كىتاب دېڭىزى قانچىلىك چوڭ

يازما تارىخ باشلانغاندىن بۇيان قانچىلىك كىتاب ساقلانغانلىقىنى ھېچكىم ئېنىق دەپ بېرەلمەيدۇ. بىر كىشى مۇنداق مۆلچەرلىگەن: دۇنيادىكى بارلىق كۇتۇپخانىدا ساقلىنىۋاتقان كىتابلارنىڭ نامى ماشىنكا بىلەن بىر قۇر قىلىپ ئۇرۇپ چىقىلسا، ئۇنىڭ ئۇزۇنلۇقى200  مىليارد كىلومېتىردىن ئاشىدۇ، ئۇنىڭ بىلەن يەر شارىنى5  مىليون200  قېتىم يۆگىگىلى  ياكى يەر شارى بىلەن قۇياش ئارىلىقىغا1000  دىن ئارتۇق «ھەرپ كۆۋرۈكى» سالغىلى بولىدۇ.
سابىق سوۋېت ئىتتىپاقىدا400  مىڭدىن ئارتۇق كۇتۇپخانا بار، ئۇلارنىڭ ئىچىدە لېنىن كۇتۇپخانىسىدا25  مىليون كىتاب،2  مىليون500  مىڭ پارچە قوليازما بار. ئۇنىڭدىكى كىتاب جازىلىرى بىر قۇر قىلىپ تىزىلسا500  كىلومېتىردىن ئاشىدۇ. ئامېرىكىنىڭ پارلامېنت كۇتۇپخانىسى دۇنيا بويىچە ئەڭ چوڭ بولۇپ، ئۇنىڭدا75  مىليون پارچىدىن ئارتۇق كىتاب ۋە ماتېرىيال بار، كىتاب جازىلىرى850  كىلومېتىردىن ئاشىدۇ. جۇڭگودىكى ئەڭ چوڭ كۇتۇپخانا بېيجىڭ كۇتۇپخانىسى بولۇپ،20  مىليون پارچىدىن ئارتۇق كىتاب بار.1990
  - يىلى مەملىكىتىمىزدە80  نەچچە مىڭ پارچە كىتاب نەشر قىلىندى، بۇ ھەر كۈنگە220  نەچچە پارچىدىن توغرا كېلىدۇ.