەن چاغدا ياراتقان رېكورتتىن يەنە 4سائەت 17مىنۇت ئاز .سېنىڭ ئەپۇ سوراپ ئالدىڭغا بىرىشىمنى كۈتىۋاتقانلىقىڭنى بىلىمەن ،مەنمۇ شۇ يولغا چىقاي دەپ تەييارلىنىۋاتىمەن ،بىراق مەن سېنىڭ يەنە ئازراق چىداپ يىڭى رېكورت يارىتىشىڭنى ئۈمۈد قىلىمەن .
مەن ناﻫايىتى ياخشى تۇرىۋاتىمەن ،ئارتۇق ئەنسىرىمىسەڭمۇ بولىدۇ .گەرچە سەن ئامانەت كىنىشكىلىرىنىڭ ﻫەممىسىنى يىغىپ ئېلىپ كەتكەن بولساڭمۇ ،تېخى ئاچ قالمىدىم .تىقىپ قويغان ئىناۋەتلىك كارتا بار ئەمەسمۇ ،(خۇدا شۈكرى ،بۇ چوڭ ئاقتۇرۇپ تەكشۇرۇشتىن ئامان قالغىنى ). شۇ كارتىغا بەش كۆينەك ،ئۈچ قۇر ئىچ كىيىم ،يەتتە جۈپ پايپاق ئالدىم ،سەن كەلگۈچە يېتىدۇ .شۇڭا كىيىملىرىمنىڭ كىر بولۇشىدىن ئەنسىرىمىسەڭمۇ بولىدۇ . داڭلىق ماركا دىگەننىڭ سۈپىتى ﻫەقىقەتەن ياخشى بولىدىكەن ،باﻫاسى سەل قىممەت بولسىمۇ !
تامىقىمدىنمۇ ئەنسىرىمىگىن .مەن سەن كېتىپ ﻫازىرغىچە يېڭى ئېچىلغان يەتتە رېستۇرانغا بېرىپ تاماق يەپ بولدۇم .ئۇلارنىڭ مۇئامىلىسى بەكلا ياخشىكەن ،تېخى مېنىڭ يالغۇز تاماق يەۋاتقانلىقىمنى كۆرۇپ مېنى ئىشتىﻬاسى تۇتۇلۇپ قالمىسۇن دەپ كېلىپ بىللە ﻫەمراﻫ بولۇپ تاماق يىيىشىپ بىرىدىكەن تېخى .لىكىن بىر --بىرىدىن قىممەت نەرسىلەرنى بۇيرۇتۇپ ئولتۇرىۋالىدىكەن.
ﻫەممىدىن بېشىمنى ئاغرىتىۋاتقىنى ئۇدۇلىمىزغا يېڭىدىن كۆچۇپ كەلگەن ياش ئايال .ئۇ ﻫەر كۈنى ئۇنى --بۇنى سورىغان بولۇپ ماڭا گەپ قىلىدۇ .لىكىن سەن خاتىرجەم بولغىن .مەن ساڭا يۈز كېلەلمەيدىغان ئىشنى ﻫەرگىز قىلمايمەن .بۇ تەرەپتە مەندىن گۇمانلانساڭ بولمايدۇ .
ئۆيدىكى گۈل --گىياﻫلارغا كەلسەك ،ﻫازىرقىدەك سۇ قىس شارائىتتا گۈللەرنى سۇسىز قۇملۇق مۇﻫىتىغا ماسلاشتۇرۇش ئۈچۈن سەن كەلگۈچە گۈللەرگە سۇ قۇيماسلىقنى قارار قىلدىم .بۇنىڭ گۈللەرگە پايدىسى بار . ﻫەراست ! ئۆيدىكى مۈشۈك ساڭا ئەگىشىپ بىللە كەتتىما ؟ئۇنى كۆرمىگىلى ئىككى كۈن بولۇپ قالدى .
مەن چوقۇم سەندىن كەچۈرۈم سوراپ سېنى ئېلىپ كەتكىلى بارىمەن .ئۇنداق بولغاندىن كېيىن كەلگىلى ئالدىرىماي ئۇزاقراق تۇر . چوڭلارمۇ سېنى سېغىنىپ قالغاندۇ ~ ئۇنىڭ ئۈستىگە رېكورت مەسىلىسى بار ئەمەسمۇ `

قوشۇمچە : ئەگەر ئەتىگىچە كېلەلمەي قالساڭ ،سەن ئۆچ كۆرىدىغان ﻫېلىقى ئايال خىزمەتدىشىم بىلەن تاماق يىگىلى بېرىشىم مۇمكىن، نىمىلا دىمىگەن بىلەن ،خەقنى رەت قىلىۋەرگىلى بولمايدۇ دە .!

خەير --خوش !
سېنى سېغىنىپ :...........

مەنبە ؛ ھۈريەت

ۋاھ ئەجەپ پەيزى  تەھتىت خىتىكەنغۇ بۇ  

بۇمۇ ياخشى ئامالكەن

ھې  ھې  ھې...
كاللىسى ئىشلەيدىغان ئاداشكەن ماۋۇ!!!!

      بۇلاپ قۇيىدىغان ئامال ئكەن .