بىز رېئاللىقتىن ئۆزىنى قاچۇرىدىغان ئالدامچىلار ؟

بىز رېئاللىقتىن ئۆزىنى قاچۇرىدىغان ئالدامچىلار ؟

(شەبنەم تور بېكىتىدىن ئېلىندى)

    قىزلىرىمىز ساغرىسىغا چىڭ يېپىشىپ تۇرىدىغان  كىيىملەرنى  كىيىپ  يۈرسە .  جەمئىيەت شۇنداق، بۇ دېگەن ھازىرقى مودا ئىقىم دەپ ئۆزىمىزنى بەزلەيمىز . گۇناھ ئىشنى بولۇشىغا قىلىۋېتىپ ، تىلەمچىگە بىر كوينى بېرىپ پۈتۈن گۇناھىمىز ساقىت بولغاندەك ئۆز ئۆزىمىزنى بەزلەيمىز ،
تاماكىنىڭ زىيانلىق ئىكەنلىكىنى بىلىپ تۇرۇپ ، << ھەي !!! كۆنگەن خۇي >> دەپ قويۇپلا ئۆزىمىز بەزلەپ چىكىۋىرىمىز .
ھازىرقى جەمئىيەتتە دۇرۇس قىزلار قالمىدى دېگەن ئىدىيىنىڭ كەينىدە ئۆزىمىزنى ئامالسىز قىياپەتكە كىرگۈزۈپ .
شەھۋانىي يامان يولغا مىڭىۋىرىمىز ، جەمئىيەت شۇنداق تۇرسا دەپ ئۆزىمىزنى بەزلەيمىز .
ھازىرقى ئوغۇللار قانداق بولماقچىدى دېگەن ئىدىيەنىڭ كەينىدە ، ئۆزىمىزنى ھەقىقىي بىر ئانا ئەمەس ،
بەلكى شاختىن شاخقا سەكرەپ يۈرىدىغان قۇشقاچقا ئايلاندۇرۇپ قويدۇق .
يالغۇز مەنلا شۇنداقمۇ ؟ ئوغۇللار شۇنداق بولمىسا بىز مۇشۇنداق بولامتۇق دەپ ئۆزىمىزنى بەزلەيمىز .
ئىمتىھاندىن ئۆتەلمىسەك ، << ۋاي ۋۇي !!! ئۆتەلمىگەن يالغۇز مەنلىمۇ >> دەپ
گۇناھنى باشقىلارغا يۈكلەپ قويۇپ . ئۆز ئۆزىمىزنى بەزلەيمىز .سودا قىلىۋېتىپ ساختىلىق ئىشلەتكەن
ۋاقىتلاردا << سامان ئارىلاشمىسا لاي ، ھارام ئارىلاشمىسا باي بولماس >> دېگەن ماقالىنى تۇتقا قىلىپ، ئۆز ئۆزىمىزنى ئالدايمىز .
قىسقىسى : بىز ساناپ تۈگەتكۈسىز ئالدامچىلىق ئىچىدە ياشاۋاتىمىز . جەمئىيەت شۇنداق تۇرسا ،
ئىشەك ئىشەكتىن قالسا قۇلىقىنى كەس دېگەن ناتوغرا ئىدىيە كەينىدە ، بىز ھەقىقىي بىلىم ئىزدىنىشكە ئەمەس ، مودا قوغلىشىشقا قاراپ يۈزلىنىۋاتىمىز .
توي قىلماي تۇرۇپ قىزلىقىنى يوقىتىش ھازىرقى جەمئىيەتتىكى ئاددىلا بىر ئىش بولغىنىدەك
ئارلاشقان ئادەمنىڭ ئاز كۆپلىكى شۇ قىز يىگىتنىڭ تەجرىبىگە مول . بىلىملىك ئىكەنلىكىنى بىلدۈرىدىغان بوپ قالدى .
ئېسىڭىزدە بولسۇن ، بىز ھەممىمىز بىر ئالدامچى .
بىزنىڭ تور ئالدىدا سائەت سائەتلەپ ئولتۇرۇپ ، خۇدا بەرگەن شۇ قىممەتلىك ۋاقىتنى قۇرۇق پاراڭ ، قۇرۇق سۆھبەتكە دەسمايە سالغىنىمىز . تور ئالدىدا ئولتۇرۇپ كۆرۈنمەس مەۋھۇم مۇھەببەتنىڭ قۇرۇق ئۆستىڭىگە ئۆزىمىزنى تاشلاۋاتقىنىمىزمۇ بىر ئالدامچىلىق .
قىزلىرىمىز ، سىڭىللىرىمىزنىڭ كىيگەن كىيملىرىگە قاراپ باقتىڭلارمۇ ،
ئەگەر باشقا قىزلار كوچىدا شۇنداق كىيىملەرنى كىيسە ، شەھۋانىي ھەۋىسىڭىز بىلەن قاراپ قويىسىز .
ئېسىڭىزدە بولسۇن ، قىزىڭىزغا ياكى ئاچا سىڭلىڭىزغىمۇ باشقىلار شۇنداق قارايدۇ .
سىز بىر قىز بولۇش سۈپىتىڭىز بىلەن ، مودا قوغلىشىپ شۇنداق يىرىم ئوچۇق كىيىملەرنى كىيىپ كوچىغا چىققىنىڭىزدا ، نۇرغۇنلىغان بەختلىك ئائىلىلەرنى بۇزۇشقا ئاساس سالغانلىقىڭىزنى ئويلاپ باقتىڭىزمۇ ؟
ھاۋايى ھەۋەس ھەرقانداق ئادەمدە بولىدۇ . بىر ئەركىشى سىزنىڭ شۇنداق بەدەنلىرىڭىزنى كۆرگەن چېغىدا ھاۋايى ھەۋەس توسۇپ قويغان پەردىنىڭ تەسىرىدىن ، بارا بارا ئۆيدىكى كۆيۈمچان ئايالى كۆزىگە خۇراپىي ، مەتۇ چىراي كۆرۈنۈپ قالىدۇ .
ئايالىڭىزنى ئۇنداق يىرىم يالىڭاچ ، ياكى ساغرىسى ۋە كۆكسىنى روشەن كۆرسىتىپ تۇرىدىغان كىيىملەرنى كىيىشتىن چەكلەيسىز ، لېكىن كىيىم كىيگەنلەر تويماي ھەۋەس بىلەن قارايسىز .
مانا مۇشۇمۇ بىر ئالدامچىلىق ، بىر ئائىلىنى ئالدىغانلىق ، ئايالىنى ئالدىغانلىق .
ئىسلام دىنىدا كۆز زىناسى دېگەننى ئاڭلىغان بولسىڭىز كېرەك ، گەپنى ئوچۇق دىمىسەكمۇ بولار .
قىسقىسى ، تۇرمۇش ھەدىسىلا بىزنى ھەرخىل زىنالارغا باشلايدۇ .
گەپنى يەنىمۇ قىسقارتىلمىسى : ھېچكىم بىزنى گۇناھ بولىدىغان ، ياكى ئالدامچىىققا كىرىدىغان ئىشلارغا باشلىغىنى يوق ، ھەممە ئىشلارنىڭ باشلىنىشىنى ئۆزىمىز كەلتۈرۈپ چىقىرىۋاتىمىز .
باشقىلاردىن ھەرقانچە ئاغرىنايلى ، ھەممىسى ئەھمىيەتسىز .
تۇنجى بولۇپ ، ئۆز ئىدىيمىزنى ئازاد قىلايلى . باشقىلار نېمە دەپ ئويلاپ قالار دىگەننى ھەرگىز ئويلىماڭ .
ياخشى ئادەملەر تىخى كۆپ . ئادەم قانچىكى چۈشكۈنلەشسە ، شۇ ئادەمنى شۇنچىلىك نەس باسىدۇ . سىز جەمئىيەتنى گۈزەل دەپ قارىسىڭىز . ھەممە ئادەم گۈزەل كۆرۈنىدۇ . ئىدىيىمىزگە سىڭىپ كەتكەن ئاغرىنىشتىن ئىبارەت ئىللەتنى يوقىتايلى . رېئاللىقتىن ئۆزىمىزنى قاچۇرمايلى .
    ئىسىىمىزدە شۇنى چىڭ تۇتايلى !!

يېپىلمايدىغان داستىخان ، ئاخىرلاشمايدىغان سورۇن بولمايدۇ . سىز قىلغان ھەربىر ئىش ھەرىكەتنىڭ سورىقى بولىدۇ .