يېڭى تۇغۇلغان بوۋاقلارنىڭ كىيىمىنى قانداق كىيدۈرۈش كېرەك؟
يوللانغان ۋاقتى : 2009-06-15 11:07:24 كۆرۈلۈش سانى : 309
يېڭى تۇغۇلغان بوۋاقلارنىڭ كىيىمىنى قانداق كىيدۈرۈش كېرەك؟
يېڭى تۇغۇلغان بوۋاقلارغا كىيىم كىيدۈرۈشتە ھەرىكىتى يەڭگىل بولۇش، پۇت - قولىنىڭ ئەگمىسى ھەم ھەرىكەت يۆنىلىشىگە قاراپ ئېلىپ بېرىلىش، كۈچىمەسلىك، ئاۋۋال ئۈستى كىيىمىنى ئاندىن ئىشتىنىنى كىيدۈرۈش كېرەك. مەسىلەن: بوۋاقلارغا يۈرۈشلۈك ئىچ كىيىم كىيدۈرۈشتە نۆۋەتتىكى ئۇسۇل بويىچە ئاۋۋال بوۋاقنى كارىۋاتتا ياتقۇزۇپ زاكىسىنى ئالماشتۇرۇش زۆرۈرىيىتى بار - يوقلۇقىنى تەكشۈرۈش ئاندىن مايكىسىنى ياقىنى بويلاپ تۈرۈپ يۇمىلاق شەكىلگە كەلتۈرۈپ، ئىككى باش بارماقنى كىرگۈزۈپ ياقىسىنى ئېچىپ بوۋاقنىڭ بېشىدىن كىرگۈزۈش، ئاندىن ئوڭ يېڭىنى يۇمىلاق شەكىلدە تۇرۇپ، ئانا قولىنى ئوتتۇرىدىن ئۆتكۈزۈپ يېڭى تۇغۇلغان بوۋاقنىڭ بېغىشىدىن تۇتۇپ، يەڭدىن ئاستا تارتىپ چىقىرىپ، يەڭنى بوۋاقنىڭ بىلىكىگە ئاستا كىيدۈرۈش؛ ئوخشاش ئۇسۇل بويىچە سول بىلىكىنىمۇ كىيدۈرۈش، ئاخىرىدا بوۋاقنىڭ ئۈستى بەدىنىنى ئاستا كۆتۈرۈپ مايكىسىنى پەسكە تارتىپ چۈشۈرۈش ئىشتاننىمۇ ئوخشاش ئۇسۇل بىلەن پاچىقىنى يۇمىلاق شەكىلدە تۇرۇپ ئانا قولىنى تىقىپ بوۋاقنىڭ ئوشۇقىدىن ئاستا تارتىپ ئىشتاننىڭ پاچىقىدىن كىرگۈزۈپ ئىشتاننى ئۈستىگە تۈز كۆتۈرۈۋەتسە بولىدۇ. ئەڭ ئاخىرىدا ئىشتاننىڭ بېلىنى كۆتۈرۈپ، مايكىسىنى ئىشتاننىڭ ئىچىگە تىقىپ كىيىمىنى تۈزەشتۈرۈپ قويسا بولىدۇ. ئانا كىيىم كىيدۈرۈش جەريانىدا ھەر ۋاقىت يېڭى تۇغۇلغان بوۋاقنىڭ ئىپادىسىنى كۆزىتىشكە دىققەت قىلىش كېرەك. بۇنداق قىلغاندا يېڭى تۇغۇلغان بوۋاق تېنىدە غەيرىي ئالامەت بار - يوقلۇقىنى ۋاقتىدا بايقىۋالغىلى بولىدۇ. |
|